Тәуелсіздік

Тақырыбы: «Тәуелсіз елім – тірегім»

Мақсаты: 1.  Білімділік: Отан туралы білімдерін назарға ала отырып, Отанымыз – Қазақстан Республикасы 30 жылда қандай жетістіктерге жеткені туралы не білетіндігін саралау, алған мәліметтер бойынша білімдерін бекіту. Оқушыларды Қазақстан Республикасының мемлекеттік рәміздерімен, тарихымен, ел ордамыз Астана қаласымен таныстыру. Еліміздің атақты ақындары, ғалымдары, ағартушылары жайында мәлімет беру. 2.     Дамытушылық: Оқушылардың дүниетанымын кеңейту, тіл байлығын, логикалық ойлау қабілетін дамыту. 3.     Тәрбиелік: Болашаққа өз үлесін қоса білетін, ізденімпаз ұрпақ етіп тәрбиелеу. Патриоттық, эстетикалық тәрбие беру. Әдісі: сұрақ-жауап, көрнекілік. Түрі: жаңа білімді хабарлау, саяхат сабақ Көрнекілігі: суреттер, ҚР-ның рәміздері,мақал-мәтелдер, музыка. Сабақтың барысы: Ұйымдастыру кезеңі. Оқушыларды  отырғызып, зейіндерін сабаққа аудару.

      -Сәлеметсіздер ме, құрметті оқушылар, ардақты ата-аналар! Бүгін Қазақстан Республикасы, яғни біздің Отанымыз, алтын бесігіміз жайлы әңгімелесеміз. Сабағымыздың мақсаты: Отан туралы білімдерін назарға ала отырып, Отанымыз – Қазақстан Республикасы 30 жылда қандай жетістіктерге жеткені туралы не білетіндігін саралау, алған мәліметтер бойынша білімдерін бекіту. Еліміздің тарихы жайлы, Астана қаласы жөнінде, Президентіміз туралы мәліметтер алу. Ізгі тілекпен бүгінгі сабағымызды бастайық.

Оқушыларды 3 - топқа бөлу, «Пікір ағашы» арқылы
1 - топ: Туған жер 2 - топ: Отан 3 - топ: Атамекен

Балалар кішкене паравоз құрып 1 аялдамаға келеді. 1 аялдама «Мемлекеттік рәміздер» 1-оқушы: -Егеменді Қазақтан! Ән ұраным – жан ұраным, Айтар әнім – сөйлер сөзім,

Туған жерім сағынарым.

Мәңгі бақи шырқалады,

Республика әнұраны.

Қазақстан Республикасының Мемлекеттік Әнұраны орындалады. Жаңағы біздің шырқап айтқан әніміз бұл жай ел туралы ән емес, бұл біздің еліміз үшін ерекше,құдіретті, ең қасиетті, әрі әдемі ән. Бұл ән Қазақстан Республикасының мемлекеттік рәміздерінің бірі. Біле білсеңдер ҚР-ның үш мемлекеттік рәмізі бар. Ол Әнұран, Ту және Елтаңба. Жер шарында бар әр мемлекеттің өзіндік үш рәмізі болады. Мемлекеттік рәміздерді біз қастерлеп сақтауымыз керек. (бұл жерде ҚР-ның рәміздерінің суреттері көрсетіліп, рәміздеріміздің авторы мен олардағы суреттердің не білдіретінін түсіндіру)

1 - оқушы: Арыстандай айбаттым.
Жолбарыстай қайраттым,
Аспандаған байрақтың
Қанша жұлдыз жайнаттың.
Қанша бұлбұл сайраттың,
Қазақстан ардақтым.
2 - оқушы: Күнді құшқан қос қыран,
Аясында қалқыған.
Аспан түсті туым бар,
Көк теңіздей шалқыған. 3 - оқушы: Көк туым көтерілді бағым жанып,
Елтаңбам әлемге танылды анық.
Шырқадым ән ұранды бар дауыспен,
Арманым ата заңым қабылданып. 4 - оқушы: Өзіңдікі туыңда,
От пен ауа, суың да.
Жаса Қазақстаным,
Белді бекем буында.
5 - оқушы: Бұлт баспасын күнімді
Тартылмасын өрісің
Биік ұстау туымды
Қасиетті борышым.
6- оқушы: Сәуле шашқан алтын түсті күні бар,
Екпіндеген қыран құсты үні бар.
Ою басқан мөп - мөлдір көк аспандай,
Қазағымның желбіреген туы бар.

2-ші аялдама « Ел тарихы - жер тарихы»

Еліміз тәуелсіз ел атану үшін біздің Отандастарымыз, ата-бабаларымыз көп тер мен қан төккен, біздің елдің болашағы үшін өмірлерін қиған. Қабанбай, Бөгенбай, Наурызбай, Абылай  сынды  еліміздің батырлары жоңғарлармен соғыста ерлік көрсетті. «Желтоқсан оқиғасында» да батырлығымен есімізде қалған ерлер мен қыздар бар.  Олар Ләззат Асанова, Қайрат Рысқұлбеков, Сәбира Мұхамеджанова. Мінеки, осындай ардақты ерлердің қанымен келген келген тәуелсіздік қазақ еліне қайырлы болды. (Батырлардың суреттері көрсетіледі, Отан туралы мақал-мәтелдер айтылады) 1 -оқушы: Тәуелсіздік бізге оңай келмеді. Жұртым менің не қиындық көрмеді?

Жылап тұрып аналарым бұл жолда,

Сан перзентін қара жерге жерледі.

2- оқушы:

Тәуелсіздік бізге оңай келмеді.

Асау аттай өз тізгінін бермеді.

Қазағымның алтын басын иілтіп,

Талай дұшпан төрімізге төрледі.

Біздің Отанымыз осы 30 жылда қандай жетістіктерге жетті соны тізбектесек:

      *     1991 жылы 29 тамызда ҚР президентінің нұсқауымен Семей полигоны жабылды.

      *     2 қазанда қазақстандық тұңғыш ғарышкер Т.Әубәкіров ғарышқа ұшты.

      *     1991 жылы 1 желтоқсанда Президент сайлауы болды.

*        10 желтоқсанда Қазақстан Советтік Социалистік Мемлекеті Қазақстан Республикасы болып ауыстырылды.

*        16 желтоқсанда  ҚР Президенті «ҚР мемлекетінің тәуелсіздігі туралы» конституциялық Заңға қол қойды.

*        1995 жылдың 30 тамызында республикалық референдумда Конституция қабылданды. 2015 жылы, яғни бір жылдан кейін Конституциямызға 20 жыл толады. Бұл біздің мемлекетіміз үшін маңызды мерзім. Конституция кітабы 9 бөлімнен, оның ішінде 98 баптан  тұрады.

*        1993 жылы 15 қарашада төл теңгеміз айналымға шықты

Сергіту сәті: Қара жорға биін қойып билету

3-ші аялдама Астана қаласы

1998 жылы 6 мамырда ҚР президентінің нұсқауымен Ақмола қаласы – Қазақстан Республикасының астанысы Астана қаласы болып аталынды.

Қазіргі кезде ел ордасы Астана қаласы ертегі қалашығына айналды. Түрлі мәдени құрылыс мекемелері, үйлер, ескерткіштер салынды.

( Бұл жерде Қазақ елінің бұрынғы астаналары жайлы айтылып, Астана қаласының суреттері көрсетіледі )

Қазақстан бүкіл әлемге қуатты, тәуелсіз, халық арасында бейбітшілік орнаған мемлекет ретінде танымал болды. Туризм, спорт, білім беру, медицина салаларында жетістіктерге жеттік. Халықтың тұрмыстық жағдайы әлдеқайда жақсарды. Мектептер, балабақшалар мен ауруханалар салынды, қалалар гүлденді. Зейнеткерлерге, дәрігерлер мен мұғалімдерге жалақыларын арттырды. Жалпы алғанда жұмыс істейтін адамдардың еңбегі артты.

1 - оқушы: Жаса жаңа Астанам
Өркен жая бастаған
Болашақтың есігін
Өз қолыңмен аш маған .

2- оқушы: Астана біздің сәніміз,

Білім біздің нәріміз

Азат елдің тірегі

Болайықшы бәріміз.

4-ші аялдама «Президент»

ҚР-ның Президентінің портреті көрсетіліп, туған жылы, туған жері туралы әңгімелеу.   

Нұрсұлтан Әбішұлы Назарбаев 6-шілде 1940 жылы Алматы облысы Қаскелең ауданындағы Шамалған ауылында туған. 

Өктем билік қаралады, даттады,

Бірақ Алла ақиқатты жақтады.

Назарбаев атамды жұрт қалады.

Түсті амалсыз Колбин деген атақты.

Нұр атаның жолдауы

Халықтың оны қолдауы

Бақыты үшін елінің,

Болмайды еш сөз дауы!

Ой қорыту : Сырсандықтағы жұмбақтарды шешу.
Ескерту : Жұмбақтар Қазақстан қалалары мен қазақ батырлары туралы болады .

Бұл қаланың басталды жыры жаңа ,
Қазақстан төрінен мұны қара.
Бірінші буынында тамақ аты,
Екінші буынында ірі қала. (Астана)

Мәди мұнда шығарған саз өлеңін,
Тәттімбет те шашыпты өз өнерін.
Өркен жайған нән қала таскөмірмен,
Қамтамасыз етеді қазақ елін. (Қарағанды)

Қалған сүрлеу бар әлі Жошы ханнан ,
Құйыны бар билейтін тосын алдан.
Күрішті аймақ шақырар сені алыстан,
Ғарышты айлақ табылар осы маңнан. (Қызылорда)

Бибігүл шырқаса,әннің сәні келер,
Өнерге күш қайратын әлі берер.
Қала даңқын биікке тұр көтеріп,
Абай,Мұхтар,Шәкәрім ,Әмірелер. (Семей)

Найманның Қаракерей руынан,
Артық туған өзгенің мың ұлынан.
Бұл батыр Дарабоз деп атақ алған,
Жаумен шайқасқандағы қылығынан. (Қабанбай батыр)

Жанқияр патриотқа тән қылығы,
Бұл жас жігіт өлмейді мәңгі тірі.
Оны ойласам келеді құлағыма,
Әйгілі желтоқсанның жаңғырығы. (Қайрат Рысқұлбеков)

Таратамыз әлемге , досқа атын біз,
Егер жырлай алмасақ босқа ақынбыз.
Ұлы Отан соғысында ұлты қазақ,
Кімдер еді мергендер- қос батыр қыз? (Әлия, Мәншүк)

Сұрақ-жауап (топ басшылар) сайысы  (Тақтада ілінген плакатқа назар аудару. Дұрыс жауап берген топ өзінің қоржынына ұпай жинайды.)
20–ҚР тәуелсіздігін қай жылы алды?
20–Еліміздің бас қаласы
20–ҚР президенті
50–ҚР туының авторы
50–ҚР елтаңбасының авторлары
50–Әнұранымыздың авторлары

1 - топ: Эссе жазу

Биыл тәуелсіздікке 30 жыл. Тәуелсіздік маңдайымызда мәңгілік жарқырасын!

2 - топ: 5 жолды өлең құрау

Отан үлкен, қымбат қорғайды, дамиды , оқытады Отан- оттан да ыстық. Ел

3 - топ: «Қазақстан»- постер қорғау

— Қазақстан дегенде сендердің ойларыңа қандай сөздер түседі.

Мұғалімнің сөзі: Балалар, міне біз қазір кеудемізді бақыт сезімі билеп, «Бұл менің елім, менің жерім, тәуелсіз Қазақстаным» -деп жар салып, мақтанышпен айта аламыз. Қазақ халқында Атамекенді ардақтау, ананың ақ сүтінен, әкенің ақыл-өсиетінен тараған. Өз елінің Тәуелсіздігі үшін жанын да, арын да аямайтын ержүрек жастар, Сіздер деп білемін! Сондықтан, тәуелсіз еліміздің болашақ ұрпақтар қандай болу керек? (Оқушылар ойларын «Пікір ағашына» тілек жазып ілу арқылы білдіреді)

1) Білімді болу керек, ол үшін сабақты жақсы оқу керек, жалқау болмау керек...
2) Денсаулығы мықты болу керек, ол үшін спортпен айналысу керек, дәрумендер жеу керек, тазалық сақтау керек...
3) Отанын сүю керек, ол үшін өз тіліңде дұрыс сөйлеу, рәміздерді қастерлеу, салт-дәстүріңді сыйлау, ата-анаңды ренжітпеу, халқыңа адал қызмет қылу...
4) 5) 6) ... т.с.с.

Сөз соңы: «Шәкіртімнің ғарышқа қол созғанын,
Қазағымның адал ұлы болғанын.
Көрсем деймін, жатсам-тұрсам ойланам,
Өзімнен де көш ілгері озғанын» - деп тәрбие сабағымызды аяқтағым келеді.