Жамбыл облысы, Тараз қаласы

№10 С.Нұрмағамбетов атындағы орта мектеп

Бастауыш сынып мұғалімі: Майрова Береке Смановна

Сабақтың тақырыбы:Менің Тәуелсіз Қазақстаным!

Максаты: оқушыларды Тәуелсіз Қазақстан еліміздің қысқаша тарихымен таныстыру.

Міндеттері: 1)Ана тілін, Отанын сүюге тәрбиелеу.

2) Болашақта Қазақстанды өркендетуге білімді адамдар керек екенін түсіндіру.

3)Патриоттық сезімдерін дамыту.

Көрнекіліктері: еліміздің рәміздері. Отан туралы альбом,буклет,суреттер.АКТ

Әдісі: әңгіме.

Өту барысы:

Мұғалім:Отан деген немене деген сұраққа мен «Отан- туған жерім, өзенім, тауым, орманым, кең далам, шалқар көлім» дер едім.

1-оқушы. Сен қайда тұрасың, жас ұлан? -деп менен сұраса: Мен Қазақстанда тұрамын. Қазақстан Республикасының азаматымын дер едім. Менің елім Қазақстанда тұратын көп ұлттың ортақ үйі.

2-оқушы

Мен қазақпын, биікпін, байтақ елмін,

Қайта тудым өмірге қайта келдім.

Мен мың да бір тірлдім, мәңгі өлмеске,

Айта бергім келеді, айта бергім.

3-оқушы. Қазақ екеніңе сипаттама бер.

4-оқушы. Ана тілім, дінім, салт-дәстүрім, тарихым, туған жерім бар.

5-оқушы. Біздің ұлы Отанымыз Қазақстан 1991 жылы 16 желтоқсанда толық тәуелсіздік алды.Әлемдегі 164 егеменді елдің бірі, БҰҰ-на мүше.АҚШ, Қытай, Ресей, Ұлыбретания, Германия, Франция, Жапония, Түркия сияқты аса ірі мемлекеттермен өзара тиімді экономикалық байланыстар орнатты.

6-оқушы. Отан- аса қасиетті ұғым, Отанын сатқан-анасын сатқан деген серт сөз бар. Отанына, туған халқына адал қызымет ету- әр бір адамның перзенттік парызы , азаматтық борышы.

7-оқушы.

Қазақ елі ұлан-байтақ,

Батысында қар жатса

Шығысында көктем ел

Жеткізбейтін неткен ел?!

8-оқушы:

Қазақстан картасын тереңірек біле түскен сайын туған елге деген сүйіспеншілік сезіміміз арта түседі.

9-оқушы. Отаным-Туы , Елтаңбасымен, Гимнімен айбынды, айбатты. Еліміздің рәміздері 1992 жылы 4-маусымда дүниеге келді. Мемлекеттік рәміздерді қастерлеу-әрбір адамзаттың міндеті.

Қазақстан Республикасының гимні орындалды.

Қазақстан Республикасының гимні 2006 жылғы 11 қаңтарда Елбасын ұлықтау рәсімінде бірінші рет айтылды. Сөзін жазғандар- Ж.Нәжімеденов , Н.Назарбаев, әні даңқты сазгер- Ш.Қалдаяқовтікі.

10-оқушы. Туың қандай? Ту қандай?!

Таң нұрымен жуғандай.

Қыран құсын самғатып

Күн құшақтап тұрғандай.

12-оқушы. Алтын толы табақты

Көтерді де таң атты,

Түндігіміз нұрлы да

Тұлпарымыз қанатты.

13-оқушы. Ешкімді де қас корме

Бірақ жауға дес берме

Омырауға тағып жүр

Елтаңбасын қастерле.

14-оқушы. Еліміз тәуелсіздік алғаннан кейін 1993 жылы Ата Заң қабылданды. 1995 жылы 30 тамызда жаңа Ата Заңға өзгерту енгізілді. Ата Заңды құрметтеу, жақсы білу және мүлтіксіз орындау әрбір азаматтың міндетіне жатады. Ата Заң бойынша қазақ тілі-мемлекеттік тіл.

15-оқушы. Тіл дегенің көп дейді,

Білсең есең кетпейді.

Бірақ,бірақ бір тіл де,

Өз тіліңе жетпейді.

16-оқушы. Тамырын тереңге жіберген зәулім бәйтеректі көрген боларсыздар, балалар. Тарихы әріден, ықылам заманнан басталатын ел де сол бәйтерекке ұқсайды. Сол бәтерек-Егеменді Қазақстан.

17-оқушы. 1998 жылы Елбасымыз Қазақстанның 2030 Даму стратегиясын жариялады. Қазақстанның халқы ғаламат 21 ғасырды зор сеніммен қарсы алды.

18-оқушы. Тәуелсіз ел тірегі- білімді ұрпақ. Елбасымыз елімізде бірді-бір бала оқымай қалмауы керектігін басты назарға алды. Хор: «Отан».

19-оқушы.Жайнатып жанамызды

Келтіріп сәнімізді.

Арнайық бас қосанда

Жаңа ғасыр-әр жылдық әнімізді.

Ән «Менің елім»-сөзі Н.Назарбаевтікі, әні Б.Тлеухановтікі.

Қорытынды.

-Бүгін біз тәрбие сағатында Отанымыздың тарихы туралы мағұлмат алдық. Өркендеп жатқан елімізге үлгілі тәртібімізбен, үлкенді сыйлау, талмай іздену, талаптану арқылы үлес қосамыз.

Тәуелсіздігіміздің тұғыры биікте болсын!