Тұманбай Молдағалиев «Туған өлке гүлдері» 3 сынып

Пән: Әдебиеттік оқу

Мектеп: №3 ЖОББМ

Сынып: 3 «г»

Күні: 21.09.21

Машықкердің аты – жөні: Сайфолланова Сәуле

Әдіскер: Табилтай С. Баға:_____________

Қол: _____________

Сабақтың тақырыбы

Тұманбай Молдағалиев «Туған өлке гүлдері»

Осы сабақта қол жеткізілетін оқу мақсаттары (оқу бағдарламасына сілтеме)

3.1.5.1 – өз ойы мен сезімін тірек сөздерді пайдалана отырып жеткізу.

Сабақтың мақсаты

Барлық оқушылар: мәтіндегі негізгі ой мен тақырып туралы түсініктерін жазба жұмыстар арқылы бекітеді.

Көптеген оқушылар: топтық жұмысты бірлесе орындайды. Өз бетінше жұмыс жасайды. Сұраққа жауап береді.

Кейбір оқушылар: білімді сыныптастарына түсіндіріп, оқулықтан тыс ресурстар қоса алады.

Бағалау критерийлері

• Мәтіннен көркем бейнелі сөздерді табады;

• Өлеңді мәнерлеп оқиды;

• Тапсырмаларды мұқият орындайды;

• Сұрақтарға өз пікірлері бойынша жауап береді.

Ойлау дағдыларының деңгейі

Білу, түсіну, талдау.

Құндылықтарды дарыту

Сұлулықты, әдемілікті көру, сезіну, бағалау

Пәнаралық байланыс

Дүниетану

АКТ қолдану дағдылары

Интербелсенді тақта, сазды әуен, суреттер, бейнеролик, презентация.

Алдыңғы білім

Б. Соқпақбаев. «Қамқорлық»

Қолданылатын әдіс-тәсілдер

Психологиялық ахуал, смайликтер арқылы бағалау, «қызыл қалпақ», жұптық жұмыс, сұрақ – жауап, «блоб ағашы», «бас бармақ».

Көрнекіліктер

Қызыл қалпақ, презентация, бейнеролик, әуен, оқулық, суреттер.

Сабақтағы жоспарланған іс-әрекет

Ресурстар

Сабақтың басы

7 мин

Мақсат қою және оқу-әрекетіне қызығушылықты ояту /мотивация/

-Амандасу, танысу

-Жағымды психологиялық ахуал туғызу:

• Бір-бірімізді тыңдаймыз десек, 1 рет қол шапалақтаймыз.

• Ұйымшыл боламыз десек, 2 рет қол шапалақтаймыз.

• Белсенділік танытамыз десек, 3 рет қол шапалақтаймыз.

Сыныпты қалыпқа келтіру.

«Қызыл қалпақ» әдісі арқылы үй жұмысын сұрау.

Кері байланыс: Смайлик арқылы

Бүгінгі сабақта: мәтінді әңгімелегенде көркемсөзді қолдана аласың.

Психологиялық дайындық

Сабақтың ортасы

27 мин

№1-тапсырма: Осы пікірдің дұрыстығын дәлелде. Туған өлкем гүлдерменен көрікті. Өйткені

1. … (денсаулыққа пайдасы зор)

2. … (гүлдер табиғатқа көрік береді)

3. … (адамдарға керемет көңіл – күй сыйлайды)

Дескриптор: Оқушы өз пікірімен бос орындарды толтырады.

№2 – тапсырма: өлеңді тыңда, сен де мәнерлеп оқуға жаттық.

Дескриптор: Өлеңді тыңдайды, мәнерлеп оқуға жаттығады.

Автормен танысу айдары: Тұманбай Молдағалиев

Тұманбай Молдағалиев (1935 – 2011) Алматы облысы Еңбекшіқазақ ауданы Жарсу ауылында туған. Балаларға арналған «Жаңа дәптер» және т.б. өлең жинақтары бар. Халық арасында кең тараған «Құстар қайтып барады», «Шақырады көктем» әндерінің сөзін жазған.

Берілген көркемсөздерді қолдана отырып, өлеңді қарасөзбен айт. «көп гүлдер, ақ гүлдер, қызыл гүлдер, көк гүлдер, шоқ, отқа ұқсап, лүпіл.»

Дескриптор: эпитеттерді қолдана отырып өлеңді қара сөзбен айтады.

Бір нәрсенің айрықша сипатын анықтау үшін оны көркейтетін, айқындайтын бейнелі сөз қосылады. Бқл көркемсөз эпитет деп аталады.

Сергіту сәті

Би.

Жұптық жұмыс.

№4 – тапсырма. Өлеңнен гүлдерге қатысты көркемсөздерді табыңдар.

Дескриптор: берілген тапсырманы жұптасып орындайды.

№5 – тапсырма. Анаңа, ұстазыңа және досыңа сыйлайтын гүлдеріңе көркем – бейнелі сөздердің көмегімен сипаттама бер.

Дескриптор: тапсырма бойынша жұмыс жасайды.

Презентация 3

Оқулық 24 – бет

Презентация 5

Презентация 6

Презентация 7

https://www.youtube.com/watch?v=wXU9KHKB47w

«Гүлдер» өлеңі

Оқулық 25 – бет

Сабақтың соңы

Бекіту. Сұрақтарға жауап бер.

• «эпитет» дегеніміз не?

• Тұманбай Молдағалиев туралы не білесің?

• «Гүлдер» өлеңінен не түсіндің?

Дескриптор: тақырып бойынша сұраққа еркін жауап бере алады.

Кері байланыс: блоб ағашы

Үйге тапсырма:

• Гүл туралы 5 жол өлең құрастыру. (25 – бет)

Оқу іс-әрекет рефлексиясы:

«Бас бармақ» әдісі