Үйшік ертегісі

Білім беру саласы:Коммуникация

ҰОҚ: Драма

Тақырыбы: «Үйшік» ертегісін сахналау

Мақсаты:

Білімділік:Ертегінің мазмұнын түсіндіру арқылы сөздік қорын, сөйлеу мəдениетін,

ойлау қабілетін дамыту, сахналау барысында жағымды-жағымсыз

кейіпкерлердің бейнесіне еніп, олардың мінез-құлқын келтіру.

Дамытушылық: Түрлі дауыс күшін қолдана білуді жетілдіру, үйлесімді қимылды

дамыту, кейіпкердің ерекшеліктерін беру үшін мəнерлілік құралдарын

қолдану;

Тәрбиелік: Балаларды достыққа, татулыққа тəрбиелеу.

Алдын ала жұмыс: «Үйшік» ертегісін оқу, кейіпкерлердің атрибуттарын дайындау,

тіл ұстарту жаттығуларын қайталау.

Қолданылатын көрнекі құралдар: Атрибуттар, ертегі суреттері, əліппе-дəптер.

Сөздік жұмыс: үйшік, алаңқайда.

Билингвальді компонент: Тышқан–мышь, құрбақа–лягушка, қоян–заяц, түлкі–лиса,

аю–медведь.

Барысы:

І. Ұйымдастыру кезеңі:

-Шаттық шеңберінде тұрып «Кубизм тәсілі» арқылы сұрақтарға жауап береді.

-Мен қазір сендерге сұрақ қоямын. Қолымдағы текшені лақтырамын, қағып алған бала менің сұрағыма жауап береді де, текшені өзіме қайта лақтырады.

-Балалар, біздерге көптеген қонақтар келіпті, алдымен қонақтармен амандасып алайық.

-Бір жылда неше мезгіл болады?

-Жыл мезгілдерін атап бер.

-Қазір жылдың қай мезгілі?

-Күз мезгілінде неше ай болады?

-Күз мезгілінің айларын атап бер.

-Күз мезгілінен кейін, қай мезгіл келеді?

-Бір аптада неше күн болады?

-Апта күндерін атап бер.

-Текшені қағып алған бала сұраққа толық, нақты жауап береді.

ІІ Негізгі кезең:

-Жарайсыңдар балалар, өте жақсы. Орындарыңа отырыңдар.

-Балалар, бізге драма оқу қызметі болады.

-Драмада не туралы айтылады?

-Драмада ертегілер, әңгімелер туралы айтылады.

-Балалар бізге қонақ келе жатыр, кім болды екен?

-Айару:Саламатсыңдар ма, балалар. Мен сендерге драма оқу қызметінде күнделікті

тапсырма жіберетін Айарумын. Мен сендердің білімдеріңді тексеру үшін

бірнеше тапсырма алып келдім.

-Балалар Айарумен амандасады.

-Айару:Менің қолымдағы қоржында не бар екен, қане бәріміз бірге қарайық.

-Қоржыннан әртүрлі жануарлар шығады.

-Айару:Осыларды бір сөзбен қалай атаймыз?

-Жабайы жануарлар деп атаймыз.

Айару: Осы Жануарлардың қимылы мен дауысын кім салып береді?

-Балалар қоржыннан шыққан жануарлардың қимылы мен дауысын салып береді.

-Қараңдаршы балалар! Бір жылаған дыбыс шығады. Ол кім балалар?

-Ол, Бақа, Бақа!

-Саламатсыңба, Бақа сен неге жылап тұрсың?

-Бақа: Саламатсыңдар ма, балалар! Мен мына ертегі кейіпкелерін құрастыра алмай

тұрмын. Сендер көмектесе аласыңдар ма?

-Әрине, біздің балалар көмектеседі.

-Балалар қуанып келіседі.

-Д/ойын: «Ертегіні құрастыр»

-Бақа: Ой, рахмет балалар! Қандай керемет!

-Балалар қандай ертегі құрастырылды?

-Ертегіде қандай кейіпкерлер болады екен?

-Бізге бұл «Үйшік» ертегісін өткен оқу қызметінде Ерден атай жіберген. Бізге бұл ертегі таныс.

-Кім маған осы ертегіні әңгімелеп береді?

-Балалар кезекпен «Үйшік» ертегісін әңгімелеп береді.

-Билингвальді компонент: Тышқан – мыш, құрбақа – лягушка, қоян – заяц,

түлкі – лиса, қасқыр-волк.

-Айару: Балалар енді мен сендерге тапсырма беремін.

-№1 тапсырма: «Артық кейіпкерді тап».

-Шарты:Мен сендерге «Үйшік» ертегісіндегі кейіпкерлер бейнеленген сурет беремін.

Сол суреттердің арасынан артық кейіпкерлерді табасыңдар.

-Слайдтан көрсетіледі.

-Сергіту сәті: Слайд арқылы әуенмен бойларын сергітеді.

-Айару:Енді мен сендерге екінші тапсырмамды беремін.

-№2 тапсырма: Тілұстарту жаттығуы.

-№3 тапсырма: «Кім бірінші келді?»

-Шарты: «Үйшік» ертегісінде бірінші келген кейіпкерді сары түспен, ал ең соңынан келген кейіпкерді көк түспен белгілеңдер.

-Слайдтан көрсетіледі.

-Ендеше балалар, осы ертегіні сахналайық.

-Балалар арсынан кейіпкерлер сайланып, «Үйшік» ертегісі сахналанады.

ІІІ Рефлексия:

-Балалар Бақамен және Айарумен қоштасады.

-Қорытынды.

-Мадақтау.

«Тексерілді»

Балабақша әдіскері

____________Днекешова Н.М

«______»_______2020_ж.

Тақырыбы: «Үйшік» ертегісін сахналау

Тәрбиеші: Адилгереева Н.С

2020ж.