Тілім менің-тірегім

Тілім менің-тірегім.

Қазіргі таңда өзекті мәселелердің алдыңғы қатарында тұрған- тіл мәселесі. Тілі мен дінін сақтай алмаған мемлекеттің болашағы бұлыңғыр.

Қазақ тілі - мызғымас терең тарихы бар, үлкен құдіретке ие тіл. Санғасырлық тарихы мен қиыншылықтары жетерлік. Тәуелсіз ел болып қалыптасуымыз және ортақ тіліміздің болудың өзі үлкен мәртебе. Алайда, өкінішке орай осы баға жетпес байлықтың құдіреті мен қадірін білмей, шын бақыттың дәмін сезінбей жүрген жандардың болғаны көңілді қайыстырады. Ана тілідің қолдану аясы тарыла бастағаны, ұлттың жоғала бастағанын білдіреді.

Ақиық ақынымыз Мұқағали Мақатаев:

Ал, екінші бақытым тілім менің

Тас жүректі тіліммен тілімдедім.

Кей-кейде дүниеден түңілсем де

Қасиетті тілімнен түңілмедім!,-деп « тіл құдіретін» тайға таңба басқандай етіп түсіндіріп, жырлап кетті. Әр сөзі мән-мағынаға толы. Осындай ұлы сөздерді әрқайсысымыз «еліміздің болашағы» ретінде санамызға құюымыз тиіс.

Үкімет мемлекеттік тіл- қазақ тілінің қолданыс аясын кеңейту, оны азаматтардың барлығы меңгеруі үшін материалдық-техникалық жағдайлар жасап барынша көмек көрсетуде. Ұсынған көмекті қабылдай білу аса маңызды. Бұл мәселені бір жаққа артып қойып, кінә іздей беруге болмайды.

Қазақтан туған немесе қазақ жерін мекендеген әрбір адамзаттың міндеті-тілге құрмет көрсету, тілді жетік меңгеру.

Тәуелсіздік тұғырына шыққанымызға 30 жылдай болса да, ана тіліміз нақытылы мемлкеттік мәртебе ала алмады. Барлығы дерлік 100% ісқағаздарды мемлекеттік тілде жүргізеді, толық тілді біледі деп ауыз толтырып айта алмаймыз. Құр сөзбен

-Жұмыстар жасалынып жатыр,-дей салуға болмайды. Нақты іс- әрекетке көшетін уақыт келді. Заман ағымына ереміз деп, рухани азығымызды ысырып қоя алмаймыз. Дәстүрлі мәдениет сырттан келетін мәдениетке төтеп беруі үшін елдің рух-санасы жоғары, күнделікті ақпарат құралдары қазақилығымызды дәріптеп тұрғаны дұрыс. Ұлт тіліндегі хабарлар көп болуы қажет. Бұлай жасалмаса тіліміз бірте-бірте ұмыт болып, шетте қалуы мүмкін.Ұлттық рух әлсіреп, жастардың өзгеге еліктеуінің белең алуы да ғажап емес.

Бей-берекет қарайтындай бізге көктен түскен оңай дүние емес.

Көп толқулардан өтіп, қиындықтың ащы уын ішті. Жазықсыздан жазықсыз қан төгіліп, небір боздақтарымыз өлімге құшты. Әрине, бұл өткен жағдайлар кім-кімге болсын ауыр тиеді. Сондықтан, көштен қалып, кешікпей тұрғанда әрекетке көшуіміз қажет.

Тіл - халықтың айнасы, өткені мен бүгіні және жарқын болашағы. «Тілден асқан асқар жоқ. Тілден асқан байлық жоқ» дейді халық даналағы. Ата-бабамыздан қалған аманатқа қиянат жасамайық.

Абдула Аснурия Темірқызы

Т.Тәжібаев атындағы жалпы орта мектебі

11 «А» сынып оқушысы