"Ұбт дайындығына топ"

ҰБТ дайындығына ТОП-5 кеңес

ҰБТ-балалықтан үлкен өмірге қадам жасауға арналған кішігірім сынақ.Көпшілігі сол сынақтан сәтті өтсе, ендігісі сүрініп жатады. ҰБТ-дан қалай жақсы ұпай алуға болады?

Қазіргі заман Елбасы айтып өткендей бой жарыстыратын емес,ой жарыстыратын заман.2021 жылғы көптеген талапкермен сұқбаттаса отырып, онлайн тестілеудің пайдасы мен зиянын зерттедік. Арнайы болашақ түлектер үшін ҰБТ дайындығына ТОП-5 кеңес дайындадық. Ең біріншіден сізге жүйелі дайындық қажет. 10 сыныптан бастап өзіңіздің таңдау пәндеріңізге назар қойып,дайындықты бастаңыз. 11 сыныпқа аяқ басқан сәттен қосымша білім курстарына қатысқаныңыз жөн. Курстарды да жақсылап зерттеп,өзіңізге пайдалысын ғана таңдағаныңыз абзал. Екіншіден,жаман ойдан арылыңыз. «Сонша оқып,грант жеңіп ала алмай қалсам не болмақ?» деген ойларды санадан шығарыңыз. Мұндай ойлар сіздің ҰБТ барысында жүргізіліп жатқан дайындығыңызға кедергі келтіреді. Егер сіз білімді болсаңыз міндетті түрде жоғарғы бал жинайсыз.Үшіншіден,өзіңізді сынау үшін түрлі байқау сынағын тапсырып, нағыз атмосфераны сезініңіз. Олар ақылы болса да тапсырып,өз деңгейіңізді көріңіз.Нәтиже төмен болса дайындықты күшейтіңіз. Төртіншіден,ҰБТ-ге «смартфон,шпор сынды бөгде заттарды алып кіремін» деп ойламаңыз. Заңға қайшы заттарды алып кірсеңізде «қалай қолданамын?» деген алаңдаушылықтан жаттағандарыңызды ұмытып,нәтиже төмен болу ықтималдығы жоғары! Бесіншіден, тестілеу кезінде білмейтін сұрақтарды тастап, өзіңізге сенімді сұрақтарға жауап беріңіз. Сынақтан өту барысында миыңыз тынық кезде жаттанды тарих сұрақтарына жауап беруіңіз тиімдірек. Одан соң ғана келесі пәндерге көшуге кеңес береміз.

ҰБТ дайындық барысында біздің кеңестерге құлақ түре жүріңіз. Сізге тек сәттілік тілейміз!Еліміздің болашағы-білімді жастар қолында! Сондықтан да талмай білім алып,ел ертеңі үшін аянбай қызмет етейік қадірлі оқырман!