Сабақтың мақсаты:

Білімділік: : “әлем”, “адамзат”, “адам” құндылықтарының мәнін ашу.

Дамытушылық:

Міндеттері:

• Адамның әлеммен үйлесімі, адам өмірінің мәні туралы түсініктерін кеңейту;

• Өзін, қоршаған әлемді түсіне білуге, танып-білуге баулу;

• Сүйіспеншілікке, ізгілікке тәрбиелеу.

Ресурстар: ( кітап, дәптер, слайд, ғаламтор желісінен жаңа ақпараттар)

Сабақ барысы:

Ұйымдастыру кезеңі: Тыныштық сәті.

Жайлы баяу музыка қойылады.

Нұрға бөлену

1. Үй тапсырмасын тексеру.

“Оқып үйренейік” айдарында берілген Ақселеу Сейдімбектің ғылыми-танымдық шығармасы.

2. Дәйексөз.

Жастық шағың – жарқын жаздың бейнесі, құтты жаздың ала алсаң жоқ бермесі. С.Мұқанов

Оқушылар дәйексөзді дәптерге жазып, мағынасын ашып, өз ойларымен жеткізеді.

3. Әңгімелеу.

Бір уыс мақта

Бір кішкентай қыз әкесінің шапанын жамап отыр екен, шешесі қасына отырып, ақыл айтты:
- Балам, дүниедегі жаратылған жәндік-жансыздардың ешқайсысының да керексіз болып, жерде қалатыны болмайды,- деп. Сол сөзді айтып отырғанда, қыз бала киімін жамап болып, жердегі мақтаның қиқымын терезеден лақтырып, далаға тастады:
- Әже, осы қиқымның ешнәрсеге керегі бола қалмас,- деп.
Шешесі:
- Балам, сол да жерде қалмайды,- деді.
Осылайша сөйлесіп, терезеден қарап отырса, манағы мақтаны жел көтеріп ұшырды, мұны бір торғай көріп қуып барып, мақтаны тұмсығына тістеп қана алып, ұшып кетті. Қыз әжесінен:
- Манағы мақтаның қиқымын бір торғай алып кетті, оны неғылады? - деп сұрады.
Әжесі айтты:
- Көрдің бе, балам, күн айналмай манағы айтқан сөздің келгенін. Ол кішкентай мақтаны торғай ұясына төсеп, жас балапандарына мамық етеді,- деді.

4. Шығармашылық жұмыс, топтық жұмыс.

“Мәлім дүниенің беймәлім қырлары” тақырыбында эссе жазыңыздар.

5. Топпен ән айту. Табиғатым-махаббатым

6. Үй тапсырмасы. Ә.Нұршайықовтың естеліктерінен алынған үзінді.

7. Соңғы тыныштық сәті.

Баяу әуен орындалып тұрады. Бүгінгі сабақтан алған әсерлеріңізді жүрегімізге саламыз. Бәріңізге үлкен рахмет!!!