Сабақтың тақырыбы: «Сәтбаев қаласы – менің қалам»
Мақсаты: Сәтбаев қаласы туралы мағлұмат беру, қаламыз Сәтбаевтың көрікті орындарымен таныстыру; отансүйгіштікке, Отанын қадірлеуге үйрету; ұлттық патриотизм рухында тәрбиелеу. 
Көрнекіліктер: Сәтбаев суреттері.
І. Кіріспе

Құрметті оқушылар, бүгінгі біздің тәрбие сағатының тақырыбы – «Сәтбаев қаласы – менің қалам». Сәтбаев қаласы Қазақстанның көрікті қалаларының біріне айналып, әсем де жақсы қала ретінде танылуда.
Тәуелсіздік алған жылдар ішінде Елбасымыз Қазақстанды бүкіл әлемге танытты. Басқа мемлекет сияқты біздің де Астанамыздың бар екенін,14 облысының бар екенін, жұмаққа ұқсас жерлерінің керемет екенін таныта білді.

Сәтбаев – Қарағанды төсінде егіз қозыдай қатар жатқан қос қала Жезқазған қасындағы қаласы. Әр елдің баласы өз Отаны, туған жері туралы біліп, оны көркейтіп, қадірлей білу керек. Біз – осы елдің болашақ патриоттарымыз. Үлкендеріміз жасап берген жолды алдағы уақытта жалғастырушылар – біз. Ендеше Сәтбаев туралы, бүгін жырлап, әңгімелеп, мақтан етейік! 
1 – оқушы
Кең дала төсі толқыған егін, 
Күмістен көлі шашуын шашқан. 
Өрісте малын әндетіп баққан, 
Кеңгірдің от қып толқынын жаққан.
Барша ұлттың халқы бақытын тапқан 
Көгілдір туы түсіндей аспан
Жер бар ма шіркін өзіңнен асқан Сәтбаев – қалам менің!
2 – оқушы
Туған қалам Сәтбаев,
Мақтанышым Қашанда.
Қазақтың ұлы ғалымы,
Академик атында.

3 – оқушы
Кенін тапқан жерімнің,
Байлығы болған елімнің.
Кенді қазған кеншілер,
Татады еңбек жемісін.
4 - оқушы
Құтты болсын Қаламыз, 
Туған күнің бүгінгі.
Жырға қосып атынды,
Шаттық әнге саламыз!

5-оқушы

Сапырған сары алтын тастардан,
Бәріндеасқақ ән, жақсы арман.
Бақытты байтақ ел достығы
Қаныштың қосынан басталған.
6-оқушы
Сары алтын Сарыарқа даласы,
Халқымның кемеңгер данасы данасы.
Әр-таңын ән-күймен қарсы алған,
Сәтбаев-достықтың қаласы.

7-оқушы
Бар мекенім, бесігім тербетілген,
Кенші қала, айналдым келбетіңнен.
Шыға келсем ерте мен көше бойлап 
Күлімсіреп сипайды күн бетімен.

Жұмысшылардың Никольский поселкесі, кейін Никольский қаласы, қазіргі таңдағы Сәтбаев қаласының тарихы үлкен өнеркәсіп аймағы болып табылатын Жезқазған-Қарсақбай-Ұлытау тарихтарымен ажырамас жұпта. Орталық Қазақстан даласының қазбалы пайдаға толы екенін адамзат баяғыдан, тіпті сонау қола дәуірінен бері білген. Ол туралы тарихта із қалдырған ашық кен орындары мен кен байытуға арналған пештердің іздері, мыс кесектері және табылған жебелердің мыс пен қоладан жасалған ұштары айтады.
Құрлықтың ортасында, Еуразия кіндігінде орналасқандықтан Сәтбаев аймағының су қоры Каракеңгір өзенінің Кеңгір су қоймасының, Сарыкеңгір және қос жер асты бұлақтарының су көзін пайдаланады. Бұл өзендер қар, жер асты суларымен және атмосфералық жауын-шашынмен қоректенеді. Өзен арналары қар көп жауған жылдары өте мол су қорын жинайды. Өзендегі ең ұзын өзен-Қаракеңгір, оның ұзындығы 350км алқабының ауданы 16,700 км,орташа жылдық ағын мөлшері секундына 2,1 текше метрге жетеді.: Сәтбаев қалалық торабына (агломарция) Сәтбаев қаласы мен поселкелік округ (Жезқазған кенті мен Сәтбаев селосы) енеді.

Сәтбаев қаласы туралы ойтолғаулар:
1 – оқушы:Менің туған қалам-Сәтбаев қаласы.Мені қаршадай кезімнен бастап,туған жерді сүйуге,қадірлеуге,қастерлеуге баулыған. Күннен күнге Сәтбаевтың климатына,ыстығы мен суығына бойым үйреніп келеді.Сәтбаев қаласы шағын болса да, мені ыстық сезім Сәтбаевқа тартып тұрады. Адамның ең бір үлкен борышы-туған қаласын көркейтуге үлесін қосу.
Біреу менен: «Сен қай қаладансың»-деп сұрағанда мен ; «Менің туған қалам-Сәтбаев!»деп көтеріңкі көңіл күймен,көтеріңкі ырғақпен,үлкен мақтанышпен жауап қайырамын.Тіпті,кейбірі; «Бұл қандай қала?»-деп сұрайтандары да бар. Ал мен болсам Сәтбаев туралы қуана-қуана айтып бергенде,әрбір адам менің қалама қыдырып барғысы келеді.

2 – оқушы: Мен өзімнің туған қалам Сәтбаев қаласын мақтан тұтамын. Қазақ КСР жоғары советі Прездиумның қаулысы бойынша Жезқазған облысының Никольский қаласы 1990жылы 13 қыркүйегінде Сәтбаев қаласы болып аталды,бұл біздің қаламыздың туған күні. Сәтбаев қаласының жалпы жер көлемі 110435 гектар жерді алып жатыр. Сәтбаев халқы көп ұлтты, тату-тәтті бірлікте өмір сүруде. Жазы құрғақ, қысы қатты, континеттік аймақ. Қаракенгір, Сарыкеңгір, Жезді өзендері Жезқазған қаласының маңында қосылып, Сарысу өзеніне құяды. Өзен маңында тал,терек,айың,қарағаш,шілікті тоғайлар бар,жан-жануарлар мен құстарға бай. Бұрында осы қала орналасқан жерде көктемде қызғалдақтар мен сарғалдақтар, бәйшешектер қалың өсетін жер бетін кілемдей құлпыртатын қазір олар өте аз. Сәтбаев қаласында ауызсу «Есқұладан» таратылған,тұщы жер астының суы.Ертеде бұл жерді Досхан жері деп атаған. Ол кісі батыр адам болған. Осынау қаланың академик Қаныш Имантайұлы Сәтбаевтіңатымен аталуы зор мақтаныш. Жерімізде мыс пен жез кенін тауып, халқымызды қуанышқа бөледі. Шахталарда не бір еңбек ерлері жұмыс атқарады. Мен қаламмен мақтанамын!

Сәтбаев қаласының туған күніне арналған сынып сағаты өз мәресіне жетті. Белсене қатысқандарыңызға рахмет!