Тәуелсіздік – оңайлықпен келмеді ...

Тәуелсіздік – оңайлықпен келмеді,

Халқым менің не қиындық көрмеді?

Тәуелсіздік арқасында жұртшылық,

Аман-есен өркен жайып келеді.

Тәуелсіздік – арманы еді талайдың,

Жырға қосам, шаршамайды қаламым.

Өткен күндер қайта келмес ешқашан,

Жасай берші, жасай берші, Тәуелсіздік әрқашан!

Тәуелсізбін деп бүгінде мақтанам,

Жырға қосам, сен жайында көп айтам.

Сен жайында жырлап жатса, басқалар,

Қалам алып қолыма мен де жазам.

Тәуелсіздік – барша қазақ ұраны,

Тәуелсіздік – жас кәрінің ұраны.

Тәуелсіздік қолға ұсталса, егер де,

Бермес едім, ешқашанда ешкімге.

Қазақ болып тумағанда мен егер,

Бұл күндерде өксуменен өтер ем.

Бейбіт өмір сүргеніме тәубе деп,

Жаратқанға мың шүкірлік етер ем.

Армандадық, арманға сол жеттік те,

Тәуелсіздік, жалғассыншы мәңгіге.

Шүкір етіп, бір Аллаға мың мәрте –

Қазағым, тәубе, тәубе, тәубе де!