Тұтықпасы бар балаларға арналған сабақ

Сабақтың тақырыбы : « Менің отбасым»

Сабақтың мақсаты: Тыныс алу жаттығуларын дұрыс жасауға үйрету. Алаңдатушылықты азайту,бұлшық еттерді босаңсыту. Өзін-өзі қадағалау. Мәнерлеп оқу,сөйлеу қабілетін дамыту. Сурет бойынша байланыстырып әңгіме құрастыру,сөйлеу тілін дамытып ,сөздік қорын байыту.Үлкендерді құрметтеуге тәрбиелеу.

Көрнекілігі :Тыныс алу жаттығулары көрсетілген суреттер,сөйлеу ережелері, тапсырмалар,отбасы мүшелерінің суреттері, мақал-мәтелдер,жұмбақтар.

Сөздік жұмыс: ата,әже, әке, ағасы,іні-қарындасы.

Ұйымдастыру бөлімі:

Бой сергіту жаттығулары

(мазмұнына қарай қимыл жасату)

Орнымыздан тұрайық

Қолымызды белге қояйық.

Бұрыламыз оңға бір.

Бұрыламыз солға бір.

1,2,3(мұрынымен дем алып)

Демімізді алайық!

Негізгі бөлім:

Тыныс алу жаттығулары

1.«Түрлі-түсті фонтан»Өзін түрлі-түсті су фонтаны екенін елестетіп 3-5 дыбыстарды айтады (а,о,у,э,и )

2. «Кім ұзақ»а,ао,ау, аэ,аы,аоу,аоэ,аоы,аоуэ

аоуы,аоуы ,о,оа,оу,оэ,оы,оау,оаээ

3. «Шырақты өшіру» .Мұрынмен дем алып, ауызбен демді күшпен үзілмелі фуууу дыбыс тіркесін айтып шығару.

Артикуляциялық жаттығулар:

«Алтыбақан»

Мақсаты:Тілдің қалпын тез өзгерте білу дағдысын қалыптастыру.

Қысқаша сипаттамасы: жымиып, тістерін көрсетіп,ауызын ашып, жалпақ тілді жоғарғы тіс артына , содан кейін астынғы тістердің артына орналастыру керек.

«Саңырауқұлақ»

Мақсаты: тілді жоғары ұстауын үйрету, тіл асты сіңірін керу.

Қысқаша сипаттамасы:ауызды кең ашып, жалпақ тіл үшын таңдайға жапсырып ұстау.

«Сылақшы»

Мақсаты: тілді жоғары көтеріп үйрету, елгезектігін жаттықтыру.

Қысқаша сипатамасы: жымиып,ауызын ашып, тілді алға-артқа қозғалтып , тілдің ұшымен қатты таңдайды сылау.

Мимикалық жаттығулар.

«Қуану»;

«Ашулану»;

«Таңқалу»;

«Қорқу».

Дұрыс сөйлеу ережесін қайталау:

-Сөйлегенде асығыстық жасама.

-Әрдайым деміңді шығарып сөйле.

-Әр сөйлем соңынан үзіліс жаса.

Жеке тіл түзету жұмысы .

Суреттпен жұмыс.

« Менің отбасым»

• Отбасы дегеніміз кім?

• Сенің ата-анаңның аты-жөні кім?

• Олар қайда және кім болып жұмыс істейді?

• Отбасында тағы кімдер бар?

-Сендер жұмбақ шешкенді жақсы көресіңдер ме?Мен сендерге жұмбақ

жасырамын,ол кім туралы екенін шешіңдер?-Жер бетіндегі ең әдемі,ақылды сендерге өте қымбат адам.(Ана).

Д/о «Кім тез табады»?

-Отбасы туралы мақал білесіңдер ме? «Әке көрген оқ жонар,шеше көрген тон пішер».

Ж оғары

Орта

Т өмен дауыспен 3 рет айтып қайталау.

-Кім өзі туралы әңгіме айтады?

Ойын: «Сыйқырлы қолғап»

Бас бармағым – атам, үйдің данасы,

Балаң үйрек - әжем, ошақ анасы,

Ортан терек - әкем, отау панасы,

Шылдыр шүмек – анам, шаңырақ ажары,

Титтей бөбек – мен, бәрінің базары.

Күтілетін нәтиже: Баланы тұтықпай сөйлеуге үйрету.Бала өз-өзіне сенімді ,сергек,көңілді болу.

Білуі тиіс:.Тыныс алу жаттығуларын. Дұрыс сөйлеу ережелерін.

Жасбуын жалпы білім беретін орта мектебі»

коммуналдық мемлекеттік мекемесі

Ашық сабақ

Сабақтың тақырыбы: : « Менің отбасым»

( тұтықпасы бар балаларға арналған сабақ)

Өткізген : логопед Смагулова Жанар Жұмсаққызы