Тәуелсіздік тұғыры биікте!

(тәрбие сағаты)

Тәрбие сағатының мақсаты:

1. Балаларға тәуелсіздік туралы түсіндіру.

2. Қазақстан Республикасының басты жетістіктерімен таныстыру.

3. Патриоттық, отаншылдық сезімін ояту,елін,жерін,құрметтеуге тәрбиелеу.

Көрнекілігі: Тақырып,ән ұран,суреттер, слайд, бейнебаян т.б.

Қайырлы күн, құрметті ұстаздар, оқушылар!

Бүгінгі «Тәуелсіздік тұғыры биікте»атты ашық тәрбие сағатымызға қош келдіңіздер!

Алаулаған алабынан нұр тамып,

Қазақ елін бүкіл дүние жүр танып.

Көк байрағың желбірейді төріңде,

Әнұраным тұр көк аспанда шырқалып. (ҚазақстанРеспубликасыныңМемлекеттікГимніорындалады)

Балалар сендердің кеуделеріңдегі төсбелгіде тұрған ненің суреті? Елтаңба, Ту, Әнұран

Біздің мемлекетіміз қалай аталады?

Қазақстан Республикасы.

Н.Ә.Назарбаев кім?

Президентіміз, Елбасымыз

Ол-еліміздің басшысы, халқымыздың жанашыры, өте білімді, терең ойлы тұлға.

Енді Тәуелсіздігіміз туралы бейнебаянға назар аударайық:

Постер құрау: «Кім жылдам» ойыны. Қай топ жылдам екенін анықтау. (Елбасының, Тудың, Елтаңбаныңсуретін табу).

Н.Ә. Назарбаев

1940 жылы 6 шілдеде Алматы облысы Қаскелең ауданы Шамалған ауылында дүниеге келді. Ол Қазақстан үкіметін 44 жасында басқарған. 1991 жылы 1 желтоқсанда ҚР – ның тұңғыш Президенті болып сайланды.

Ту.

ҚР Мемлекеттік Туының авторы Шәкен Ниязбеков. Оның ортасында арайлы күн , күннің астында қалықтаған қыран бейнеленген. Ағаш сабына бекітілген тұста ұлттық оюлар өрнектелген. Көгілдір түс бұлтсыз ашық аспанды білдіреді.

Елтаңба.

ҚР Мемлекеттік Елтаңбасының авторлары Жандарбек Мәлібеков, Шотаман Уалиханов. Елтаңбада шаңырақ, қанатты тұлпарлар, бес бұрышты жарқыраған жұлдыздар бейнеленген.

Осы біздің тәуелсіз елімізге арнаған тақпақтарың бар ма,балалар?

2 – оқушы:

Ақталды боздақтардың ақ талабы,

Әділ іс әрқашанда ақталады.

Елі үшін жанын қиған асыл жандар.

Ел есінде мәңгілік сақталады.

3 – оқушы:

Тәуелсіздік биік болсын,тұғырың.

Тарылмасын терең алған тынысың

Бұдан алған күндеріміз құрсын,

Ұзақ болсын, ұзақ болсын ғұмырың!

4-оқушы:

Тұрағым Қазақстан елді мекенім,

Сүйгем жоқ,сүйе алмаймын жерді бөтен.

Танытқан бар әлемге қазақ атын,

Туымды асқақтата желбіретем.

5- оқушы:

Тәуелсіздік оңай бізге келмеген,

Ер намысын жауға қолдан бермеген.

Орындалды ата-баба арманы,

Жас қыран көгімізде самғады.

6- оқушы:

Тәуелсіздік, нұрын қандай кіршіксіз,

Сен-бәйтерек, біз көктейтін бүршікпіз.

Берекемен берік болды іргеміз,

Елбасымен әрқащанда біргеміз.

7 – оқушы:

Тәуелсіздік тұғырын желбіреткен,

Қазағымның жүрегін елжіреткен.

Мақтан етем елімнің берекесін

Құттықтаймын шын жүректен мерекесін.

8 - оқушы

Келді міне тәуелсіздік мейрамы

Өтіп кетті халқымның мұң-қайғысы.

25 жыл тәуелсіздік таңы атып,

Мұғалім:Мен де сендермен бірге Тәуелсіздікке арнаған тақпағымды айтайын:

Тәуелсіздік түскен жоқ қой аспаннан,

Тарихы оның тым ертеден басталған.

Бостандықтан құтқарам деп елімді,

Талай боздақ қара жерді жастанған.

- дегім келеді.

Балалар,енді тәуелсіздік күніне арнап ,сендерге ертегі айтып берейін:Тыңдағыларың келе ме? –ия

Ерте-ерте ертеде бір қыран құс өмір сүріпті.Қыран құс құстардың ішіндегі ең ақылды,ең байсалды құс болыпты.Бір күні қыран құс құстарға басқа жаққа барып,мекен ететінін айтыпты. Қыран құсқа қайжаққа барасын десе: бау бақшасы бар, ынтымағы жарасқан аспаны ашық елде тұрамын депті.Сол қандай ел екені сандықта жасырыныпты.

• Ол қандай ел екенін білгілерің келе ме?- балалар. –Ия

Оны білуіміз үшін 3 сұраққа жауап беруіміз керек

Осы 3 сұраққа жауап берсек сандығымыз ашылып,ішінен жібек шашылып,ынтымағы жарасқан тату-тәтті ел қандай ел екенін білеміз.

1-ші сұрақ: қазақтың ұлттық биі қандай?-Кім айтады? –Қара жорға.Дұрыс балалар.

Ендеше, «Қара жорға»биіне сергіту сәті.

2-ші сұрақ : Қазақтың мемлекеттік рәміздеріне нелер жатады және авторлары кімдер?

Елтаңба,Әнұран,Ту

3-ші сұрақ:Біздің мемлекетіміз қалай аталады? (Қазақстан Республикасы)

Дұрыс айттыңдар балалар.

Сандық ашылып ішінен Қазақстан Республикасы деген сөз шығады.Бұл біздің отанымыз Қазақстан екен.

Қазақстан Респубилкасы

Қорытынды сөз

Мерейлі қазақ елінің Елбасы ел-жұртын жұдырықтай жүрегіне сыйғызып, қыран қанатының астына алып, барша жұрттың теңдігін, татулық пен тыныштықты сақтауды мақсат етіп, бүгінгі қазақ елін осы дәрежеге жеткізді.

«Шәкіртімнің ғарышқа қол созғанын,

Қазағымның адал ұлы болғанын.

Көрсем деймін, жатсам-тұрсам ойланам,

Өзімнен де көш ілгері озғанын» - дей келе тәрбие сағатымызды аяқтаймыз.

Иә/жоқ тесті

1) Біздің Отанымыз Қазақстан Республикасы (Иә)

2) Оның Астанасы Алматы қаласы (жоқ)

3) ҚР Мемлекеттік Туының авторы Шәкен Ниязбеков. (Иә)

4) Біздің Президентіміз Н.Ә.Назарбаев (Иә)

5) Елтаңбаның авторы Шәмші Қалдаяқов (жоқ)

Кері байланыс:

«Озерный негізгі мектебі»ММ

тәуелсіздік тұғыры биікте

(тәрбие сағаты) 1 - сынып

Дайындаған: Жанбуршина А.Т.

2018 – 2019 оқу жылы