×
Сертификат тегін алу үшін
Материал тегін жариялау
ҚР БАҚ(СМИ) тіркеу №9512

Хабарландыру
Байқаулар басталды Сұрақтарды 8(771)-234-55-99 (Ватсап) осы номерге жазуға болады

Тренинг сабақ. Жас мамандарға

Автор:Муканбеталина Баян Сапаргалиевна
Бағыты: Психология
Бөлімі: Презентация
Сыныбы: Басқа
Жарияланған уақыты: 2019-10-09

50-ден астам пәндер бойынша материалдарды тегін жүктеп, сабақ барысында қолдануға болады

Материал туралы қысқаша түсінік

Жас мамандарға, жаңа әдіс-тәсілдер



Адам жанын түсіне білу, оны зерттей білу – деңгейі үлкен өнер. З.Фрейд «Армансыз адам – қанатсыз құспен тең» дегендей, студенттер колледж бітірген соң, өзі армандаған бір мамандықтың иесі болады. Жас жеткіншектер мамандық таңдауда қателеспеуі керек. Мамандықты дұрыс таңдай білген адам: «Мамандығым – мақтанышым» - дей отыра, сол мамандықтың қыры мен сырын меңгеріп, шыңына жете білуі тиіс. Мамандық – жан күнелту, ақша табу емес. Әр адам мамандығынан рухани күш алып еңбектің рахатын көреді. Адам атақ – абыройға кенеледі. Кез келген адамнан шеберлікті, қажымас қайратты, еңбектенуді керек етеді. «Ұялмаған әнші болады, ерінбеген етікші болады», деген халқымыздың даналық сөзі бар. Тіпті етікші болсаң да, өз ісінің шебері бол. Міне, осынау ғасыр дәуірінде қым-қуыт, адамы мен заманы көптеген өзгерістерге тап болған кезеңде мен психолог мамандығын таңдадым, бірақ оныма өкінбеймін. Мен – колледж психологымен, ең алдымен адамның ішкі жан дүниесін зерттейтін маманмын. Сол ортаға жақсы ахуал туғызып, күйзеліске ұшыраған адамдарға дұрыс бағыт – бағдар беріп, жол көрсету – менің міндетім. Психолог – адамның сырласы, адам жанының елшісі. Адамның өмірге деген құштарлығын арттырады. Ата – баба дәстүрінен бастау алған жан – жарастығы мен жайсаңдығын әрі қарай жалғастыру, жас ұрпақ санасына қалыптастыру үшін ақын Шәкәрім сөзімен айтсақ, әр ғылымы мен ішкі жан сыры іліміне ерекше көңіл бөлінуі керек. Колледж ұжымының зор табыстарға жетіп, береке – бірлігінің мықты болуына, студенттердің сапалы білім алып, саналы тәрбиеде болуына психологтардың үлесі зор деп есептеймін. Еліміз егемендік алғаннан бері оқу-тәрбие саласында көптеген өзгерістер енгізілді. Солардың бірі – өсіп келе жатқан жас ұрпақтарға дұрыс негіздерін беру және олардың психологиялық тұрғыда қалыптасу мәселесі де көрнекті орында тұр. Әрбір студентті жеке тұлға деп танып, ғылыми, рухани мұраларды игерген, шығармашылық ой-өрісі бар, компьютерлік сауаттылығы мен ақпараттық мәдениеті қалыптасқан жастарды тәрбиелеу – бүгінгі күннің ең негізгі мақсаттарының бірі. Халқымыз – қашаннан еркіндікті аңсаған, ой еркіндігі бар, адал, арлы халық. «Басымнан дұшпан сөзін асырмаймын, дұшпан сөзі басымнан асып кетсе, сен түгіл ханыңа да бас ұрмаймын» деген. Осында ұлт болашағы балаларын да, отбасын да адалдыққа, еңбексүйгіштікке, батырлыққа, бауырмалдыққа, береке – бірлікке тәрбиелеген, «баланы жастан» деген даналық сөзі бар. «Балаларға оқу – білім берілсін. Сонымен қатар сұлу мінез, әр түрлі өнерімен өрілсін», - деп Жүсіп Баласағұн айтқандай, Тәуелсіз мемлекетіміздің тізгінін ұстайтын азаматтарды тәрбиелеуде ғасырлар бойы пайдаланып келе жатқан халықтық салт-дәстүр мен ұлттық тәрбие бүгінгі күнде де оқу – тәрбие саласында тиімді қолданылуда. Елбасымыз Назарбаев: «Рухы биік халықтың іргесі де берік, әлеуеті де қуатты, ынтымағы жарасты болады деп есептеймін. Өйткені ұлт тәрбиесі ұлттық рухпен тікелей байланысты екені хақ» , - деген.Ерте замандарда халқымыз балаларын дәстүр бойынша дуалы ауыз би-шешендер мен көсемдердің, даналардың қасына отырғызып, сөздерін тыңдатқан. Бұл дана адамдардың жақсы қасиеттері жұғысты болсын деген ниеттен туған. Қазіргі таңда жас жеткіншектерге ұлттық тәлім берудің маңызы зор.   Психологтың қарым-қатынас жасау әрекетіндегі тағы бір жағдай – шығармашылық тұрғыда өзінің психологиялық күйін меңгере білуі, әр алуан психологиялық кедергілерді жеңуі, өзінің шығармашылық сезімін шабыттандыру, әрқашан шат көңілді, әрі оптимист бола білуі шарт.         Бала үшін психологтің орны ерекше. Басқа адамдар айтқан сөзден психологтің айтқан сөзінің әсері өте күшті болады. Бәрін үйренуге талпынған бала оны заң сияқты қабылдайды. Сондықтан психолог әр айтқан сөзіне жауапкершілікпен қарауға міндетті. Психолог болудың қиындығы да осында.Қазіргі заманда топта әрекет ету қабілеттілігі кәсіби жағынан қажетті және жеке қасиеттердің бірі болып табылады. Психологиялық ойындар мен жаттығулар ынтымақтастыққа тәрбиелеуге бағытталған. Біздің жұмысымызда нақты алға қойып отырған мақсатымыз әрбір оқушының жеке адамдық қасиеттерін жан-жақты жүйелі зерттей отырып, оның дамуына қолайлы жағдай туғызу.Психолог – жеке бастың үлгісі. Өйткені, ол өз шәкірттерін білімге ғана баурап қоймай, оларға өзін-өзі ұстауы, жүріс-тұрысы, киінуі, сөйлеуі жағынан да ықпал етеді.         Психолог маман қиын да қызықты, жауапты жұмысты атқарып жүргендіктен, білімнің жан-жақты болуы артық етпейді. Ал психологиялық білім өз жұмысының жемісті болуына жетелейді. Коледждегі білім баспалдағының қазыналы тұтқасы болу үшін, баланың оқуға психологиялық дайындығын дұрыс айқындау қажет.         Психолог психологиялық іс-әрекет түрлерін атқара отырып, адамға білім ғана емес, сондай-ақ ішкі адамгершілік тілі қажет екенін, ақыл-ой өрісі ғана емес, сонымен қатар мәдени қазыналарға құлшыныс, салт-дәстүрді сыйлау мен құрметтеуге ұмтылыс қажет екенін әр балаға түсіндірсе, осы бағытта жұмыс жасаса нұр үстіне нұр болар едіБір сөзбен айтқанда, психолог өзінің қызметін бүге-шүгесіне дейін жетік білуімен бірге, жаңашыл болуы қажет. Қазіргі уақыт жан-жақтылықты талап етіп отыр. Өзінің рухани әлемін күнделікті толықтырып отырмаған психолог шәкірттері алдында кібіртіктей береді.         Психологтың барлық міндеттерін, этикалық және эстетикалық талғамдарын сақтай отырып, студенттердің шығармашылық қабілеттерін, зияткерлігін арттырып, мен өз қызметімнің алға басуына күшімді саламын. Себебі, мен өз мамандығымды қызығушылықпен орындап, басқалары қызыға қарайтындай деңгейге жеткізгім келеді.Колледжде пәндерді оқытумен қатар қазіргі таңда психологиялық жағынан тұлғаға білім беру  негізгі фактордың бірі болып табылады. Біздің өмір сүріп отырған қоғамымызда психолог маманы өте маңызды орынға ие. Қоғам болғандықтан ол бірнеше компоненттерден құралады: ұжым, топ, ұйым және т.б. Аталған компоненттердің мүшесімен және мүшесіне мәдени, шығармашылық-рухани дүниесі, коммуникативтілігі, әлеуметтік міндетін, этикалық және эстетикалық талғамдардың болуын қазіргі заманға сай қалыптасуына ықпалын тигізеді.«Педагог болу үшін оған әуел бастан бейімделіп туу керек» дейді ертедегі педагогтар. Бірақ ешкім іштен педагог болып тумайды, ол үшін қабілет, ниет қажет екені даусыз. Психологтарға тән қасиеттердің ішінен, оның өз еркіне ие болып, ұстамды келуі ерекше орын алады. Психолог мамандығының ерекшелігі сол, ол зейінін бірнеше объектілерге бөліп, көп нәрселерді есіне сақтап, сөзімен, ісімен, білікті білімімен, ұйымдастырушылық қабілетімен, балалармен тіл табысуындағы қасиеттерімен асқақ. Колледж де, ұжым арасында да, студенттер арасында да жан-жақты психологиялық көмек, психологиялық тәлім – тәрбие жұмыстарын алынған жоспарға сәйкес жүргізіп отыру қажет. Атап айтқанда, түрлі тренигтер, анкеталық сұрақтар, тест, жекелеме студенттермен жұмыс т.б. Осындай жұмыстардың нәтижесінде колледж ұжымы ең ұйымшыл, береке – бірлігі айрандай ұйыған, қандай келелі іс, қиындықтар болса де жеңіп шыға алатын ұжымға айналады. Болашақтың тұтқасы жас ұрпақты тәрбиелеу мен оқытуда психология пәнінің алатын орыны ерекше екендігіне ешкімде дау тудыра алмасы ақиқат. Мен өзімнің ойымды шығыс данасы Абдул Баханың сөзімен аяқтағым келеді: Мұғалімнің еңбегі бағбан еңбегімен пара-пар, өйткені бағбан әртүрлі өсімдіктерді күтіп, баптайды. Кейбір өсімдіктер күн сәулесін сүйсе, кейбіреулері - салқын самал көлеңкені, кейбіреуі ағынды су жағасын, ал кейбірі тау шыңын сүйеді. Кей өсімдік құмдақты жерді, кейбірі құнарлы, шұрайлы жерлерді ұнатады. Әрқайсысы өзіне тиімді күтімді қажет етеді, ал олай болмаған жағдайда нәтижесі қанағаттандырылмайды.

50-ден астам пәндер бойынша материалдарды тегін жүктеп, сабақ барысында қолдануға болады

Сертификатты жеке кабинеттегі жетістіктерім бөлімінен жүктеп алуға болады

Материалды сайттан тегін жүктеу

Материал ұнаса парақшаңызға сақтап қойыңыз!

Өз пікіріңізді қалдыру үшін тіркелу қажет.

Олимпиада бітуіне қалды: