Ақтөбе қаласындағы физика-математикалық бағыттағы Назарбаев Зияткерлік мектебі

Пән: қазақ тілі мен әдебиеті

Мұғалімнің аты-жөні: Димисанова Алынай Батырхановна

Уақыты:

3-4.09.2018

Класс: 9 «G»,«Н»

Оқушы саны: 12

Ұзақ мерзімді жоспар бөлімі

2-бөлім: Тіл және жазу мәдениеті (14 сағат). Шешендік өнер

Сабақтың тақырыбы

Тіл мәдениеті

Бастапқы білім

Тіл туралы мақалдар, нақыл сөздер

Оқыту мақсаттары

9.Т6.Тыңдалым материалдарының мазмұны негізінде деректерді келтіре отырып, дәлелді жауап беру.

9.Ж6.Сөйлем ішінде қойылатын тыныс белгілерді (сызықша, қос нүкте, нүктелі үтір) орынды қолдану.

Сабақтың мақсаты

Тыңдалым мәтіні мазмұнынан деректер келтіре отырып, жауап береді. Тыныс белгілерді орынды қолданады.

Бағалау критерийлері

Тыңдалым материалдарын түсінеді;

Дәлелді жауап бере алады;

Тыныс белгілерді орынды қолдана алады.

Тілдік мақсаттар

Бұл бөлімнің тақырыбы: «Тіл және жазу мәдениеті» деп аталады және тілдік дағдылар бұл тақырып мазмұны негізінде дамиды. Оқушылар түрлі мәселелерді көтерген ауызша мәтіндерді тыңдайды, талқылайды және өз тұжырымдарын жасайды. Таныс және таныс емес жағдаяттарда өзара сөйлесім жасайды.

Сабақтың лексикалық минимумы: руно жазуы, араб тілі, Орхон-Енисей жазбалары, кириллица, латын әліпбиі т.б

Құндылықтарды

дарыту

Адалдық, толеранттылық, денсаулық, құрмет, жауапкершілік.

Құндылықтарды дарыту сабақ мазмұны арқылы жүзеге асады.

Пәнаралық байланыстар

Пән

Кезең

Қазақ әдебиеті

Тыңдалым

АКТ қолдану дағдылары

слайдпен жұмыс, тыңдалым тапсырмалары

Дифференциация

- сұрақтарға жауап беру барысында;

- оқу материалдары мен ресурстарын оқушылардың жеке қабілеттерін ескере отырып таңдау.

Денсаулық және қауіпсіздік техникасының сақталуы

Көзге арналған гимнастика жаттығуларын жасау, тән саулығын арттыруға арналаған дене жаттығулары

Сабақтың барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Қызығушылықты ояту

Qazaq tili – Qazaqstan Respwblïkasınıñ turğılıqtı xalqı qazaq xalqınıñ jäne onıñ şekarasınan tıs ömir sürip jatqan qazaqtardıñ ulttıq tili.

Берілген сөйлемді аудара отырып, сабақтың тақырыбына болжау жасайды.

Оқу мақсаттары мен бағалау критерийлері түсіндіріледі.

слайд

Сабақтың ортасы

1-сабақ

Мағынаны тану
Тыңдалымалды тапсырмасы

• Қазақ тілі қандай тілдер тобына жатады?

• Тіліміздің тарихы туралы не білеміз?

• Тіліміздің бүгінгі тағдыры туралы не айтасыздар?

Тыңдалым тапсырмасы

Астана қаласы Тілдерді дамыту басқармасының ұйымдастыруымен «Тіл мәдениеті: сөйлеу және жазу» тақырыбында өткізілген дөңгелек үстелге қатысушылар сөзін тыңдайды. Сұхбат мәтіні қысқартылып алынады. (Сұлтан Оразалының сөзінің бірінші абзацы, Сайлау Батыршаұлы, Астана қалалық «Мемлекеттік тіл» қозғалысының төрағасы, Табыл Құлияс, жазушы, Кәрімбек Арыстанбекұлы, ҚР Жаратылыстану ғылымдары академиясының вице-президенті)

ТЖ. Тыңдалым материалдарының мазмұны негізінде деректерді келтіре отырып төмендегі сұрақтарға дәлелді жауап беріңдер.

• 1-топ.: Сұхбат барысынан не түсіндіңдер? Сұлтан Оразалы /жазушы/ «Қазақтың тілі – тағдыры ауыр тіл. Бірақ жаны сірі.» деуінің сырын қалай түсіндіре аласыңдар?

• 2-топ. Кәрімбек Арыстанбекұлының /академия вице-президенті/ өкініші туралы не айтасыңдар?Вице-президент БАҚ жұмыстарына қандай баға берді?

• 3-топ. Жазушы /Табыл Құлияс/ не үшін тәнті болады?

Топтық өзара бағалау. Сұрақтарға қаншалықты дәлелді жауап берді.

Дескрипторлар:

• Сұхбаттың мазмұнын түсінеді;

• Сұхбат берушілердің сөзінің мағынасын ашып түсіндіреді;

• Сұрақтарға жауап береді;

• Сұхбаттан деректер келтіре отырып, дәлелді жауап береді.

2-сабақ

Жазылымалды тапсырмасы

• Сұхбатты тыңдау барысында қандай сөйлемдер есіңізде қалды?

СЖ. Оқушылардың естерінде қалған сөйлемдерді тақтаға жаздыртып, олардың дұрыс жазылуына, тыныс белгісіне назар аударамыз.

Жеке жұмыс.

Сұхбаттан алынған төмендегі мәтін үзіндісін интербелсенді тақтадан дәптерлеріне тыныс белгісін қойып қатесіз жазады.

Жазылым тапсырмасы

заман – күштінікі тіл де – күштінікі бір кездері Германия мықты болды бүкіл Еуропа Америка кешегі Кеңес Одағы  неміс тілін үйренді енді Америка күшейді дүниежүзіндегі халықтардың көп бөлігі ағылшын тілінде сөйлейді  сондықтан тіл күшті болу үшін мемлекет те қуатты болуы керек Ал мемлекеттің өсіп-өркендеуі үшін халықтың бірлігі керек ел «Мәңгілік Ел» болу үшін мәңгілік тіл болуы керек тілді сақтаудың басты жолы – тіл тазалығы өкінішке орай бүгінде тіл тазалығы тіл мәдениеті әдеби тіл нормалары сақтала бермейтін болды мұның тіліміздің дамуына теріс әсер беретіні сөзсіз кейбір ақпарат құралдарындағы сөз қолданыстарында ауызекі тілде айтылатын сөздер көп кездеседі ұл дұрыс емес телеарна тілі – тіліміздің айнасы ол таза болуы керек

Дескрипторлар:

• Сұхбаттың мазмұнын түсінеді;

• Тыныс белгілерді орынды қолдана алады.

Дұрыс жауап:

Заман – күштінікі, тіл де – күштінікі. Бір кездері Германия мықты болды, бүкіл Еуропа, Америка, кешегі Кеңес Одағы  неміс тілін үйренді. Енді Америка күшейді, дүниежүзіндегі халықтардың көп бөлігі ағылшын тілінде сөйлейді.  Сондықтан тіл күшті болу үшін мемлекет те қуатты болуы керек. Ал мемлекеттің өсіп-өркендеуі үшін халықтың бірлігі керек.

Ел «Мәңгілік Ел» болу үшін, мәңгілік тіл болуы керек. Тілді сақтаудың басты жолы – тіл тазалығы. Өкінішке орай, бүгінде тіл тазалығы, тіл мәдениеті, әдеби тіл нормалары сақтала бермейтін болды. Мұның тіліміздің дамуына теріс әсер беретіні сөзсіз. Кейбір ақпарат құралдарындағы сөз қолданыстарында ауызекі тілде айтылатын сөздер көп кездеседі. Бұл дұрыс емес. Телеарна тілі – тіліміздің айнасы. Ол таза болуы керек.

Бағалау. Дұрыс жауапты оқушылар назарына ұсына отырып, жұмысты көршілеріне тексерту.

Сабақтың соңы

Рефлексия

«Аяқталмаған сөйлем» әдісі арқылы оқушылардың сабақта алған мәліметтері туралы пікірін тыңдау.

слайд

Сабақ бойынша рефлексия

Сабақ мақсаттары/оқу мақсаттары дұрыс қойылған ба?

Оқушылардың барлығы ОМ қол жеткізді ме? Жеткізбесе, неліктен?

Дифференциация дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар

болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:Бұл сабақтан мен келесі сабағыма әсер ететін, сынып туралы немесе оқушылар жайында нені білдім?