Пәннің аты қазақ тілі

Уақыты:22.11.16ж

Кабинет:129

Мұғалім

Ажибаева Ф.Б

Сабақтың атауы

Тұрлаулы мүшелер

Мақсаты

Білімділік: оқушылардың тұрлаулы  мүшелер және  бастауыш  туралы білімдерін еске түсіру,  бастауыштың жасалу жолдарымен таныстыру, сөйлем  мүшесіне талдай  білуге  үйрету;
Дамытушылық:  жаттығуларды,  тапсырмаларды орындата  отырып, танымдық ізденушілік, есте  сақтау, ойлау, шығармашылық  қабілеттерін дамыту;
Тәрбиелік:   қазақ тілін құрметтеуге, өз тілін  терең түсініп, дұрыс, жүйелі түрде  сөйлей білуге баулу.
Сабақтың түрі: Аралас   сабақ.
Сабақтың  көрнекілігі: слайд, оқулық, сызбалар.
Сабақтың  әдісі: түсіндіру, сұрақ-жауап, дәптермен  жұмыс,  жаттығу  орындау;

Пәнаралық байланыс: әдебиеттік оқу, бейнелеу

Психологиялық ахуал 1мин

Біз балдырған баламыз,

Құстай қанат қағамыз.

Дүниені аралап,

Оқып білім аламыз.

Оқушылар шеңберде жиналып,мұғаліммен бірге бүгінгі сабаққа сәттілік тілейді.

1.Ұйымдастыру кезеңі - 10мин

Оқушылардың зейінін сабаққа аудару, оқу құралдарын түгендеу

2. Өткен сабақты пысықтау

1 - Сөйлем мүшелері дегеніміз не?

2 - Бастауыш дегеніміз не?

3 - Баяндауыш дегеніміз не?

4 - Бастауыштан кейінгі сызықша қай уақытта қойылады?

4. Жаңа сабақ - 5 мин

Ой қозғау.

- Балалар қазір күздің соңғы айы.

Сондықтан да күн суытып, қар жауып, борандар да басталады.

- Ал енді, мына екі сөйлемге назар аударыңдаршы. (оқыту)

Оқулықтағы тапсырмаларды орындау - 5 мин

60- жаттығу. Сөйлемдерді оқы. Олардың қандай ұқсастықтары мен өзгешеліктері бар?

1. Қар жауды.

2. Бүгін жапалақтап қар жауды.

Қар жауды. - Сөйлемнің тұрлаулы мүшелері. Ол бастауыш пен баяндауыштан тұрады. Тұрлаулы мүшелер сөйлемдегі негізгі ойды білдіреді.

Бірінші сөйлем тек тұрлаулы мүшелерден тұрса, екінші сөйлемде бастауыш пен баяндауыштан басқа да сөздер қолданылады.

Тұрлаулы мүшелер

Бастауыш

Қар Баяндауыш

жауды

5. Жаңа білімді меңгеру.

1.Ауызша жұмыс

61- жаттығу. Сөйлемдерді оқып, тұрлаулы мүшелерді тап. Неліктен тұрлаулы екенін түсіндір.

Мектепте асхана бар. Аспазшы тамақты дәмді пісіреді . Балалар үзілісте асханаға келді.

(Тұрлаулы мүшелер бастауыш пен баяндауыштан тұрады. Сөйлемдегі негізгі ойды білдіреді.)

2. Тақтамен, дәптермен жұмыс. 15-мин

62- жаттығу. Мәтінді тиісті тыныс белгілерін қойып көшіріп жазу. Мәтінге ат қою. Тұрлаулы мүшелердің астын сызу.

Балалар Ақлима әжейге көмекке келді. Қыздар үй тазалады. Ұлдар отын жарды. Ақлима әжей балаларға риза болды.

• Балалар осы мәтінге ат қояйық. Қалай қоюға болады?(Көмекшілер, Қамқорлық).

Сергіту сәті 3мин

Әуенге би қимылын жасату

Ой сергітеді,шаршағандары басылады

63- жаттығу. Мақалды жатқа жазу.

1. Әкеге қарап ұл өседі,

Шешеге қарап қыз өседі.

2. Жаман жолдас жолда қалдырады.

64-жаттығу. Сөйлемдерді оқып, мағыналық байланысына қарай ретімен айтып бер. Тұрлаулы мүшелерді тап.

1. Тырна түлкіге тамақ беріпті.

2. Құмыра түлкінің басына сыймапты.

3. Тырна түлкіні қонаққа шақырыпты.

• Бұл қай ертегіден алынған үзінді?

Қорытынды:

-Біз сабақта не туралы білдік?

Венн диаграммасы арқылы тұрлаулы мүшелердің ортақ қасиетін анықтау.

Үйге тапсырма

1мин

77-бет . 65- жаттығу

Сурет бойынша әңгіме құрау.Мәтінге ат қою.Тұрлаулы мүшелерді табу

Күнделіктеріне жазып беремін

Бағалау 2мин

Белсенділік танытқан оқушыларды атап, мадақтау.

Бағалау парақшасын толтырады.

Кері байланыс

1мин

• Нені білдіңдер?

• Нені білгілерің келеді?

• Нені білемін?

Смайликтерді өзі қалаған нұсқаға жабыстырады