"Тәуелсіздігімізге 30 жыл"

Тәуелсіздігімізге 30 жыл

Құтты болсын тәуелсіздік мерекесі,

Мықты болсын елімнің керегесі.

Тату-тәтті боп халқымыз әрқашан,

Кетпесін туған жердің берекесі..

Биылғы 2021 жылымызды “Тәуелсіздікке 30 жыл”лозунгімен жар салып өткізудеміз.Осы уақыттың ішінде еліміз көптеген жетістіктерге жетіп, дүние жүзіне танымал болды.Әрине, бұрында да бұл мерекеге орай әртүрлі іс-шаралар,жобалар мен мерейтойлар халқымызда өткізілген. 21 қараша мен 15 желтоқсан аралығындағы 25 күнде Тәуелсіздіктің 25 жетістігі атап өтіледі, бұл күндері басты мерекелік іс-шаралар өтеді.

1991 жылы 16 желтоқсан күні тәуелсіздік алғаннан бері, еліміз тәуелсіз және дербес зайырлы ел болды.Біз өзіміздің рәміздерімізбен мақтанамыз, Қазақстан Туымен тұғырлы, Елтаңбасымен еңселі, Ән-ұранымен айбатты және де тіліміз бен жеріміз, президентіміз,салт-дәстүр мен мәдениетіміз бар.Сонау заманнан,рухты ата-бабаларымыз жерімізді қорғап,қанды-қиынды күндерде жігерлері қайыспай,мың өліп,мың тіріліп,бүгінгі тәуелсіз күндер үшін жандарын,өмірлерін қиған.Біраз жылдар артта қалғанымен,бұл тарихи оқиғаның маңыздылығы мен құндылығы,біз үшін әлдеқашан зор.

Мемлекет басшысы Қасым-Жомарт Тоқаевтың Тәуелсіздіктің 30 жылдығына байланысты мақаласы жарияланды. «Тәуелсіздік бәрінен қымбат» деп аталатын мақалада Президент егемендіктіктің 30 жылдығына қорытынды жасап, болашаққа бағдарды айқындап берді.Сол үшін,бүгінгі таңда менің Қазақ елімнің ұл-қыздарына тілейтінім,мақсаттары биік,жан-жақты білімді болып,туған жерлерін сүйіп,елімізге адал қызметті еңбек етуге шақырамын!!Осындай жастарымыз көп болса, еліміздің іргесі ешқашан әлсіремейді,армандары мен мақсаттарын өз елімен байланыстыра білетін жастар биіктерден көрініп,жаңа заманға сай көптеген жаңа идеялар ойластыратына мен кәміл сенемін!

Құтты болсын тәуелсіздік мерекеміз!

Мықты болсын еліміздің керегесі.

Жүректен намыс оты лапылдаған,

Күш-жігері жастардың сарқылмаған!