Сабақтың тақырыбы: Тілашар тойы

Мақсаты:

1. Оқушыларды үлкенді сыйлауға, сөздерін тыңдай білуге тәрбиелеу.

2. Оқушылардың ой-өрісін кеңейту, тілдерін дамыту.

3. Ата – аналарымен бірге мерекелік көңіл-күй арқылы оқуға, білімге деген қызығушылығын арттыру.

Сабақ барысы:

І Ұйымдастыру.

Мұғалім: Құрметті ата-аналар, ұстаздар! Тойымызға қош келдіңіздер! Күні кеше ғана мектеп есігін ашқан бүлдіршіндеріңіздің қадамдарының сәттілігін тілей отырып, алғашқы айлардағы өнерлерін тамашалауға шақырамыз. Балаларыңыздың осы қара шаңыраққа аттаған қадамдары құтты болсын! Тойларыңыз тойға ұлассын!

І бастаушы: Кешегі сәби балаңыз,

Жарады, міне қараңыз.

Ғылым, білім жолына

Енді қайық саламыз.

ІІ бастаушы: Қош келдіңдер, балдырғандар,

Қадамдарың құтты болсын!

Мектеп мынау есік ашық,

Тек әдебің мықты болсын!

І бастаушы: «Той», - деп бүгін көңіл шіркін тасады,

Ән менен күй көңіл сырын ашады.

«Той» - деп келген қонақтарға мың рахмет,

Ақ жаулықты анадар – той шашуын шашады.

ІІ бастаушы: Шашу шашты әжелер,

Сылдырлатып теңгелер.

Тойымыздың шашуын,

Сәт сапарға теңгерер.

І бастаушы: Шашу, шашу шашайық,

Ақ сандықты ашайық.

Бұл мереке, бұл тойдың,

Бастаңғысын жасайық.

ІІ бастаушы: Уа, халайық, халайық,

Мұнда назар салайық.

Бүлдіршінің ортада,

Тілашарын алайық.

І бастаушы: Қайсы күйші, кім биші,

Талабына қарайық.

Кімдер дерек, кім тақыл,

Таланттарын табайық.

ІІ бастаушы: Асқар анау аталар,

Салиқалы апалар.

Ұрпағың бұл тағы бір,

Бүгін шәкірт аталар.

І бастаушы: Уа, балалар, балалар,

Ешкімің жоқ алалар.

Шәкірт болу үлкен сын,

Оны ұстазың бағалар.

1-оқушы: Қыркүйек келіп, күз келіп,

Мектепке бет түзедік.

Оқуды да бастадық,

Рахмет саған, Алтын күз!

2-оқушы: Қуандырып біздерді,

Мерекелі күз келді.

Кел жемісті алтын күз,

Кемелденсін халқымыз.

3-оқушы: Кездескен соң күзімен,

Бұтағынан үзілген.

Ай жапырақ-сары алтын,

Айналаның бәрі алтын.

4-оқушы: Бірінші қыркүйек күнімен,

Аңқыған жұпары гүлімен.

Келіп ем қарсы алды мектебім,

Сүйкімді қоңырау үнімен.

5-оқушы: Мен оқушы боламын,

Болам жігіт зор әлі,

Қазақстан жалауын,

Көтеремін жоғары.

6-оқушы: Ертеңгі елдің тірегі –

Бүгінгі жас ұландар.

Күндей аппақ жүрегі,

Келеді өсіп қырандар.

7-оқушы: Пайдаң тиіп Отанға,

Риза болсын халқымыз.

«5» болсын алар бағамыз,

Білімнен бақыт табамыз.

8-оқушы: Еркеңіздің мойнына,

Ақ жағасы жарасар.

Кел, келіңіз тойыма,

Тойымның аты,

Тойымның аты – тілашар.

9-оқушы: Алтыға толдым биыл мен,

Оқушы болып киінем.

Арқама сөмке асына,

Мектепке барам,

Мектепке барам асыға.

10-оқушы: Қолыма алып әліппе,

Үңілдім тұңғыш әріпке.

Қоңырау үні сыңғырлап,

Тұрғандай маған,

Тұрғандай маған қол бұлғап,

Мектеп, мектеп!

11-оқушы: Қалам алып,

Сурет салып,

Уйренгенім бақшада.

Суретімді мақтап жүрді,

Жақсы апа мен жақсы аға.

12-оқушы: Барлық бала таң қалып,

Әліппені ашады.

Сөз құраған әр әріп,

Білім нұрын шашады.

13-оқушы: Асыл сөзін тілімнің,

Бойға құйған Әліппе.

Нақ бастауы білімнің,

Қырық екі әріпте.

Хор «Әліппе»

14-оқушы: Сәбилік көңілден,

Арналды жыр, әнім.

Баулитын өмірге,

Ақылшым – мұғалім.

15-оқушы: Тілін де аламын,

Айтқанын ұғамын.

Өзіңдей боламын,

Ақылшым, мұғалім.

16-оқушы: Сипатың да басымнан,

Әліппені ұсындың.

Бақытымның осыдан,

Басталғанын түсіндім.

І бастаушы: Балалар, оқу, білім туралы қандай мақал – мәтел білесіңдер?

1) Оқусыз білім жоқ, білімсіз күнің жоқ.

2) Оқу – инемен құдық қазғандай.

3) Оқу – білім бұлағы,

Білім - өмір шырағы.

4) Қына тасқа бітеді,

Білім басқа бітеді.

5) Оқу түбі – тоқу.

6) Білімдіден шыққан сөз,

Талаптыға болсын кез.

7) Ақыл – тозбайтын тон,

Білім – таусылмайтын кен.

І бастаушы: Балалар, ендігі кезекті жұмбаққа берейік.

Оқушылар жұмбақ шешеді.

І бастаушы: Балалар, біз қай республикада тұрамыз?

Оқушылар: Қазақстанда.

І бастаушы: Қазақстан туралы кім қандай тақпақ біледі?

17-оқушы: Абай туған, Сәкен туған,

Құрметті досым қазақжерім.

Қамбаға жылда мол астық құйған,

Қазақстан – Республикам менің.

18-оқушы: Толқыған дәні бар,

Мамырлаған малы бар,

Қыран қанат әні бар,

Қазақстан келбеті,

Елтаңбадан табылар.

19-оқушы: Жер бетінде адам өмір өткізер,

Бар нәрсеге білім қолды жеткізер.

Бар ізгілік тек білімнен алынар,

Білімменен аспанға жол салынар.

20-оқушы: «Ұлы халқын есептескен текпенен,

Ата салтын ешкім аттап өтпеген.

Мың пәледен құтқарады бір бата,

Адам болмас бата естіп өспеген», - дей келе әжеден бата алу.

Жарқырап атқан «бақытты күн» таңында
Дара туған, дана туған қазағымның бағына.
Қош келіпсіз, Тілашар тойымызға
Тәуелсіз елімнің 26 жыл толу қарсаңында.
2 - оқушы:
Талаптың мініп алып пырағына,
Білімнің май тамызып шырағына.
Алдымнан ақыл сарай есік ашып
Жету мақсат - іздеген мұратыма.
3 - оқушы:
Ойым бар: бірде дауыл, бірде жалын,
Сақтайтын есті ұрпақтың, ата салтын.
Тіл мен елдің тағдырын Ту ғып ұстап
Шығарар абыроймен Отан даңқын.
4 - оқушы:
Мен сені сүйем елім жасырмаймын,
Асылдың сынығы боп, тұлпардың тұяғымен тасырлаймын.
Намысты қолдан бермейтін ұлыңмын
Басымнан бір ауыз сөз асырмайтын.
5 - оқушы:
Алдымда биік мақсат, үлкен сенім.
Тізгінді басқаларға бермес тегін.
Бәсекеге түсетін саналы ұрпақ
Киелі жер Иесі - сенгін Елім!
6 - оқушы:
Дархан пейіл, ақкөңіл, бір құт елміз,
Әрі биік, сабырлы, терең елміз.
Адалдықтың ақ туын желбіретіп,
Бұл дүниеге мәңгілікке келгенбіз.
7 - оқушы:
Парасат пен ізгілік бойымызда,
Ата - баба өсиеті ойымызда.
Бақыт құсы самғасын көгімізде,
Ұшырған бүгінгі қуанышты тойымызда.

ІҮ. Ән: «Сәлем, саған мектебім!» Сағындық Аружан
8 - оқушы:
Армысың, мектеп ар - бесік,
Айқара ашқан есігін.
Тәрбие, білім бар нәсіп,
Өзіңде өрлеп өсемін.
Армысың, мектеп киелім,
Мен сені солай сүйемін,
Сен берген бағыт бағдармен
Рухы бай елге иемін.
9 - оқушы:
Алты жасқа біздей толған баланы,
Мектеп ана құшағына алады.
Ата - ана қуаныңыз шаттанып,
Шәкірт болды міне биыл балаңыз.
10 - оқушы:
Мектеп деген киелі ұғым ғажап ат,
Тынысы мен тіршілігі ғаламат.
Бала шақтан болашаққа ұмтылған,
Түлеп ұшты талай - талай азамат.
11 - оқушы:
Мектеп деген білім кені, жыр кені,
Мектеп деген ғылымның ең үлкені.
Мектеп деген тәрбиеші адамға,
Мектеп деген даналардың мекені.
12 - оқушы:
Мектеп - үлкен бағдаршам.
Ұстаз шырақ ұстаушы.
Екеуі де аңғарсақ,
Бағыт жолын нұсқаушы.
13 - оқушы:
Өзіңді өзің табуға
Бағыт - бағдар береді.
Оқып, білім алуға
Күндей нұрын төгеді.
14 - оқушы:
Мектебіңді құрметте,
Бесік болып тербеткен.
Өзің де жет құрметке
Азаматсың ер жеткен.

Ү. Би: « Қуыршақ» Жакишева Жамиля
15 - оқушы:
Мынау менің сезгенім.
Ол – сыныптың анасы.
Өзінің де өзгенің
Баласы – оның баласы.
16 - оқушы:
Күнде бестік алсаң сен,
Онда басқа жоқ арман.
Ал оқымай барсаң сен,
Бір тал шашы ағарған.
17 - оқушы:
Мұғалімді анамдай жақсы көрем,
Қиналамын қымбат теңеу таба алмай.
Өз баласын тастап кетіп үйіне,
Ел баласын оқытады, ой, Алла - ай.
18 - оқушы:
Мұғалімді жақсы көремін сезімтал,
Үлгі етемін өнегелі сөзі бал.
Мұғалімнің мұғалімін танимын,
Көкіректе көретұғын көзі бар.
19 - оқушы:
Ақылшым асыл ұстазым,
Жолымды айқын нұсқадың
Қасыма кеп қанша сен,
Қамқор боп қалам ұстадың.
20 - оқушы:
Мен тілеймін ұстазыма
Өмір - думан, бақ әкелсін мереке.
Азамат боп шығамын мен,
Сенетіндей ел ертең.
21 - оқушы:
Қуантуға елімді,
Қуантуға жерімді,
Білім жиып өсемін.
Төгіп адал терімді.
Мен мектепке барамын.
22 - оқушы:
Елдің атын жазамын,
Жердің атын жазамын,
Туған тілге тазамын.
Батаңды бер, қазағым...
Мен мектепке барамын.
23 - оқушы:
Таудай биік талабым,
Оттай лаулап жанамын.
Салт - санасын сақтаймын,
Дала мен қаланың,
Мен мектепке барамын.
24 - оқушы:
Қолға кітап аламын,
Маржан сүзіп табамын.
Жарқыратып кеудеме,
Жұлдыз етіп тағамын.
Мен мектепке барамын.
ҮІ.«Шаттық шеңбері» дөңгелене тұра қалады
Қуанамын мен де,
Қуанасың сен де.
Қуанайық, достарым,
Арайлап атқан күнге!
25 - оқушы:
Өмірімнің көктемін,
Сенде өткізем деп келдім,
Алтын ұям – мектебім!
26 - оқушы:
Армандарым көп менің,
Атқарамын деп келдім,
Асыл анам – мектебім!
27 - оқушы:
Оқып ғылым тектерін,
Ой аламын деп келдім,
Оттан ыстық мектебім!
28 - оқушы:
Өнерпазың көп сенің:
Өнер табам деп келдім,
Өз бесігім – мектебім!

Тілім барда мақтанам,
Тілім менің аппақ ән,
Бірлігім бүгінгі,
Ана тілім сақтаған.
Оқушы:
Ана тілің арың бұл
Ұятың боп тұр бетте.
Өзге тілдің тілдің бәрін біл,
Өз тіліңді құрметте.
Оқушы:
Азаматқа лайық,
Отанымның ұлымын.
Отанымды қорғайтын
Азаматтың бірімін.
Оқушы:
Сарқылмайтын қуатым
Тірегімсің Қазақстан,
Мәңгі соғып тұратын,
Жүрегімсің Қазақстан.
Оқушы:
Толтырған гүлге даланы
Жайнатқан ауыл, қаланы,
Ардақты ата мекенім
Отаным – Қазақстан.
Оқушы:
Отаннан басқа бағым жоқ,
Отаннан басқа жаным жоқ.
Отаннан басқа ойлауға,
Басымда менің орын жоқ.

Жеткен арман, жаса тәуелсіздігім!

Өз қолына берген ерік тізгіні

Ие болған әлем ілтипатына

Дербес бейбіт мемлекетпіз біз бүгін.

Бұрқ етті қазақ баласы

Кеудеде өршіп наласы

Алаңға қарай ағылды

Таусылып бар шарасы.

26 жыл тәуелсіздік туғалы,

Қазақ елі бірлікке бел буғалы

26 жыл Қазақстан халқының

Өз тағдырын өзі шешіп тұрғаны

      Көз тойғысыз қазағымның жері бар

                   Ну орманы, тауы, өзені, көлі бар

                   Қазағымның жерін, елін қорғайтын

                   Жас жеткіншек ұланы, ері бар.

 Көз тойғысыз қазағымның жері бар

Ну орманы, тау, өзені, көлі бар

Қазағымның жерін, елін қорғайтын

Жас жеткіншек ұланы бар, елі бар.

Міне, осындай, егеменді еліміз

Кең жазира, ұлан байтақ жеріміз.

Туған елін, туған жерін сүйетін

Біз қазақтың ұланымыз, еріміз.

Құлақ түремелімнің тынысына

Мақтанам қуанамын табысына

Елбас мен халқымыз аман болса

Айналар орта Азия барысына

Өзіңдікі туың да,
От пен ауа суың да.
Жаса, Қазақстаным.
Белді бекем буын да.


Асқар тау да сенікі, 
Бақша бау да сенікі. 
Қалтқысыз дос пенен
Қатал жау да сенікі. 


Білімді ұрпақ, білікті маман, 
Беделің сенің Республикам !
Болатын балаң, ары сау адам –
Мерейің сенің, Республикам!

Елімнің жанған жарық шырағын.

Халқымның қанат қаққан қыранымын

Аймалап басқан ыстық құшағына

Мен мына табиғаттың ұланымын.

Шаттық пенен бақыт сыйлап жеріме

Ақын көңіл алып ұшып көгіне

Талай ғасыр бабаларым аңсаған

Тәуелсіздік келді міне еліме

Мен қазақпын, ұланымын елімнің

Мен қазақпын, тірегімін жерімнің

Ұланымын туын көкке көтерген

Ертеңімін Егеменді елімнің.

Менің елім — Қазақстан Отаным!

Жырлар жазып, өзіңді әнге қосамын.

Мәңгілікке қымбаттысың туған ел

Арта берсің, абыройың, атағың.

Желтоқсан-сен еркіндіктің ұраны
                            Желтоксан-сен азаттықтың жыр-әні
                            Ұмытпайды сені мәңгі ұланның
                            Желтоқсан-болашағы елімнің
                 
           Жас арудың жанарында желтоқсан
                            Қанды ғасыр табанында желтоқсан 
                            Қаралы өмір қайыстырған желтоқсан
                            Қара тұман қабағында желтоқсан

 Жанымыз жомарт қазақпыз
                                 Мәнгүрт кете жаздаппыз
                                 Қосайық басты,бауырлар
                                 Жанайық жансақ маздап біз     

                 Өгей қозы біз болдық елімізге
                                 Келімсектер шықты ғой төбемізге
                                 Күңірену,айқайдан құлақ тұнды
                                 Көзге жас ап аналар жылап тұрды
                                  
              Намысымның шырағы да-желтоқсан
                                 Сұрқай өмір сынағы да-желтоқсан
                                 Жігіттіктің ұраны да-желтоқсан
                                 Жаңа күннің шуағы да-желтоқсан

         Желтоқсан-заман толғағы байтақ даланың
                                    Шарпысқан сәті үміт пен күдік наланың
                                    Желтоқсан-Қайрат, Ләззат пен Сәбира 
                                    Құрбаны болған жалған қойған жаланың

Суық еді Желтоқсанның ызғары
                          Жібімейтін кез келгенге мұз қары
                          Уақыттың өткендігін айғақтап 
                          Ешқашанда жүрмейтұғын тайғақтап 

Өзіңдікі — Елің де
Өзіңдікі — жерің де,
Өзіңді өзің еткен Бақ, —
Тәуелсіздік — төріңде.
Орыс, үйғыр, неміс те
Үміт қосып жеңіске.

Тегеурінді соққыларды жайратқан
Ақша қарда судай ақты қайнап қан
Қайдан білсін қызбаланған ерлерім
Айырларым Ләззат, Ербол, Қайраттан

29 - оқушы:
Өсіп ой мен санамыз,
Өмірге жол саламыз.
Білім қуған баламыз,
Біз – оқушы баламыз!

Ән: «Көк тудың желбірегені»

ІІ бөлім: Концерт.

Қойылым «Әже мен немере».

Немересі:
Әже маған мектепте
Ұрыспай ма мұғалім?
Мен білетін ертекті,
Дұрыс, – дей ме шырағым!

Әжесі:
Айналайын, ақылдым,
Өмірімнің жалғасы.
Қартаюға жақынмын,
Арманымды жалғашы.
Сен ақылды баласың,
Мектебіңе барасың.
Ұрыспайды мұғалім,
Ол да сенің анашың.
Немересі:
Әже, мені мұғалім,
Сіздей жақсы көреме?
Орындалып сұрағым,
Көтереме төбеге?
Әжесі:
Тәртібің мен білімің,
Қатар өсіп дамысын.
Жеңбесі жоқ білімнің,
Қосылса оған намысы.
Немересі:
Еркелегім келесе егер,
Көтерем бе қолымды?
Еркелікке, көнсе егер,
Күнде етем бе сонымды?
Әжесі:
Еркелікті қалдыр да,
Үйде отырған әжеңе.
Ақылыңды алдырма,
Адал бол, ақ батама.
Немересі:
Әже, сізсіз мектепке,
Тіпті барғым келмейді.
Ертіп баршы мектепке,
Сонда ешкім жеңбейді.
Әжесі:
Әжесінің баласы –
Жаман бала болмайды.
Қабыл болып, батасы.
Алла өзі қолдайды!
Немересі – Диар, әжесі – Дана.

Т – тәртіпті болайық                      Султанбек

І – ілімді бойға жинайық               Мерейім

Л – лашындай биік самғайық      Магеррам

А – ақылды азамат болайық        Расул

Ш – шыншыл болайық                 Алишер

А – айбынды болайық                    Нұрасыл

Р – рахат өмір сүрейік                     Ислам

Автор-Дильназ:  Ерте,ертеде,ешкі жүні бөртеде Білім патшасында Мектеп сарайында  Оқушы бала өмір сүріпті. Ол сабақ оқығысы келеді, бірақ ешқандай жазатын, оқитың  құралы болмайды. Жылап келе жатса, алдынан қалам шығады:

Қалам-Инкар:  Әй бала, сен неге жылап келе жатырсың?

Оқушы-Жалғас : Менің сабақ оқығым келеді, бірақ менің ешқандай құралым жоқ. Соған жылап келемін.

Қалам-Инкар: Ендеше сен менімен дос бол, мен саған жазуды үйретемін. Әдемі жазу жазсаң, мен өте риза боламын.

Оқушы- Жалғас:     Жарайды екеуміз дос болайық, ал мен сені қайда жазамын?

Қалам-Инкар:     Мені дәптерге жазады. Жүр,  мен саған оқуға қажетті дәптер, қарындаш, өшіргіш, Әліппе деген  достарды тауып кездестірейін.

Автор-Дильназ:  Екеуі достарды іздеп келе жатса, олардың  барлығы  алдарынан шыға келеді.

Оқушы-Жалғас: Қалам, мына тұрғандар кімдер? Олар не үшін қажет? Менімен қайсысы  дос бола алады ?

Дәптер-Бекзат:     Мен дәптермін. Маған  жазу жазады. Мені оқушы таза ұстауы қажет. Менің бетімді жыртуға, сызуға, бояуға болмайды. Егер де әдемі, таза  жазса, 5- тік деген баға алады.

Қарындаш-Расул: Ал, менің атым — қарындаш. Менсіз ешбір оқушы геометриялық пішіндерді  сыза алмайды.Сурет салу үшінде мені қолданады. Менімен дос болсаң, мен саған сызуды, бояуды үйретемін. Бірақ ескертемін —  мені ұқыпты  ұстамасаң мен ренжимін.

Әліппе-Досымжан:    Ал мен болсам  —  бар кітапқа бас болған Ғылым атасы  -әліппемін. Мен саған 42 әріпті танытып, оқуға үйретемін. Егер де сен менің әріптерімді жаттап, жақсы оқысаң, озат оқушы атанасың.

Өшіргіш-Нұрасыл:      Менің атым – өшіргіш. Менің көмегім саған өте қажет. Өйткені сен қате сызсаң, шимайласаң мені қолданасың.

Қалам-Инкар: Оқушы, бұның барлығы сенімен дос бола алады. Біз сенің сабақты жақсы оқуыңа көмектесеміз.  Тек сен біздің  жаңағы айтып кеткен шарттарымызды орындайсың ба?

Оқушы-Жалғас: Ия,ия шарттарыңды орындаймын. Менің сабақ оқығым келеді. Келіңдер, сендер менің достарым болыңдар.

Автор-Дильназ:     Сөйтіп оқушы өзіне қажетті оқу құралдарын тауып, барлығымен  дос болып, Мектеп сарайындағы ең үлгілі, озат оқушы атанған екен.

Әжесі: Е-е-е-е... — тәуба! Бергеніне шүкір...

Немересі: Әже, әжетай! Далада керемет болып жатыр, аспанға жаркылдаған салют атып, адамдар құанышқа бөлiніп жатыр. Жүрiңіз, көрейік!

Әжесі: Е-е-е-е, жарығым бұл қуаныш. Тәуелсіздіктің мейрамына арналған керемет, қой. Жақсылығымыз ұзағынан болсын!

Немересі: Әжетай, Тәуелсіз деген не?

Әжесі: Тәуелсіздік деген еркіндігің, бостандығың, бақытың, балам. Біздің кезімізде мундай еркіндік болған жоқ.

Немересі: Сол өміріңіз туралы айтып беріңізші?

Әжесі: Әй, балам-ай, өткен өмірді көз алдыма елестетсем шуылдап, басым айналады. Аздап тынықпасам болмас. (Әжесі немересімен қисайып жата кетеді).

Немересі: (көзін ұқалап тұрады) — Әже, жап-жарық күнді көрдім. Көп түс көрдім.

Әжесі: Е-е-е-е..., ол сенің бақытың, балам. Тәуелсіздігінің мәңгі жарық күні.

Немересі: Ендеше мен ұстаздарымнан, жолдастарымнан сүйінші сұраймын. Алақай, сүйінші! Тәуесіздіктің ақ таңы атып келді!