Үйірме жетекшісінің есебі

Үйірме жетекшісі :Мукушева Лаура Мадияровна

қазақ тілі мен әдебиеті пән мұғалімі

Білімі:жоғары.

Санаты:жоғарғы.

Еңбек өтілі: 29 жыл.

Үйірме атауы:  «Поэзия әлемі». 8,10-сынып оқушыларына арналған

Жылдық жүктеме - 34 сағат.

Апталық жүктеме - 1 сағат.

Жүргізу мерзімі сейсенбі 14.00-15.00.

Білім беру жүйесінің талаптары бойынша қазақ әдебиетін оқыта отырып оқушылардың рухани дүниесін байытып, оларға азаматтық, адамгершілік, елжандылық, көркемдік-эстетикалық тәрбие беру және олардың ой-өрісін кеңейтіп, ауызша сөйлеу мен жазба тіл мәдениетін қалыптастыру көзделеді. Көркем шығарманы оқып-талдау арқылы оқушылар халқымыздың ұлттық құндылықтарын сөз өнері тұрғысынан қабылдауға қажетті білім, білік дағдыларымен қаруланады.Қазіргі ақпараттық технологиялар дамыған заманда көркем шығармаға қызығушылық азайып, оқушылардың оқу белсенділігі төмендеп келеді. Ең алдымен мұғалімдер оқушылардың оқуға қызығушылығын арттырып, әр түрлі оқытудың жаңа технологияларын тиімді пайдаланып, адамның рухани құндылығын арттыратын поэзиялық шығармаларды өз бетімен оқуға ізденуге тәрбиелеуі тиіс. Осындай өзекті мәселелердің шешу жолының бірі ретінде осы бағдарлама ұсынылды. Аталған бағдарламада белгілі ақындардың поэзиясын тереңірек оқытуға және оларды мәнерлеп оқу дағдысын жетілдіру көзделіп отыр.Бағдарлама жалпы білім беретін мектептердің 8,10-сыныбына арналған. Бұл бағдарлама Қазақстан Республикасының Парламенті бекіткен «Білім туралы» Заңының, Қазақстан Республикасының «Білім» бағдарламасының, Мемлекеттік білім стандартының талаптарын ескере отырып жасалды.

Көркем поэзияны оқыта отырып, заманға сай белсенділік көрсете алатын, халқымыздың тарихын, дәстүрін, өнерін, әдебиеті мен мәдениетін ұлттық құндылық ретінде бағалап, құрметтей білетін, оқырмандық талғамы терең, жан-жақты дамыған дара тұлға қалыптастыру көзделеді.

Үйірменің басты мақсаты: жаңа ақпараттық технологияларды қолдану арқылы оқушыларды қазақ ақындарының өлеңдерін мәнерлеп оқуға дағдыландыру;Оқушыларды аудандық,облыстық,республикалық ,халықаралық сайыстарға қатыстыру .

Жалпы сабақ беретін сыныптар бойынша қабілеттеріне қарай іріктеліп алынған оқушылар бар.Бірнеше оқушы ақындар өлеңдерін үздіксіз жаттап,қатарынан екі жыл аудандық сайыстарға қатысып,жүлделі І-ІІ орындарды иеленді.

«Ғасырлар үні» ІҮ аудандық байқау –фестиваліне қатысып,төртеуі бірдей «Гран-При» мен жүлделі І ,ІІ,ІІІорынды иеленді. Келесі кезекте оқушылар «Абай», «Махамбет» оқуларына дайындалуда.Сонымен қатар оқушылар жыл көлемінде шығармашылық сайыстарды құр жібермейді.Жалпы үйірме жұмысы алдына қойған мақсаттарын бағындырып келеді.

Үйірме жетекшісі :қазақ тілі мен әдебиеті пән мұғалімі Мукушева Л.М.