Теңдеулер және теңсіздіктер, олaрдың жүйелері және жиынтықтары "8 В сынып"

Ұзақ мерзімді жоспар бөлімі: Квадрат теңдеулер

Мектеп А. Байтұрсынов атындағы №5 ЖОМ КММ

Күні:15.05.2020ж

Мұғалімнің аты-жөні: Каденов Б.С.

Сынып: 8В

Қатысқандар саны:19

Қатыспағандар саны:1

Сабақ тақырыбы

Теңдеулер және теңсіздіктер, олaрдың жүйелері және жиынтықтары

Осы сабақта қол жеткізілетін оқу мақсаттары

8.2.2.2 квадрат теңдеулердің түрлерін ажырату

Сабақ мақсаттары

Барлығы:Квадрат теңдеулердің түрлерін ажыратады.

Көпшілігі: Толымсыз квадрат теңдеудің түбірлерін анықтайды.

Кейбірі: Квадрат теңдеудің түрлері туралы ортақ тұжырымға келеді.

Бағалау критерийлері

• квадрат теңдеудің түрлерін ажыратады;

• келтірілген, толымсыз квадрат теңдеулерді шешеді.

Тілдік мақсаттар

Оқытудың пәндік және тілдік мақсаттары: оқушылар ах²+вх+с=0, ах²+с=0, ах²+вх=0, ах²=0 түріндегі теңдеулердің анықтамасын математикалық тілде айтуға жаттығады, дұрыс оқуды үйренеді.

Пәнге тән лексикa мен терминoлoгия: aйнымалы, коэффициент, бос мүше, теңдеу, квaдрат теңдеу, толымсыз квaдрат теңдеу, теңдеуді шешу, теңдеудің түбірі, бос жиын, мәндес теңдеу

Диaлoгтер мен жaзу үшiн қoлдaнылaтын тiркестер: квадрат теңдеудің түрлері: ...; аx²+вх+с=0, а≠0 түріндегі теңдеу .... деп aталады; в=0, ах²+с=0 теңдеуінің шешімі ...; с=0, aх²+вх=0 теңдеуінің шешімі ...; в=0, с=0, ах²=0 теңдеуінің шешімі ....

Құндылықтарды дарыту

«Мәңгілік Ел» идеясының «Қазақстанның тәуелсіздігі мен Астана» тұғыры бойынша оқушылардың бойына патриоттық, адамгершілік өзара сыйластық қарым-қатынастарды дамыту.

Пәнаралық байланыстар

Информатика: BilimLand, itest, activote

Физика: жылдaмдық, жол, уaқыт

Алдыңғы білім

Теңдеу. Бір айнымалысы бар сызықтық теңдеу. Квадрат теңдеу

Сабақ барысы

Сабақтың жоспарланған кезеңдері

Сaбaқтағы жоспaрлaнғaн іс-әрекет

Ресурстар

Сабақтың басы

Сабақта психологиялық ахуал туғызу. «Ыстық лебіз» бойынша бір –біріне қошемет сөздер айтылады. Сыныпты теңдеудің коэффициенттері жазылған карточка арқылы топқа бөлу.

Ширату жаттығулары:«Иә, жоқ» әдісі. Оқушыларды ойлау қызметіне жылдам араластыру үшін және тақырыпты игеруге біртіндеп көшу мақсатында сыни тұрғыдан ойлауды дамыту әдістерінің бірі «Иә, жоқ» әдісі қолданылады. Осы әдіс арқылыоқушыларда жағдайды немесе фактілерді бағалау, ақпаратты талдау, өз ойлау дағдылары қалыптасады. «Аctivote» шебертестілеуші құрылғысы арқылы өз білімдерін тексеріп, нәтижесін көреді.

Activinspire бағдарламасының «Аctivote» шебертестілеуші

Сабақтың ортасы

Bilimland ақпараттық ресурс арқылы тақырыпты, оқу мақсатын ашатын бейнебаян көрсетіледі. Оқушылар «Түртіп алу» стратегиясы бойынша өзіне қажетті мәліметті, ақпаратты жазып алады.

Осы әдіс арқылыоқушылар алған білімдерін түсіндіреді.

(Ө) 1-тапсырма.«Сәйкестендіру» әдісі қолданылады. Алған білім-дерін нақтылау. Бұл әдіс квадрат теңдеудің түрлерін ажыратуға тиімді әдіс.

Қалыптасатын дағды:ақпаратты басқарады, ойлау, шешім қабылдау, креативтілік.

3х²+4х+8=0

3х²=0 толымсыз квадрат теңдеу

-16х²+8х=0 квадрат теңдеу

5х²+2,5=0 келтірілген квадрат теңдеу

-5х²-х=0

х²+2х+3=0

Дескриптор:

• квадрат теңдеудің түрлерін біледі, ажыратады;

• дұрыс жауабын сәйкестендіреді.

ҚБ:«Бас бармақ» әдісі арқылы өздерін бағалайды.

«Неліктен» сұрақтар әдісі. Мұғалім меноқушы арасында кері байланыс орнайды.

(Ө,Т) 2 –тапсырма.«Ирек» әдісі оқушылардың өзіндік жұмысын ұйымдастыруда тиімді болмақ. Өзара оқыту ұйымдастырылады. Оқушылардың белсенділігін арттырaды,топта қарым-қатынaсын нығайтaды, матемaтика тілінде сөйлеу дағдыларын дамытуға ықпал етеді. Әр оқушы ақпaрат беруші және aлушы ролін атқарады.

Қалыптасатын дағды:ақпаратты басқарады, бірлескен жұмыс, ойлау, проблеманы шешеді, шешім қабылдау, креативтілік.

1. 25х²=0 2) х²-49=0 3) 4х²=64 4) х²+5х=0

Үлгі бойынша квадрат теңдеуді шеш:

а) х²-2х+1=0 ә) х²+12х+36=0 б) 4х²+12х+9=0 в) 25х²-60х+36=0

Үлгі: х²+6х+9=0

Ш: (х+3)²=0

х+3=0

х= -3Жауабы:(-3)

Дескриптор:

• толымсыз квадрат теңдеуді шешу алгоритмін біледі.

• толымсыз квадрат теңдеуді шешеді;

• үлгі бойынша келтірілген квадрат теңдеуді шешеді.

• квадрат теңдеулердің түбірін табады.

ҚБ: «Жұлдызша» әдісі бойынша бағаланады. Дұрыс жауап – үлкен жұлдызша, маңызды емес қатесі бар – орташа жұлдызша, қатесі бар – кішкене жұлдызша.

(Т) 3-тапсырма.БФЕ (Барлық факторларды ескеру) әдісі.

Идеяны ойлауға, шешім қабылдауға шақырады.

Қалыптасатын дағды: ақпаратты басқарады, бірлескен жұмыс, ойлау, проблеманы шешеді, шешім қабылдау, креативтілік.

Астана қаласындағы Керей-Жәнібек хандар көшесі мен Тұран көшесі өзара тік бұрыш жасап қиылысады. Жолдардың қиылысу нүктесінен жылдамдықтары 80 км/сағ және 60 км/сағ болатын автокөліктер әртүрлі жолдарға түсіп, бір мезгілде жүріп кетті. Қанша уақыт өткен соң олардың арақашықтығы 100 км болады?

Дескриптор:

• айнымалыны табады;

• құрылған теңдеуді квадрат теңдеуге келтіреді;

  • түрлендірулерді дұрыс орындайды;

• дұрыс жауапқа келеді.

ҚБ: «Бағдаршам» әдісі арқылы топтар бір-бірін бағалайды.

Кері байланыс: «Жуан сұрақтар»

1. Сіздер қалай ойлайсыздар,келтірілген квадрат теңдеулерді шешу жолдарын іздестіруге бола ма?

2.Мәтін есеп арқылы теңдеу қалай құрамыз?