ҰБТ-ға психологиялық тренингтердің элементтері арқылы дайындау.

Мақсаты:Оқушылардың ҰБТ-ға психологиялық даярылығын тексеру.Оқушылардың қарым-қатынастарын нығайту.

Түрі: тренинг жаттығулар

Қолданатын материалдар: шар,орындық

І. Ұйымдастыру.

1.Оқушылармен танысу,амандасу.

2.Зейіндерін тақырыпқа шоғырландыру.

Құрметті түлектері, сіздер Қазақстанның болашағысыздар, болашақ бүгіннен басталады! Сіздер кеше ғана бүлдірішін бала, қызыл шақа балапан болсаңдар, міне бүгін дүбірлі додаға қатысуға дайын, жарауы жеткен сайгүліктей ауыздықпен алысып тұрсыңдар. Алдарыңда үлкен болашақ, ұлы мақсат, міндет күтіп тұр. Асар белестерің, шығар биіктерің көп болсын. Кім еңбектенсе, соның бағы жанады. Халқымыз айтпақшы «Талаптыға нұр жауар!» деген емес пе? Бақтарың жансын.

ІІ.Жұмыстың барысы:

Жаттығу: «Танысу»

Нұсқау: Оқушылар шеңбер бойымен тұрады. Оқушы өзінің атын атайды келесі тұрған оқушыға қарап,ал келесі оқушы өзінің атын атайды да алдында тұрған адамның атын атайды.

Жаттығу: «Амандасу»

Мақсаты: амандасу арқылы оқушыларды сабаққа бейімдеу.

Нұсқау: оқушылар ойын алаңында бейберекет бағытта жүре отырып, бір- бірімен жүргізушінің нұсқауымен үш тілде амандасады. Бір шапалақ ұрғанда- қазақ тілінде, екі шапалақ ұрғанда- орыс, үшінші рет шапалақ ұрғанда- ағылшын тілінде. Жүргізушінің нұсқаумен қолмен, содан соң шынтақпен, шынашақ саусақпен, құлақпен, тіземен, иықпен, т.б. амандасады.

Жаттығу: «Аутотренинг формуласы».

Нұсқау: Көздеріңізді жұмып, ыңғайланып отырыңыз. Арқаңызды тік ұстаңыз, алақандарыңызды тізеге қойыңыз. «Мен сабырлымын» формуласына ойыңызды жинақтаңыз.

«Менің оң қолым ауыр» -деп 5-6 рет ойша қайталаңыз.

Қайтадан «Мен сабырлымын» формуласына ойыңызды жинақтаңыз.

Содан кейін «Менің сол қолым ауыр» -деп 5-6 рет ойша қайталаңыз.

Қайтадан «Мен сабырлымын. Мен дайынмын, мен жинақымын. Мен өзіме сенімдімін ! » формуласына ойша қайталаңыз.

Денеңізді қалпына келтіру үшін, жұдырықтарыңды түйіңдер де, бірнеше рет терең тыныс алыңыз.

Анализ: Жаттығуды орындау қиын болды ма?

«Ақ тілек »

Шардың ішіне түрлі тақырыпқа байланысты тілектер жазылады.

Қатысушы оқушылар өзіне ұнаған шарды таңдап алып, оны жарады. Шар ішіндегі тілекті оқиды.