ТЖБ 2-тоқсан 6-сынып

Тапсырмалар және балл қою кестеcі үлгісі

«Қазақ тілі» пәнінен 2-тоқсан бойынша жиынтық бағалау тапсырмалары

Тыңдалым мен айтылым [10]

Тапсырма. Мәтінді мұқият оқыңыз. Мәтіндегі ақпараттарды шынайы өмірмен байланыстырыңыз, мазмұндауда қолданып, көтерілген басты мәселені анықтаңыз. Өз көзқарасыңызды жан-жақты тұжырымдап,болжаңыз. Термин мен неологизмдерді орынды қолданып, жұбыңызбен диалог құрыңыз. [10]

1-мәтін

Бүгінгі Нұр-Сұлтан – асыл тастан тұрғызылған асқақ қала. Ерке Есілдің жағасында орналасқан, астананың келешегі толығымен XXI ғасырдың еншісінде. Ал оның ертеңгі еңсесін көтеретін бүгінгі жас буындар.

Нұр-Сұлтан – Қазақстанның астанасы. Ал, Қазақстан – Шығыс Еуропа мен Орталық Азияда орналасқан мемлекет. Отанымыздың көркем, сәулетті, қуатты орданың дүниеге келуі – игіліктің нышаны деп білеміз. 1830 жылдың өзінде Есіл өзені бойындағы Қараөткел тұсында Астана қаласының ең алғашқы іргетасы қаланған болатын. 1832 жылы Ақмола ішкі округі ресми түрде жарияланды. Сосын Орынбор орталығымыз болды. Ал 1925 жылы Қазақстанның орталығы Орынбордан Ақмешітке көшірілді. 1929 жылдары Верный (Алматы) қаласына көшірілді. Содан соң Ақмола қаласы Астана болып 1998 жылы жарияланды.

Ару қаланың әрбір оралымы ашық бұрқақты аулалар, әсем безендірілген гүлзарлар мен көмкерген орманды алқаптарда бойтүзеген «Нұр Астана» мешіті мен «Бәйтерек», «Пирамида», «Ханшатыр», т.б. саяси және мәдени думан орталықтары мен түрлі тарихи мемориалды кешендері алуан түрлі.

2-мәтін

Бейбітшілік және келісім сарайы – Қазақстандағы достық, бірлік пен бейбітшілік нышаны болып табылады. Жобаның авторы – белгілі британдық сәулетші Норман Фостер. Пирамида іргесі 62х62 метр, биіктігі 62 метр құрайды. Пирамиданың жоғарғы жағында суретші Брайан Кларктың шынайы өнер туындысы – қазақ жерінде тұратын ұлт өкілдерін бейнелейтін 130 кептер бейнесі бар витражды терезе безендіреді. Опера залындағы сахнаға арналған сарайдың ашылу рәсімінде әлемдік опера жұлдызы Монсеррат Кабалье болды. Сарайда 1302 орынға арналған «Атриум», «Бесік» залы, көрме залдары, «Құланшы» галереясы, баспасөз орталығы, Нұр-Сұлтан қаласының этникалық мәдени орталықтары, сондай-ақ Мәдениеттер мен діндердің халықаралық орталықтары және Түркі Әлемі академиясы орналасқан.

Оқылым [10]

Тапсырма. Мәтінді оқып, төменде берілген сұрақтарға жауап беріңіз.

Қазақстандағы ерекше ескерткіштер

Қазақстанда белгілі тұлғаларға қойылған ескерткіштерден өзге, айтулы оқиғалар мен тарихи оқиғаларға, мекен атауына қойылған ерекше ескерткіштер өте көп.

Шығыс Қазақстан облысының Аягөз қаласында Қозы Көрпеш пен Баян Сұлуға арналған ескерткіш бар. Ескерткіш «Жастар» саябағында орналасқан. Мүсінді орнату үшін демеушілердің қолдауымен саябақ толық жөнделіп, абаттандыру жасалған. Махаббат символына айналған "Қыз Жібек пен Төлегенге" арналған ескерткіш Тараз қаласында орналасқан.

Астана қаласындағы қоладан жасалған қос ғашықтың мүсіні мәңгілік махаббат символын сипаттайды. Сонымен қатар Астана қаласының ғашықтар саябағында "Алтын жүрек" мүсіні бейнеленген.

2005 жылы Англияда "Болашақ" бағдарламасымен оқитын қос ғашық Болат Карентаев пен Айнұр Сүлейманова ұшақпен Қазақстанға қайтып келе жатады. Ақтауды бағыттаған ұшақ Бакуден ұша бергенде Каспий теңізіне құлап, апат болады. Су астынан қос ғашықтың бір-бірін қатты құшақтап жатқан мәйіті табылады. Екеуі бір белбеуді қапсыра байлап алған екен. Осы тебірентерлік оқиғаға орай және ғашықтардың символы ретінде марқұм Болаттың туып-өскен жері Тараз қаласында ескерткіш орнатылған.

Әр жәдігер адамға желпініс, әсер береді. Сондай-ақ, ол өз дәуірінің мәдениеті, өз дәуірінің белгісі, ұрпаққа қалған аманат. Ескерткіштер осымен құнды, ескерткіштерді қорғап, сақтау, ата-бабаларымыздың қалдырған мұраларын қастерлеп ұстау келер ұрпаққа жүктеу міндет болмақ», - дейді Қуаныш Шохаев.

1.Мәтінде неше адамның пікірі бар? [1]

A) 1

B) 2

C) 3

D) 4

2. Мәтін мазмұнында қанша оқиға баяндалған? [1]

А) 1

В) 2

С) 3

D) 4

3. Берілген сөздердің синонимін мәтіннен тауып жазыңыз. [2]

аймақ _______________________

мүсін _________________________

мерт болу ______________________

4. Мәтіндегі негізгі және қосымша 3 ақпараттарды ажыратыңыз. [3]

5. Мәтінге қатысты ой-тұжырымыңызды 3сөйлеммен жазыңыз. [3]

_________________________________________________________________________

_________________________________________________________________________

Жазылым [10]

Тапсырма. Төменде берілген екі тақырыптың бірін таңдап, жазба жұмысын орындаңыз. Жазылым жұмысында тақырыптан ауытқымай, абзац түрлерін жүйелі құрастырып, көркемдегіш құралдарды орынды қолданып, орфографиялық, пунктуациялық нормаға сай жазыңыз.

1. «Астана – мәдениет пен өнер ордасы» екендігін дәлелдеп аргументті эссе жазыңыз.

2. Кез келген тарихи тұлға туралы өмірбаян жазыңыз. Сөз көлемі 200-250сөз.

Балл қою кестесі

Тыңдалым және айтылым

Оқылым

Жазылым

Тоқсандық жиынтық бағалау тапсырмаларының сипаттамасы