Білім беру саласы: «Қатынас»

Ұйымдастырылған оқу іс-әрекеті: Тіл дамыту

Тақырыбы:Үй құстары, үй жануарлары

Мақсаты:Үй жануарлары мен үй құстары туралы және олардың адамға келтіретін пайдасы туралы түсініктерін қалыптастыру.Еңбекқорлыққа баулу.

Барысы:

Шаттық шеңбері

Қуанамын мен де,
Қуанасың сен де.
Қуанайық достарым,
Арайлап атқан әр күнге.

Өлең жолдарын қайталату

Қызығушылықтарын ояту.
- Балалар мен бүгін балабақшаға келе жатып бір сандық тауып алдым. Ол жай сандық емес, сиқырлы сандық екен. Бұл сандықтың ішіне жануарлар мен құстарды сиқырлап салып қойыпты. Оларды құтқару үшін біз сендермен жұмбақтар шешуіміз керек. Егер жұмбақтардың жауабын дұрыс тапсаңдар, жануарлар мен құстарды сандықтан босатады.
(әрбір жауаптағы жануарлардың суретін шығарып тақтаға ілу)

Ал, енді балалар сендермен жұмбақтар шешіп көрейік.
1. Кезікті бір жануар,
Үстінде екі тауы бар. Түйе.
2. Құлды екен әр шаруа,
қазығына құт байлап.
Қанша құйып алсаң да,
сарқылмайды сүт – қаймақ. Сиыр.
3. Көкке шаншып құйрығын,
келеді шауып жүйрігім. Жылқы.
4. Кішкене ғана бойы бар,
айналдырып киген тоны бар. Қой.
5. Желп – желп етіп сақалы,
қолыңнан дәм татады. Ешкі.
Балалар бұлардың барлығын бір сөзбен қалай атаймыз
Олар қайда мекендейді?
Олар немен қоректенеді?.
Өте жақсы, балалар біздер бүгін сиқырлы сандықтан үй жануарлары мен үй құстарын құтқардық. Сендерге рахмет айтып жатыр.
Сонымен бүгінгі оқу қызметіміздің тақырыбы үй жануарлары мен үй құстары.
Сергіту сәті.

Лағым,лағым лағым-ау,

Селтеңдейді құлағын.

Селтеңдетпей құлақты,

Енді балалар дәптеріміздегі тапсырманы орындайық.
(дәптерде бейнеленген жануарлардың ішінен үй жануарлары мен үй құстарын тапқызу. Оларды бояту).
«ТӨЛДЕРІН ТАП» дидактикалық ойын.
Балалар үй жануарлары мен үй құстарының бізге тигізер пайдасы өте көп екен. Енді балалар осы үй жануарлары мен үй құстарына арналған тыйым сөздер де бар.
1. Малды ұруға болмайды.
2. Ақты төкпе.
3. Малға теріс мінбе.
4. Құстардың ұясын бұзба.

Қорытындылау

Үй жануарларын атайықшы

Қандай үй құстарын білесіңдер ме?

Үй жануарлары мен үй құстарының пайдасы барма?
Балалар, бүгінгі сабаққа жақсы қатысқан балаларға сыйлығымыз бар. сыйлыққа сиқырлы жұмыртқаларын алып келіпті
Күтілетін нәтиже: үй жануарлар мен үй құстарын қамқор болу.

Білуі тиіс.үй құстары мен үй жануарладың тіршілігі туралы

Түсінігі: Үй құстары мен үй жануарлардың әрқайсысының қасиеттері өздеріне тән.