Тақырыбы: «Үй жануарлары»
Мақсаты: Балаларға үй жануарлары туралы білімдерін толықтыру, олардың пайдасы маңызы, туралы түсінік беру. Олардың түрлерін бір – бірінен ажыратуға, айтқандай зейін қойып тыңдауға үйрету. Сұрақ – жауап, жұмбақ шешу арқылы тіл байлықтарын дамытумен бірге олардың бізге тигізер пайдасын айтып, ұлттық тәрбие негізін еңбексүйгіштікке тәрбиелеу.
Тәрбиелік: Үй жануарларына қамқорлық жасау.
Әдіс - тәсілі: Сұрақ - жауап, түсіндіру, көрсету
Көрнекілік: Үй жануарларының суреттері, слайд

Тәрбиеші:
Балалар, «Амандасу - адамгершіліктің, әдептіліктің баспалдағы»
сондықтан да, алдымен қонақтармен амандасып алайық.
Сәлеметсіздер ме!,

Білер қазақ баласы
Сәлем сөздің анасы
Көп танысты көреміз
Алдымыздан кезіккен
Бәріне де ізетпен
Иіліп сәлем береміз
- Балалар, қазір жылдың қай мезгілі?
- Күз мезгілінде неше ай бар?
- Қүз мезгілінде қандай өзгерістер болады?
- Өте жақсы. Жарайсыңдар!

Әли мен Аядан хабарлама келеді.

Тәрбиеші: Балалар бізге кім хабарласты?

-Әли мен Аия

-Оларға қандай көмек керек екен?

-Үй жануарларын жайғауға.

-Сендер үй жануарлары туралы білесіңдер ме?

-Оларға нелер жатады?

-Сиыр, жылқы, қой, түйе.

Видео ролик көрсету.

-Суретпен жұмыс

Жануарлардың тіршілігі жайлы айтып түсіндіру.
- Балалар, тыңдаңдаршы, нелердің даусы?
- Дұрыс айтасыңдар, балалар, осы сиыр, қойды үй жануарлары деп атайды. Үй жануарларына сонымен бірге жылқы, түйе, ешкі жатады.
- Балалар, сендерді ата - әжелерің қандай сөздермен еркелетеді?
- Балалар: Ботақаным, қозым, құлыным, еркем, кішкентай лағым, қошақаным.
Сендерді ата - әжелерің жақсы көріп, сүйкімді жануарлардың аттарымен еркелетеді екен, қандай тамаша!
Мұғалім: Балалар, осы сүйкімді жануарлар төрт түлікке жатады. Олар: түйе, жылқы, сиыр, қой, ешкі. Түйенің баласы - бота, сиырдың баласы - бұзау, қойдың баласы - қозы, ешкінің баласы - лақ, жылқының баласы - құлыншақ. Халқымыздың байлығы да, берекесі де осы малдар. Адамға пайдасы өте көп. Сүтін ішеміз, етін жейміз, киім қыламыз. Сиырдың, қойдың, сүтінен май, құрт, айран, ірімшік жасайды. Адамдар да оларға қамқорлық көрсетеді. Бағады, шөп, жем, су береді, сауады, көптеген күтім жасайды. Үй жануарлары өздері күн көре алмайды. Ата бабамыздан келе жатқан қасиетті жануарларды өте жақсы көрген, күтіп, қасиеттеп қараған.
Жарайды, балалар ендеше мен сендерге жұмбақ жасырайын шешуін кім табады екен?
Кішкене ғана бойы бар
Айналдырып киген тоны бар.
(Қой)
Қане, балалар ендеше қойдың дыбысын салыңдаршы.
Балалар: Қой - мә - мә маңырайды
Ой, бәрекелді балалар жарайсыңдар!

Екі айнасы бар
Екі найзасы бар
Төрт жылтырмағы бар
Бір шыпыртқысы бар
(Сиыр) Сиыр - мө - мө мөңірейді

Екеуі елеңдеп келеді
Төртеуі төбелесіп келеді
(Жылқы) Жылқы - е - е - е кісінейді
(Слайдтан көрсету) Дыбыстарын тыңдату.
Машинаға отырып барамыз

Әли мен Аия көмек сұрайды. Қыздар сиыр сауып, құрт жасап, жұмыртқаны тереді.Сиырды қалай сауады? Екі қолды ашып жұмамыз. Құртты жасау үшін сүзбенің кішкене бөлігін алып екі алақанның ортасына салып, айналдырамыз. Ал жқмыртқа тергенде түстері мен сандарына мән береміз.

Ал ұлдар сиыр мен қойдың төлдері жоғалып кеткен екен. Соны табуға көмектесеміз. Шөптерді жинаймыз.
Балалар енді әр топқа бөлініп отырып жұмыс жасаймыз.

Сергіту сәті

Құлыншақ

Балалар енді үстелге отыра қойыңдар. Жылқы жүрген кезде қандай дыбыс шығарады? Артикульяциялық жаттығу

Жәймен асықпай, кейін жылдамдатамыз.

Қайталаймыз.

Балалар енді Жылқы қалай кісінейді екен?

Мұрнымызбен ауаны жинап аламыз, ауызбен шығарамыз. Тыныс алу жаттығуы.

Атаи мен әже келеді.

Ой мұнда балалар көп екен. Қонаққа келдіңдер ме?

Жоқ көмекке келдік.

-Көмекке кім шақырды?

-Әли мен Аия

-Не жасадыңдар? Балалар жауап береді

- Балалар, сонымен үй жануарларына нелер жатады?
- Үй жануарларының төлдерін не деп атаймыз?
- Жылқы малы қандай өнім береді екен?
- Сиыр бізге кандай өнімдер береді екен?
- Малдың дыбысталғанын қалай атайды?
Жылқы - кісінейді
Сиыр - мөңірейді
Қой, ешкі - маңырайды
Түйе - боздайды.
Қане, балалар орнымыздан тұрып келген қонақтармен қоштасайық
Біз ақылды баламыз
Айтқан тілді аламыз
Бүгінгі келген қонаққа
Сау болыңыз деп, айтамыз.