ТЕХНИКАЛЫҚ ЖӘНЕ КӘСІПТІК БІЛІМ БЕРУДЕ ПРАКТИКАЛЫҚ ДАҒДЫЛАРДЫ ҚАЛЫПТАСТЫРУДА ӘДІСТЕМЕЛІК НҰСҚАУЛЫҚТЫҢ РӨЛІ

Досжанова Молдир Серикбаевна
С. Жандосов атындағы Қаскелең кәсіптік-техникалық колледжінің арнайы пәндер оқытушысы

Қазіргі заманда техникалық және кәсіптік білім беру жүйесінде теория мен практиканы ұштастыра отырып, еңбек нарығына бейімделген маман даярлау қажеттілігі артып отыр. Әсіресе, тағам өндірісі саласында кәсіби дағдылардың басым бөлігі практикалық сабақтар арқылы қалыптасады. Осыған байланысты оқу процесінде арнайы пәндер бойынша зертханалық жұмыстарды ұйымдастыруда сапалы әдістемелік сүйемелдеу қажет екені анық.

2022–2023 оқу жылында С. Жандосов атындағы Қаскелең кәсіптік-техникалық колледжінде дайындаған «Тәжірибелік және зертханалық жұмыстарды орындауға арналған әдістемелік нұсқаулық» атты әдістемелік құралым оқу процесіне енгізілді. Құрал тағам өнімдерін өңдеу, сақтау және бағалау салаларына байланысты 20 зертханалық-практикалық тапсырмаларды қамтиды.

Нұсқаулық құрылымында әр тапсырма бойынша мақсат, қажетті құрал-жабдықтар тізімі, жұмыс барысы, техника қауіпсіздігі және қорытынды бағалау парағы нақты көрсетілген. Бағалау критерийлерінің болуын, студенттің өздік бақылау қабілетін қалыптастыруын – құралдың артықшылықтарының бірі ретінде атауға болады.

Жаңашылдығы – оқу тапсырмалары өндірістік орта талаптарына сай құрылып, студенттерге нақты кәсіптік іс-әрекеттерді орындау дағдыларын меңгеруге мүмкіндік береді. Сонымен қатар, нұсқаулық арқылы гигиена, санитария, еңбек мәдениеті сынды тәрбиелік бағыттағы құндылықтар да оқыту үдерісіне енгізіледі.

Нұсқаулық колледжде оқу жылының I семестрінде қолданысқа енгізілді. Апробация нәтижесінде:

- Студенттердің сабаққа қатысу белсенділігі 92%-ға жетті;

- Практикалық дағдыны меңгеру көрсеткіші 23%-ға артты;

- Өзбетінше жұмыс істеу, шешім қабылдау, гигиеналық талаптарды сақтау дағдылары қалыптасты;

- Оқытушылар тарапынан оң пікірлер алынды.

Қазіргі заман талабына сай білікті маман даярлау – тек теориялық біліммен шектелмей, нақты практикалық дағдыларды қалыптастыруды қажет етеді. Осы мақсатта әзірленген әдістемелік нұсқаулық – тағам өндірісі саласына бағытталған оқу процесінің тиімділігін арттыруға ықпал ететін маңызды құрал. Аталған нұсқаулықты жасау барысында оқу мақсаттарының бірізділігі, өндірістік ортаға бейімділік және кәсіби құндылықтарды қалыптастыру басты назарда болды.

Болашақта бұл тәжірибені одан әрі жетілдіру, мазмұнын жаңғырту және өзге пәндермен пәнаралық байланыста қолдану жоспарлануда. Әдістемелік құрал кәсіби білім беру ұйымдарындағы әріптестерге пайдалы болады деп сенемін.

Пайдаланылған әдебиеттер:

1. ҚР ТжКБ жүйесіне арналған мемлекеттік жалпыға міндетті білім беру стандарты (ҚР МЖМБС 2021 ж.)

3. Білім беру мазмұнын жаңарту және құзыреттілік тәсілді жүзеге асыру: әдістемелік нұсқаулықтар жинағы. – Астана, 2023

4. «Кәсіптік білім» журналы, №4(76) – 2024