ұйымдастырылған оқу қызметі "Байланыс құралдары"

Ұйымдастырылған оқу қызметі

Күні: 23.11.2020ж.

Тобы: Балбөбек

Білім беру саласы: «Әлеумет»

Ұ.О.Қ.: «Қоршаған ортамен таныстыру»

Тақырыбы: «Байланыс құралдары»

Мақсаты: Байланыс құралдарының қазіргі замандағы рөлімен таныстыру.Байланыс құралдаы мен ақпарат құралдарының айырмашылығы мен ұқсастығын таба білу,байланыс құралдарының қызметтері туралы түсініктерін кеңейту.Адамдармен телефон арқылы қарым-қатынас жасау барысында әдептілікті сақтауға,мәдениетті болуға,дұрыс жауап беруге баулу.

Әдіс-тәсілдер: жұмбақ, түсіндіру, сұрақ-жауап, ойын.

Көрнекіліктер: мазмұнды суреттер, нағыз телефон, микрофон

Билингвальды компонент:байланыс құралдары – средство связи, ақпараттық құралдар – средства информаций

Ұ.О.Қ. барысы

Ұйымдастыру кезеңі:

«Сымсыз телефон» ойыны

Шарты: бастаушы бір баланың құлағына бір сөз сыбырлап айтады, ол бала жанындағы балаға сыбырлап, басқаларға естіртпей айту керек.

Негізгі кезең:

Балалар мен сендерге жұмбақтар жасырайын, ал сендер сол жұмбақтардың шешімін табуға тырысыңдар.

1.Бар екен бір терезе ғажап үйде,

Кино болар терезеден күнде-күнде.

2.Айтқан сөзді сыбырлап осы жерде,

Естіп алар бір құлақ алыс елде.

3.Жазуы бар ақ парақ қанат қақты,

Жеткізеді әлемдегі жаңалықты.

-Алыс жердегі адамдар бір-бірімен қалай хабарласады?

-Дұрыс айтасыңдартелефон арқылы хабарласады. Ал хатты қалай жібереді?

-Әрине дұрыс айтасыңдар хатты пошта, телеграф, интернет желісі арқылы жібереді.

-Әлемде болып жатқан оқиғаларды, жаңалықтарды қалай білеміз?

-Дұрыс айтасыңдар, теледидар, радио, газет, интернет және тағы да басқа ақпараттық құралдар арқылы біліп отырамыз.

Сергіту сәті:

Ал балалар тұрайық,

Үлкен шеңбер құрайық.

Алақанды ұрайық.

Бір отырып бір тұрып,

Демімізді алайық.

Д/О: «Телефон»

Шарты: екі бала ойыншық телефон тұтқасымен бір-бірімен сөйлеседі. Мысалы:

-Сәлеметсің бе, Алма?

-Сәлеметсің бе, Аружан?

-Ертең мен анаммен хайуанаттар бағына барамын. Сен бізбен барасың ба?

-Анам рұқсат берсе, барамын...

Рефлекциялық түзетушілік:

-Қандай байланыс құралдарымен таныстық?

-Олар не үшін қажет?

Күтілетін нәтиже:

Білуі: байланыс құралдарының қажеттілігін, олардың жалпы қызметін;

Меңгеруі: қазіргі заман технологиясының даму жолдарын.

Игереді: ақпараттық байланыс құралдарын ажырата алады,қажет телефон нөмірін жащуды;

Тәрбиеші: Р.Акимбекова

Әдіскер: __________________