Материалдар / Тіл дамыту авторлық бағдарлама
2023-2024 оқу жылына арналған

қысқа мерзімді сабақ жоспарларын

жүктеп алғыңыз келеді ма?
ҚР Білім және Ғылым министірлігінің стандартымен 2022-2023 оқу жылына арналған 472-бұйрыққа сай жасалған

Тіл дамыту авторлық бағдарлама

Материал туралы қысқаша түсінік
Бастауыш сынып мұғалімдеріне арналған факултатив сабақ. Бағдарламасы мен жұмыс дәптері 3 сыныпқа арналған
Авторы:
Автор материалды ақылы түрде жариялады.
Сатылымнан түскен қаражат авторға автоматты түрде аударылады. Толығырақ
18 Мамыр 2020
4373
28 рет жүктелген
Бүгін алсаңыз 25% жеңілдік
беріледі
770 тг 578 тг
Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!
Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады
logo

Материалдың толық нұсқасын
жүктеп алып көруге болады

2 – сынып оқушыларына арналған «Тіл дамыту» тақырыбында жасалған таңдау сабағы

бағдарламасына



Пікір

Бұл бағдарлама 2 - сынып оқушыларына «Тіл дамыту» таңдау сабағына арналып жасалған. Бағдарлама 34 сағатқа негізделген. Әрбір сағатқа сәйкестендіріліп жасалған 34 сағаттық жұмыс дәптері де бар.

«Тіл дамыту» бағдарламасы төмендегідей 4 құрылымнан тұрады.

І тарау.Отаным – бақыт ордасы

ІІ тарау. Атадан қалған - асыл мұра.

ІІІ тарау. Бабалар өмірі – ұрпаққа өнеге

ІV тарау. Табиғат – тіршілік бесігі.

«Тіл дамыту» бағдарламасының негізгі мақсаты – өскелең ұрпақтың туған жерге деген сүйіспеншілігін оятады, дүниетанымын кеңейтеді, тілін байытады, байланыстыра сөйлеуін жетілдіріп, оқушылардың көркем әдебиетке деген қызығушылығын арттырады.

Мұндағы сабақтар оқушылардың жас ерекшелігін ескере отырып, оқуға, жаттауға, әңгімелеп беруге, мәнерлеп оқуға, сахналық қойылымдар ұйымдастыруға, жұмбақ, жаңылтпаш, мақал-мәтелдер, ертегілер әлеміне енуге арналған білім беруді көздейді. Осы әдеби шығармалардың тапсырмалары арқылы оқушылардың қабілеттері артып, көргендерінен ой түйіп, қорытынды жасауға үйренеді.

«Тіл дамыту» бағдарламасы жан-жақты терең, жүйелі білім беру мақсатында құрастырылған. Бағдарлама Қазақстан Республикасы Мемлекеттік білім стандарты мен оқушылардың жас ерекшелігін ескере отырып жасалғандықтан, оны іс жүзінде асыруға болады деп есептеймін.



Тараз мемлекеттік педагогикалық

институтының доценті, п.ғ.к : Керімбаева Р.Қ



2 сынып оқушыларына арналған

«Тіл дамыту» тақырыбында жасалған

таңдау сабағына




ПІКІР

Қазіргі таңда біздің Республикамызда білім берудің жаңа жүйесі жасалып, әлемдік білім беру кеңістігіне енуге бағыт алуда. Сондықтан да кез келген мұғалім мектеп бағдарламасы көлемінде ғана білім беріп қоймай, рухани жаңару түріндегі бағдарламалар арқылы баланың жан-жақты дамуын қамтамасыз етуі керек.

Бастауыш сынып мұғалімі Н.Сандыбаеваның 2-сыныпқа арналған тіл дамыту бағдарламасымен таныса келе, бұл бағдарламаның негізгі мақсаты оқушылардың тіл байлығын дамытып, ұлттық дүниетанымын қалыптастырады, сөздік қорын молайтады, логикалық ойлау қабілетін арттырады, әдебиетке деген қызығушылығын оятады. Баланың тіл байлығы мол болса, оның ой-өрісі де кең болады. Сол себепті баланың тіл байлығы, ойы кеңейе түсу үшін өлең, ертегі, әңгіме, мақал-мәтелдер, жаңылтпаштар, жұмбақтар, шешендік сөздер, халық ауыз әдеби шығармаларынан үзінділер оқыту таныстырудың маңызы өте зор. Осы әдеби шығармалардың тапсырмалары арқылы оқушылардың танымдық ойлау қабілеттері артып, өз беттерінше ой түйіндеп, қорытынды жасауға үйренеді.

«Тіл дамыту» бағдарламасы жүйелі, жан-жақты, баланың жас ерекшелігіне сай құрастырылған. Оқушының жұмыс дәптері де әрбір сағатқа сәйкестендіріліп жасалынған. Бұл дәптер тіл дамытуды жүзеге асыратын көмекші құрал.







Мектеп директорының

ғылыми-әдістемелік

ісі жөніндегі орынбасары: ________________Байсеитов М.К.




Түсінік хат

«Тіл дамыту» бағдарламасының негізгі мақсаты баланың тіл байлығын, сөздік қорларын дамытып, дүниетанымын кеңейтеді, білімін шыңдайды, адамгершілік сезімін оятады, тілін байытады, эстетикалық тәрбие қалыптастырады, байланыстыра сөйлеуін дамытып, көркем әдебиетке деген қызығушылығын арттырады. Бұл бағдарлама оқушылардың жас ерекшелігін ескере отырып, оқуға, жаттауға, әңгімелеп беруге, мәнерлеп оқуға, сахналау ойындарын ұйымдастыруға, жұмбақтар, жаңылтапаштар, мақал-мәтелдер, ертегілер әлеміне енуге арналған білім беруді көздейді.

Бағдарлама 4 бөлімнен тұрады. Бұл бағдарламаның ерекшелігі бастауыш сынып оқушыларының дүниетанымын кеңейтіп, ой-өрісін дамытады. Бағдарлама мазмұнымен танысқан оқушының көркем әдебиетке деген қызығушылығы артады, өз ойын бейнелі сөздермен жеткізе білуге үйренеді. Алғашқы бөлімде «білімділік болашаққа» деген пікірде бола отырып, оқушыларға үлкен сенім артады. Соған орай мектептің, мектеп құралдарының, Отанның, ата-ананың, достықтың маңызы зор екенін түсінеді. Өзара жұмыс жасау арқылы білімдері, дүниетанымы, өмірге деген қызығушылығы артады. Мұнан кейінгі бөлімде атадан қалған асыл мұралар жайында біле отырып, ұлттық көзқарастары қалыптасады.

Келесі тарауда оқушылар тарихи тұлғалардың сыр-сипатына үңіліп, тағылым аларлық сәттерге назар аударады.

Табиғатты сүйіп, өз үйіндей көру мақсатында «Жыл мезгілдері», «Құстар әлемі», «Табиғат және біз» деген тақырыптарды қамтыдым. Бұл баланың табиғатты құрметтеп, қорғауға ықпал ететініне сенімдімін.

Бағдарламада пәнді оқытудың мақсаты мен міндеттері, пәнді меңгеру деңгейінің талаптары, оқу-тақырыптық жоспары көрсетілген. Бұл бағдарламаның орындалуы өсіп келе жатқан ұрпақты білім, білік дағдыларымен қаруландырады, оқырмандық талғамын тереңдетеді, жан-жақты дамыған дара тұлға қалыптастырады.


«Тіл дамыту» пәнін оқытудың мақсаты:

«Тіл дамыту» сабағы арқылы халық ауыз әдебиетін, көркем шығармалардың түрлі жанрын оқыту;

Адамгершілікті, ізгілікті, достықты, татулықты дәріптеу;

Еңбекті сүюге баулу:

Жас ұрпақтың білімге деген құштарлығын ояту.

Шығармашылық қабілеттерін арттыру;

Ойлау, есте сақтау, танымдық іс-әрекеттермен өздігінен білім

алуға, ізденуге бейімдеу.



«Тіл дамыту» пәнін оқытудың міндеттері:

Әңгіме, ертегі, өлеңдердің мазмұны өз сөзімен, әдеби тілде айта білуге, оқып үйренуге үйрете отырып, тіл байлығын дамыту;

Адамзат тарихындағы рухани-материалдық мәдениеттің дамуының негізгі құралдарының бірі – шешендік сөздер, әңгімелер, аңыздар, өлеңдерді оқыту арқылы, баланың тілін ұштау, сөздік қорын байыту, өмірге деген көқарасын ояту;

Ауыз әдебиеті үлгілері бойынша адамгершілік пен ізгілікке, ұлтжандылық пен отансүйгіштікке тәрбиелеу;

Балалардың ойлау, қиялдау, елестету қабілетін дамыту;

Шығармашылық дағдысын қалыптастыру, өз ойынан әңгіме құрастырып айтуға үйрету;

Өз әдет-ғұрпы, салт-дәстүріне деген сый-құрмет сезімін ояту;

Әңгіме, өлең, ертегі, мақал-мәтел, жұмбақ, жаңылтпаштарды өз беттерінше құрастыра білуге үйрету.



Күтілетін нәтиже:

Балалардың әдебиетке, оқуға деген қызығушылығы артады;

Жан-жақты білімді, іскер, өзіндік ой-талғамы, ойлау, сезіну, есте сақтау қабілеттері жоғарылайды;

Білімін кеңейтуге, тілін байытуға әсерін тигізеді;

Оқушылардың белсенділігі артып, өздігінен жұмыс жасау әрекеттеріне талпынады;

Қосымша материалдарды пайдалану арқылы ізденімпаздық қабілеттері артады.





Пәнді меңгеру деңгейінің талаптары:

Шығармаларды жаттап, мәнерлеп оқып, мазмұнын дұрыс айту дағдысы қалыптасуға тиіс;

Ертегілерді сахналау ойындарын меңгеруі тиіс;

Әңгіме, ертегілерді, өлең жұмбақтарды өз бетінше құрастыра білуі қажет;

Оқылған әңгіме, ертегі, өлеңдердің мазмұнын өзінің түсінігі бойынша, өз сөзімен, әдеби тілде айта білуі тиіс;

Оқушы өздігігінен кітап оқу кезінде шығарманың мазмұнын саналы түрде түсініп, түсінгенін жеткізе білуі тиіс;

Өлең, өтірік өлең, жұмбақ, жаңылтпаштарды, мақал-мәтелдерді жатқа білуі, оны өмірде пайдалана білуге үйренуі тиіс.







Бағдарлама мазмұны:

Тіл дамыту (Барлығы - 34 сағат, аптасына 1 сағат)

І бөлім: Отаным – бақыт ордасы. (9 сағат).

Бұл тарауда оқушылар, мектеп, білім, оқу құралдары, Отан, туған жер, достық, сүйікті кітабы туралы мағлұмат алады. Отанымыз Қазақстан Республикасы туралы кеңінен мағлұмат алып, тақырыптарға байланысты әңгімелер, өлең, тақпақ, мақал-мәтелдер жаттайды.

ІІ бөлім: Атадан қалған – асыл мұра. (17 сағат).

Оқушыларға халық ауыз әдебиетінің балаларға арналған шығармаларының сан түрі таныстырылады.

Шешендік сөздер, қазақ билері, олардың өнегелі сөздері, ертегілер, ертегілердің түрлері, аңыз әңгімелер, мақал-мәтелдер мен жұмбақ, жаңылтпаш туралы осы бөлімде кең түрде түсіндіріліп, тарихтан орын алған үлгілі шығармалармен даналық сөздер оқытылып, жатқа айтылады, ата-бабадан қалған мол мұраны игеруге баулиды.

Жаңылтпаштарды оқыту арқылы дыбыстар мен сөздерді дұрыс, анық айтып жаттығу, жұмбақтар арқылы табиғат құбылыстарының өзін қоршаған дүниенің сырын танып білуге, талпындыру мақсаты алға қойылады.

ІІІ бөлім: Бабалар өмірі - ұрпаққа өнеге. (3 сағат)

Бұл тарауға енген шығармалар арқылы оқушылар тарихи тұлғалардың өмірі, балалық шағы, халқына жасаған қызметінен хабардар болып, оны өздеріне үлгі етеді және осындай ұлы адамдары бар халқына деген мақтаныш сезімдері туындайды.

IV Табиғат және біз. (5 сағат)

Бұл тарауда оқушылар табиғат, жыл мезгілдері, жыл мезгілдерінің атаулары, табиғат пен адамның арасындағы байланыстары туралы мағлұмат алады. Табиғат, жыл мезгілдері туралы әңгіме, өлең, жұмбақтар, мақал-мәтел, тыйым сөздер оқып үйренеді. Сурет салып, сурет бойынша әңгіме, өлең жазып, жұмбақ құрастырып үйренеді.


Оқу тақырыптық жоспары 34 сағат

Тақырыптар

Сағат саны

Мерзімі

І. Отаным – бақыт ордасы



1

Білім – өмір шырағы

1

3.09.2015

2

Көркейе бер, туған жер!

1

10.09

3

Білім мен байлық

1

17.09

4

Оқу құралдары

1

24.09

5

Отаным - Қазақстаным

1

1.10.2015

6

Ана - өмірдің жүрегі

1

8.10

7

Достық

1

15.10

8

Дос болайық, бәріміз!

1

22.10

9

Менің сүйікті кітабым

1

29.10

ІІ. Атадан қалған – асыл мұра



10

Төрт түлік мал

1

12.11.2015

11

Мал бағу

1

19.11

12

Ақ қошақан

1

26.11

13

Күй – құдіреті

1

3.10.2015

14

Шешендік өнер

1

10.12

15

Ертегілер елінде

1

17.12

16

Ертегі жазуға үйренеміз

1

24.12

17

Сөз маржаны

1

14.01.2016

18

Қазақтың тыйым сөздері

1

21.01

19

Жеті қазына

1

28.01

20

Жеті - киелі сан

1

4.02.2016

21

Өтірік өлең қайдан шықты?

1

11.02

22

Ұлттық таным. Дәм татыру

1

18.02

23

Қазақтың үш биі

1

25.02

24

¥лттық тағамдар

1

3.03.2016

Материал жариялап тегін сертификат алыңыз!
Бұл сертификат «Ustaz tilegi» Республикалық ғылыми – әдістемелік журналының желілік басылымына өз авторлық жұмысын жарияланғанын растайды. Журнал Қазақстан Республикасы Ақпарат және Қоғамдық даму министрлігінің №KZ09VPY00029937 куәлігін алған. Сондықтан аттестацияға жарамды
Ресми байқаулар тізімі
Республикалық байқауларға қатысып жарамды дипломдар алып санатыңызды көтеріңіз!