«Тілім менің- тірегім»

Тақырыбы: «Тілім менің- тірегім»

Мақсаты:

Оқушыларға тілдің қасиетін сезінуге , ұлттық тіліміздің өркендеуіне, ана тілімізді сүюге, танымдық қабілеттерін арттыра отырып ,елжандылыққа тәрбиелеу.

Көрнекілігі:тілге қатысты даналық сөздер, мақал-мәтелдер.

Мұғалім сөзі:

Тіл –әр халықтың ұрпақтан ұрпаққа жалғасып келе жатқан қасиетті құралы.Оны әр уақытта аялап, шұбарламай , кейінгіге жеткізу-біздің борышымыз.Халел Досмұхамедұлы : «Тіл ұлттың жаны. Өз тілін білмеген ел –ел болмайды.Мәдениетке ұмтылған жұрттың алдымен тілі өзгермекші.Тілінен айырылған жұрт-жойыған жұрт.», -деп керемет айтқан.Тіл жолындағы күрес-киелі күрес.Тілді қару еткен адамның ары да, жаны да таза болар еді.

Мемлекетіміз тәуелсіздік алып, көптен күткен арманымыз ана тіліміз мемлекеттік мәртебесін алды.Еліміздің Ата Заңы Конституцияның 7-бабында ҚР мемлекеттік тіл-қазақ тілі деп көрсетілген.

• 1989 жылы 22 қыркүйек – «Қазақ КСР-індегі тілдер туралы Заң » қабылданды.

• Қазақ тілі –мемлекеттік тіл.

• Орыс тілі-ұлтаралық қатынас тілі болып жарияланды.

• 1997жылдың 11-шілдесінде ҚР Парламенті «Тіл туралы» жаңа заң қабылдады.Онда мемлекеттік мекемелерде іс қағаздарды қазақ тілінде жүргізу керектігі айтылған.

• 1998 жылдың 20-қаңтарындағы Н.Ә.Назарбаевтың жарлығына сәйкес 22-кықкүйек- «Қазақстан халықтарының тілдері» күні ретінде аталып келеді.

Ұлағатты сөздер.

«Тілден биік асқар жоқ, тілден асқан байлық жоқ, тілден терең теңіз жоқ». (Ғабит Мүсірепов)

«Кімде-кім қазіргі уақытта ана тілін, өзінің әдебиетін сыйламаса, бағаламаса, оны сауатты, мәдениетті адам деп санауға болмайды».

(Мұхтар Әуезов)

Туған жері-түп қазығы айбыны,

Туған тілі-сатылмайтын байлығы. (Мұхтар Шаханов)

«Анамыздың ақ сүтімен бойымызға дарыған тілімізді ұмыту-бүкіл ата-бабамызды, тарихымызды ұмыту деген сөз». (Бауыржан Момышұлы)

«Ұлттың тілі кеми бастауы, оның құри бастағанын көрсетеді».

(Мағжан Жұмабаев)Тілге қатысты мақал-мәтелдер айту.

Адамды мұратына жеткізетін –ана тілі мен ата дәстүрі.

Қорытынды.

Мұғалім сөзі:Біздің осындай халықтық қасиетті мұрамыз –ана тіліміз.Қазақ тілі- дүние жүзіндегі ең бай, беделді де бейнелі тілдердің бірі.Ана тілінсіз-іс өрге баспақ емес.Болашағымызды баянды етер қаруымыз –тіліміз.

Ана тілімізді құрметтей білейік.