Тәрбие сағаты."Еңбек бәрін жеңбек"

Сабақтың аты

«Еңбек бәрін жеңбек»

Сыныбы

5 А

Күні

18.01.2019 ж.

Сілтеме

Жоспар

Жалпы мақсаты:

Еңбек - адамгершілік құндылығы туралы түсініктерін кеңейту, еңбектің адам өміріндегі мәні туралы түсінік беру, еңбек етуге деген қызығушылықтарын ояту, дамыту, еңбексүйгіштікке тәрбиелеу.

Күтілетін нәтиже

• Еңбек ету, еңбектің мәні туралы түсініктері кеңейеді;

• Еңбек етуге деген қызығушылығы оянады;

• Еңбексүйгіштікке тәрбиеленеді;

• Еңбекті құрметтеуге үйренеді;

• Ұқыптылық, еңбекқорлық, еңбек ету дағдысы қалыптасады.

Тапсырмалар

Жүректен жүрекке, мақалды жалғастыр,сызбамен жұмыс

Уақыт

Сабақтың кезеңі

Ресурстар

5 минут

1.Ұйымдастыру кезеңі

1.Оқушылардың назарын сабаққа аудару.Топтарға бөлу

1.Дәрігерлер

2.Мұғалімдер

3.Кәсіпкерлер

2.Қызығушылықтарын ояту

Гүл өсірсең, терлеп,

Мұның аты –еңбек.

Кесте тіксең зерлеп,

Мұның аты –еңбек.

Сабағыңды жөндеп,

Әзірлесең еңбек

Қиындықтың бәрін

Еңбек қана жеңбек.

-Өлең шумағы не жайында?

-Еңбек жайында.

-Олай болса балалар, бүгінгі тәрбие сағатымыз не жайында болады деп ойлайсыңдар?

(Оқушылар жауабы).

Сұрақ - жауап

- Еңбек адамға не үшін қажет деп ойлайсыңдар?

- Еңбекқор деп қандай адамды айтамыз?

- Өздерің қандай еңбекпен айналысқанды ұнатасыңдар?

- Адам бойында қандай қасиеттер болғанда жетістіктерге жетуге болады?

Қима қағаздар

Негізгі бөлім.

Сызбамен жұмыс

Еңбектің пайдасы

1-оқушы: Адамның адам болуында еңбек шешуші роль атқарған. Адамзат еңбекті, еңбектің құралдарын жетілдіре отырып, өзі де жетіліп кемелдене берген. Сондықтан қоғамның даму тарихын еңбек пен еңбек құралдарының өзгеру, жетілу тарихы деуге де болады. Тіршілік жағдайының қиындауы еңбекті күрделендірді. Еңбектің арқасында табиғат заттарын еңбек құралы етіп, отты сөндірмей пайдаланды, топтасып аң аулады, бір-біріне көмектесті.Ф. Энгельс айтқандай «Адамды адам еткен- еңбек»

2-оқушы: Еңбектену тек адамға ғана тән деген пікірмен келіспеймін. Жануарлар да дамыл таппай еңбектенеді ғой. Жануарлар қалай еңбектен

Құмырсқа илеуінің ішінде қаншама «бөлмелер» бар. Әр бөлмені пайдалану ретіне қарай «аналық құмырсқа бөлмесі», «балалар бөлмесі», «азық қоймасы» т.б. деп атауға болады. Сондай-ақ бал арасының қалай ұя салатынын айтсақ та жетпей ме?

Жануарлар да еңбектенеді екен. Бірақ қанша еңбектенгенмен адам еңбегінің олардан зор айырмасы бар ғой.

Қандай айырмасы бар? Адам еңбегі оймен, санамен, ақылмен істеледі. Табиғат заттарын өңдеп, өзіне қажет, табиғатта кездеспейтін бұйымдар жасайды. Адамнан басқа қандай жануар арнайы шам жасап қараңғыны жарық етеді?

Адамның еңбегі- саналы еңбек, оған мысал келтіріп айтуға болады.

Демек, адам табиғатта кездеспейтін алуан түрлі күрделі заттарды, бұйымдарды ақылмен ойлап жасайды екен. Дегенмен оны алғашқыда табиғаттан көріп үйреніпті. Адам табиғаттан үйреніп кейбір заттарды ойлап тапқан.

1-оқушы: Аспанда қалықтап ұшқан құсқа қарап ұшақты ойлап шығарды.

2-оқушы: Бал арасының ұясын, ағаш жапырақтарының діңі, бұтақтарының орналасуын, құрылымын т.б зерделеп, алуан түрлі ғимараттар салды.

3-оқушы: Құмырсқа илеуіне негізделген қалалар тұрғызды.

4-оқушы: Балықтың жүзуіне қарай отырып кемелер жасалды.

5-оқушы: Табиғаттағы инелікке қарай отырып тікұшақ жасады.

Осы айтылған аз мысалдан-ақ адам еңбегінің жасампаздығын байқаймыз.

Сонымен тіршілік үшін ауадай қажет, онсыз бір күн де өмір сүруге болмайды. Заттың бәрін адам баласы өз қолы, өз еңбегімен жасайды. Адам өз қолымен жасайтын еңбегі әрі сарқылмас жігерімен құдіретті. Еңбектің арқасында адам жетіліп дами бермек. Еңбек адамның денесін шынықтырып, мінез-құлқын қалыптастырады. Еңбек ету адам баласынан тапсырылған іске деген табандылық пен ынта-жігерді, құндылықты, тындырымдылық пен жауапкершілікті талап етеді. Адам ерінбей еңбек ету арқылы қуанышқа, шаттыққа бөленеді. Еңбексүйгіштік, еңбекқорлық және еңбекті бағалай білген адам өмірде құрметке бөленеді.

1.Суретпен жұмыс.

Топтарға сурет қиындыларын құрастыру тапсырылады. Сол сурет бойынша әңгіме құрайды.Топтар бір –бірін бағалайды.

2.Мақалдың жалғасын тап.

Мақалдың алғашқы жолын оқимын, әрі қарай өздерің қолдарыңды көтеріп жалғастырасыңдар.

Сахналау: 
«Қайдан келдің, бауырсақ?» Ө. Тұрманжанов. 
Автор: 
Дастарханда шашылып 
Жатты аппақ бауырсақ 
Бауырсаққа қызығып 
Қарап тұрып көзін сап. 
Қуыршақ: 
-Қайдан келдін бауырсақ? 
Бауырсақ: 
-Дүкеннен келдім нан сатқан. 
Қуыршақ: 
Дүкенге келдің қай жақтан? 
Бауырсақ: 
-Наубайдан келдім нан жапқан 
Қуыршақ: 
-Наубайға келдің қай жақтан? 
Бауырсақ: 
Диірменнен келдім ұн тартқан. 
Қуыршақ: 
-Диірменге келдің қай жақтан? 
Бауырсақ: 
Даладан келдім жан-жақтан. 
Жер-анам менің көсілген 
Дихандар мені өсірген. 

Нан дастарқанға қалай келеді? деген сұрақ аясында еңбектің адам өміріндегі маңызы туралы әңгімелету. 

Сызба

Сурет қиындылары

«Екі жұлдыз, бір ұсыныс»

«Жүректен жүрекке» Оқушылар тақырыпқа қатысты бір-біріне тілек айтады. Тілек тек бүгінгі тақырыпқа сәйкес болуы керек. Мысалы,

- Арай, еңбегің жемісті болсын! 
- Мәуліт, еңбек етсең емерсің деген. Осыны есіңе сақта. 
- Есімхан, сүйіп істеген іс шаршатпайды. Сондықтан өзіңе ұнайтын істерің көп болсын. 
- Кәусар, өмірдегі тірегің еңбек болсын.
- Бекзат, «Еңбек – қуаныш, жалқаулық - айырылмас азап», - деп ұлы Абай атамыз айтқандай ешқашан жалқау болма.

- Жансая, еңбек сабағынан 5-тік алуыңа тілектеспін!

- Дильназ, отбасында ата-анаңа көмектесіп қолқанаты бол

- Нұрлан, ата-анаңның еңбегін бағалай біл

- Диас, еңбектің жемісі маңдай термен келетінін білесің, сондықтан еңбекті құрметте

- Динара, еңбектің пайдасы сол, ол қуантады, қуанышты күндерің көп болсын

- Наргиз, еңбек шынықтырады, ширатады дейді, шыныққан, шымыр мықты бол!

- Нұрдәулет, бақытты өмір деген ата-анаңның тапқанын шашу емес, сондықтан үнемшіл бол.

Қорытындылау. Еңбектің пайдасы – тәрбиелейді, жігерлендіреді, күш береді, қуантады, бақытты етеді, өмір сүруге үйретеді, үнемшіл болуға үйретеді, ширатады, шынықтырады. Сондықтан әрқашан «Оқу мен еңбек егіз» деген нақылды есімізден шығармайық.