Тәуелсіз болмай жер болмас, егеменді болмай ел болмас

«Шағын жинақталған Саржыра негізгі орта мектебі» кмм

5 сынып

Тәрбие сағаты

Егеменді болмай – ел болмас,

Тәуелсіз болмай – жер болмас!

Өткізген: Әлжапаров Н.Қ

Тексерген: Қабықаев Е.Ж

- Қыздар, жігіттер естідіңдер ме? Біздің басшысымызды орнынан алып тастапты ғой. (Олжас)

- Алғаны несі кімді алып тастапты? (Ұнар)

- Басшымыз Дінмұхамед Қонаевты. Оны алып тастап орнына орыс Колбинді қойыпты (Олжас)

- Сұраушысы, іздеушісі жоқ адамдай мұнша қорлағаны қалай? (Тоты)

- Өзгенің айтқанына көніп, айдауына көніп жүре беретін соншалықты жасық, сорлы халық па едік? (Динара)

- Жо-жо-жоқ Колбинді танымаймыз ғой. (Ұнар)

- Неге мұндай қызметке қазақ ұлы қойылмайды. Қазақ ұл тумапты ма? (Динара)

- Дұрыс айтасың. Дұрыс айтасың. Неге алаңға үкімет үйіне бармаймыз. Өз ойымызды айтуға құқымыз бар ғой. (Динара)

- Қиратуға барайын деп жатқан жайымыз жоқ. Бейбіт түрде ойымызды білдірейік. Өз ел, өз жеріміз деп күжіңдейміз. Біз де елде, жерде жоқ. Өгейміз, өгей болмасақ, бір мекемеге барып , бір жапырақ қағазды қазақша толтыра аласың ба?! (Олжас)

-Толтыра алмайсың ( хормен )

- Жиналыста бір ауыз қазақша сөз айта аласың ба? (Олжас)

- Айта алмайсың (хормен)

- Қара базарға барсаң. Пәтер іздегеннің бәрі қазақ. Бір орысты көрмейің. Күреспесек, қарсы шықпасақ. Қайда жүр мыналар деп. Біз не істесек те соған көне беретін мал екен деп ойларына келгенін істемей ме? (Олжас)

- Оу , Алаштың баласы бұл қорлыққа қашанғы шыдаймыз. (Тоты)

- Шыдамаймыз. Малда тұяғына тікен кірсе, тепкіленбей ме?

Алаңға шығамыз. Өз ойымызды ашық айтамыз. Кеттік. (Олжас)

Алаңға шығатындар: Олжас, Динара, Аяужан. Біз қарсымыз. Колбин кетсін. Колбин кетсін. Колбин кетсін. Билікті қазақ басқарсын. Бұл не бассыздық. Бізге жауап беріңдер

Қазақтар, үйлеріңе тараңдар. Тарамасаңдар шара қолданамыз. (Тоты, Ұнар)

Қайталау Олжастар.

Не сөз ұқпайсыңдар ма, тараңдар жатақханаға.

Қайталау Олжастар

Соңғы рет айтамыз қайтыңдар. Ұрып соғып тұтқындап алып кету. Ұнар мен Тоты

Айыпкер Рысқұлбеков Дерменов, Сәтбаев көшелерінде жасақшыларды көрдің бе? (Ұнар)

-Егер ол көшеге бармасам мен оларды қайдан көремін. (Олжас)

-Советскийді сен өлтірдің бе (Ұнар)

-Жоқ, өлтіргенім жоқ. (Олжас)

-Сенің ұрып жатқаныңды біреулер көріпті ғой (Ұнар)

-Олай болса мені сол адаммен кездестір. Бұл өтірік жала. (Олжас)

-Ах, ты декабрист несчастный. (Ұнар)

-Я тебе покажу өтірікті. Жала дейді ғой еще. Ей, Рысқұлбеков советскийді өлтірдім,- деп мойында сонда жазаңды жеңілдетеміз. Әйтпесе өз обалың өзіңе. (Деп шапалақпен соғу Қарауылшы Динара)

-Мен мойныма алмаймын.Өлтірмеген адамды өлтірдім деп қалай мойындаймын (Олжас)

-Сот үкімі Ұнар: Қайрат Рысқұлбеков айыпты деп танылып, Қазақ КСР жоғарғы сотының 60бабы бойынша мүлкі тәркіленіп, 65бабы бойынша 15 жылға бас бостандығынан айырылып, жазаның ең ауыр түрі ату жазасына кесілсін. Рысқұлбеков соңғы сөзін айтсын

Күнадан таза басым бар,

21де жасым бар.

Қасқалдақдай қаным бар,

Бозторғайдай жаным бар.

Алам десең алыңдар

Қазақ деген атым бар,

Қазақ деген затым бар.

Қайрат деген атым бар.

Ерлер тоқты құрбандық.

Атам десең атыңдар (Олжас)

Қазағым елім,

Қайқайып белің,

Сынуға тұр таянып.

Талауда малың,

Қамауда жаның,

Аш көзіңді оянып.

Қанған жоқ па әлі ұйқың,

Ұйықтайтын бар не сыйқың. (Олжас)

Сол жерде тапаншамен ату (Тоты)

Желтоқсан бірде,

Ел тосқан түрде,

Келетін мүлде жайдарлы.

Сол жылы бірақ,

Әдеттен жырақ

Көрінді шын ақ айбарлы.

Тоңдырды мені,

Тоңдырды сені

Желтоқсан желі ызғарлы.

Солдырды гүлді,

Оңдырды нұрды,

Көңілде мұңды із қалды.

Жоғалтып нуын,

Жоғалтып қуын;

Арал да суын тауысты.

Қаңырап мекен,

Аңырап бөкен,

Өріске бөтен ауысты.

Тоңдырды мені,

Тоңдырды сені

Желтоқсан желі ызғарлы.

Солдырды гүлді,

Оңдырды нұрды,

Көңілде мұңды із қалды.

Шайқалды күйім,

Шайқалды миым -

Бомбалар жиі жарылды.

Малым да кеміп,

Әлім де кеміп,

Қинады берік жанымды.