Тәрбие сағаты "Тәуелсіздік-тәу етер киелі ұғым" 6 сынып

Сыныбы

6 «Ә»

Сабақтың тақырыбы:

«Тәуелсіздік - тәу етер киелі ұғым»

Жалпы мақсаты:

Елбасының «Болашаққа бағдар;рухани жаңғыру» атты мақаласындағы «Тәрбие және білім» атты ішкі бағдарламасындағы «Отаным тағдырым» бөлімінде айтылғандай оқушыларға Отан, Тәуелсіздік ұғымы, Желтоқсан оқиғасы туралы мағлұмат бере отырып, патриоттық тәрбие беру, Отанды сүюге және ерлікке баулу. Желтоқсан оқиғасында ел қамын жеген ерлерді үлгі тұту, өнеге алуға және халқынның тарихын үйрету, достыққа, ұйымшылдыққа тәрбиелеу.

Күтілетін нәтиже

Тәуелсіздік тарихына түсінік береді. Тәуелсіздік алғаннан кейінгі жетістіктерімен танысып, елін, жерін сүйетін патриоты болуға үйренеді.

Сілтеме

кітаптар, постер материалдары, қосымша ресурстар.

Қолданылған әдістері мен тәсілдері

Диалогты оқыту: сұрақ қою, әңгімелесу;

Сыни тұрғыдан ойлауға үйрету

Оқуды және оқыту үшін бағалау

Ынтымақтастық және топтағы бірлескен жұмыс;

Жас ерекшеліктеріне сәйкес оқыту.

Міндеттері

Сабақ барысында оқушылардың толық қатысуы.

Топтық байланыс орнату.

Өзара келісіммен зерттеушілік- диалог құру.

Сабақ жоспары

Ұйымдастыру:

топқа бөлу (Түстер бойынша бөлу), мақсат қою

Сабақ барысы: Блум таксономиясы бойынша

Рефлексия. Кері байланыс.

Үйге тапсырма

Тапсырма көздері

Әр түрлі жағдаятқа байланысты сұрақтар.

Кері байланыс

«Инсерт» стратегиясы, топтық бағалау

Бағалау

Алған білімдерін жинақтап, түйіндеу арқылы, тақырыпты бағалау.

Сабақтың кезеңдері:

Мұғалімнің іс-әрекеті:

Оқушының іс-әрекеті:

Ұйымдасты

ру кезеңі:

Сыныпта жағымды психологиялық ахуал қалыптастырады

Сәлемдеседі, бір-біріне сәттілік тілейді

Білу

О й қозғау: Ассосация әдісі

Тәуелсіздік

«Тәуелсіздік» ұғымына түсінік береді

Түсіну

Бізге тәуелсіздік туын, қазақтың көк байрағын биік көтеріп, ел екенімізді дәлелдеп, дүние жүзіне танылуымызға себеп болған және дүниені дүр сілкіндірген Желтоқсан оқиғасына биыл 31 жыл толып отыр. «Мен - қазақ, қазақпын деп мақтанамын,
Ұранға «алаш» деген атты аламын» - деп азаттықты аңсаған, сол жолда аянбай қызмет еткен алаш арыстарының барлығы да қуғын – сүргінге ұшырап, Сталиндік қызыл террордың құрбандары болды. Сол алаш қайраткерлерінің азаттық идеясын жалғастырған, қыршын кеткен арыстардың аманатын арқалаған кейінгі толқын іні – қарындастары 1986 жылдың желтоқсанында тәуелсіздік үшін күресе білді.Тәуелсіздіктің түп тамыры «Желтоқсан» оқиғасына тікелей байланысты екендігіне ешкім дау айта алмас. «Түбін білмеген тексіз» деген қазақтың ғажап сөзі осындайдан шықса керек. Себебі, тәуелсіздіктің түп тамыры сонау бабалар ар – намысынан туындап жатқан жоқ па? Бейбіт шеруге шығып, билік тарапынан кінәлі деп саналған жастарымыздың бір бөлігі қанды қырғында көз жұмса, аман қалғандары өздері аңсаған азаттықтың қызығын көруде. Уақыт емші деп өзімізді жұбатқанымызбен, қыршын кеткен бауырларымыз есімізге түскенде жан – жарасы жаңғырып, қайғының айықпас дертіне шалдыққаныңды терең сезіне түсесің. Қайрат Рысқұлбеков, Ләззат Асанова, Сәбира Мұхамеджанова, Ербол Сыпатаев сынды қандастарымызды естен шығару мүмкін бе?

Осы желтоқсан оқиғасы салдарынан қаза болған жазықсыз жастарымыздың рухына бас иіп, орынымыздан тұрып бір минут еске алайық!
(Бір минут үнсіздік.)

Тәуелсіздікке жету – оңай жолмен келген жоқ, ол бәрімізге мәлім. Бұл қазақ халқының ғасырлар бойы көздеген арман-мұраттарының орындалуы.
Тәуелсіз мемлекетке айналу, бізге үлкен серпіліс, күш берді. Тарихи күш десе де болады. Біздің өз еркімізбен алға ұмтылуға, мемлекет болып өркендеуге жол ашылды 26 жылда мемлекетіміз күрт өзгерді. Экономикалық, әлеуметтік, интеллектуалды тұрғыда өркендеп келеміз. Оны архитектуралық тұрғыда қарасақ, Елбасы айтқандай, мемлекетіміздің басты күші – Астана қаласы. Астана тәуелсіздіктің белгісі, үні, келбеті деуге де болады. Осы жерді басып жүріп, шын мәнінде, біздің болашағымыз жарқын екеніне қатты қуанамыз. Биыл“ЭКСПО-2017” атты халықаралық көрме Астанада өткізілді. Ол Орталық Азияда және “Тәуелсіз Мемлекеттер Достастығына” кіретін мүше елдерде өткізілген алғашқы көрме болмақ. Мұндай үлкен шараны біздің елде өткізу мемлекетіміздің жоғарғы деңгейін көрсетеді. Көрменің тақырыбы “болашақ энергиясы” деп аталды, яғни жасыл технологияларға арналған.

Желтоқсан оқиғасында ел қамын жеген ерлерден өнеге алуға және халқынның тарихын біледі.

Қолдану

Талдау

Тәуелсіздіктің шыңы

1991 жылы 16-желтоқсанда  Қазақстан Республикасы өзінің Тәуелсіздігін алды.

1992 жылы Қазақстан Біріккен  Ұлттар Ұйымына  мүше болып кірді.

1993 жылы 15-қарашада –Ұлттық  Валюта  теңгенің  енгізілуі.

1995 жылы 30-тамызда  Жаңа  конституция  қабылданды.

1997 жылы 10-қазанда «Қазақстан -2030». Ел Президентінің Қазақстан  халқына  Жолдауының  жарыққа шығуы.

1998 жылы Халықтар тұтастығы  мен  ұлттық  тарих жылы.

1999 жылы Ұлттық тұрғындар  санағы.

2000 жылы Мәдениет  жылы.

2001 жылы Қазақстан әлемде өндірген газ саласы бойынша 15, ТМД елдері арасында 4~орынды алатыны жарияланды.

2002 жылы Денсаулық жылы.

2003 жылы Ауылды дамыту жылы.

2004 жылы Парламент  мәжілісінің  кезекті саййлауы.

2005 жылы 4-желтоқсанда  Бүкіл халықтық Қазақстан  Республикасының  Президентін сайлауы.

2006 жылы «Қазақ елі» монументінің  ашылуы.

2007 жылы Қазақстанның 2010жылға Еуропа Қауымдастығы мен  Ынтымақтастық  Ұйымына  төрағалық  етуі туралы шешім қабылданды.

2008 жылы Астананың 10 жылдық мерейтойы.

2009 жылы  25-ақпанда ҚР. Халықтық санақ жүргізілді.

2010 жылы Қазақстан ЕҚЫҰ-на мүше болды.2010 жылы «Бизнестің жол картасы 2020» бағдарламасы қабылданды

Қазақстан Республикасы Президентінің 2010 жылғы 19 наурыздағы № 958 Жарлығына сәйкес Қазақстан Республикасының Үкіметі Қаулы қабылдады.

2011жылы Қаңтар –ақпан айларында  ҚР.  Халықаралық Азияда  ойындары өтті.

2012 жылы 1-желтоқсан  алғаш Президент күні болып  жарияланды. 2012 жылдың 14 желтоқсанында Қазақстан Республикасының Президенті – Елбасы Н.Ә. Назарбаев «Қазақстан-2050» Стратегиясы қалыптасқан мемлекеттің жаңа саяси бағыты» атты Жолдауын Қазақстан халқына арнады.

2013 жылы Жылдың ең өзекті әлеуметтік тақырыбы – әйелдердің зейнетке шығу жасының көтерілу мәселесі. Көптеген пікір алмасу нәтижесінде, зейнетке шығу жасы

2014 жылы Астана күні қарсаңында Елордада жаңадан салынған Ұлттық музей ашылды.

2015 жылы мерейтойларға бай. Ұлы Жеңістің 70 жылдығы кең көлемде аталынып өтілді.

2016 жылы ҚР Тәуелсіздігіне 25 жыл толды

2017 жылы “ЭКСПО-2017” Халықаралық көрмесі ұйымдастырылды.Елбасының «Рухани жаңғыру:болашаққа бағдар» мақаласы жарияланды.

Талдау жасау арқылы тақырыптың мағынасын түсінеді

Салыстырады, сараптайды

Жинақтау

Рухани жаңғыру «…Уақыт қарқыны зымыран. Күні кеше өткен сияқты уақиғалар бүгінде тарих беттеріне айналып та үлгірді. Бұл жаңа мемлекет пен жаңа қоғамның дүниеге келуінің азапты толғаққа толы,сонымен бірге ғаламат сәті еді. Сол сәт әлі аяқталған жоқ,бірақ ең қиын белестерден
аса білдік. Ең қиын жылдар әл қазір артымызда қалды, сондықтан да мен еліміздің еңсесі биіктей беретініне
сенемін.» ( Н.Назарбаев) Дүниеде барлық адам, барлық халық тәуелсiздiк пен бостандықты, теңдiктi аңсайтыны анық. Сол жолдағы тынымсыз күрес әлемнің кей түкпірінде әлi де жалғасып жатыр. Тәуелсiздiк ұғымының терең астарын тарих қойнауынан, ата-бабамыздың өткенiнен, оның санғасырлық арманынан iздегенiмiз абзал.

Берілген тапсырманы орындайды,білімдерін жинақтайды, сараптайды

Бағалау

Жаңа тақырыптың маңыздылығын, қажеттілігін сұрайды.

Алған білімдерін жинақтап, түйіндеу арқылы, тақырыпты бағалау.

Рефлексия

Кері байланыс

Сабақтан алған әсерлерін сұрайды.

Бағдаршам

Қызыл.

Түсініксіз

Сары.Азғана түсінікті

Жасыл.Түсінікті