Тақырыбы: « Ғажайып табиғат»

Өткізу формасы: Ашық ұйымдастырылған оқу қызметі

Білім беру саласы: Коммуникация, Денсаулық, Таным, Шығармашылық, Әлеумет

Бөлімі: Сөйлеуді дамыту, Қарапайым математикалық ұғымдарды қалыптастыру, Апликация, Қоршаған ортамен таныстыру

Мақсаты:

Білімділік: көктем мезгіліндегі табиғи құбылыстарды, өсімдіктер мен жануарлардағы өзгерістерді бақылап ажырата білуге үйрету.

Дамытушылық-түзетушілік: артикуляциялық моторикасын, тыныс алуын, логикалық ойлауын, сөйлеуін саусақ моторикасы арқылы дамыту.

Тәрбиелілік: Балаларды табиғатты қорғауға, қамқорлық жасауға тәрбиелеу.

Әдіс-тәсілдер: Түсіндіру, әңгімелеу, көрсету, сұрақ-жауап, мадақтау, қорытындылау.

Заттың даму ортасы:суреттер, слайд, фетр, лэпбук.

Ұйымдастырылған ашық оқу қызметінің барысы

Балалар залға музыка әуенімен кіреді.

Мотивациялық қозғаушылық

Шаттық шеңбері:

Қайырлы таң, Алтын күн!

Қайырлы таң, Көк аспан!

Қайырлы таң, Достар!

Қайырлы таң, Қонақтар!

Ұйымдастырушылық ізденістік

Педагог: Балалар, мен сендерге жұмбақ жасырғым келіп тұр. Сендер жауабын тауып көріңдерші!

Күн күркіреп,

Жаңбырлатып ойнайтын,

Қай мезгіл деп ойлайсың!

Балалар: Көктем.

Педагог: Дұрыс айтасыңдар. Ендеше көктемде жылу беретін, шуағын шашып тұратын, жарқын бейне не екен?

Балалар: Күн.

Педагог: Жарайсыңдар, бірақ балалар біздің күніміз бұлт арасынан шыға алмай тұр екен! Қане күнге көмектесіп бұлттарды ұшырайықшы!

Тыныс алу жаттығуы: «Бұлттарды ұшыру» Мақсаты: балалардың тыныс алуын дамыту.

Педагог: Балалар, сендер көктемнің қандай ерекшеліктерін білесіңдер? Көктемнің әр ерекшелігі ойындармен берілген. (Фетрмен көктем туралы әңгіме құрау)

Балалар: Көктем келді. Күн жылынды.

Тіл жаттығуы: «Тіл серуені».

Педагог: Көктемнің тағы қандай ерекшеліктерін білесіңдер?

Балалар: Құстар жылы жақтан ұшып келді.

Балалар: Жәндіктер мен жануарлар ұйқысынан оянып, тіршілігін бастады.

Саусақ жаттығуы: «Қарға»

Дидактикалық ойындар: 1.«Жәндіктерді гүлге орналастыр» Мақсаты: Әр жәндікті түстеріне қарай гүл шоғырына орналастыу және санау.

2.« Тығылған жануарды тап» Мақсаты: Тығылып тұрған жануарларды тауып, атын атау.

3.«Құйрығын тап». Мақсаты: Берілген жануарлардың құйрығын тауып, бау арқылы жалғау.

Педагог: Жарайсыңдар, балалар көктемде жаңбырдан соң не шығады?

Балалар: Кемпірқосақ.

Дидактикалық ойын: « Кемпірқосақ» Мақсаты: Жаңбыр тамшыларын кемпірқосаққа түстеріне қарай жапсыру.

Тіл ұстарту:

Ян-ян-ян-секеңдеген қоян

Ю-ю-ю-қорбаңдаған аю

Кі-кі-кі-айлакер түлкі

Қыр-қыр-қыр-бұл көкжал қасқыр

Қорытындылау:

Педагог: Балалар, бүгінгі оқу қызметінде қандай жаттығулар мен ойындар ойнадық?

Балалар: Тіл жаттығуы, саусақ жаттығуы, тыныс алу жаттығуын жасадық. Жануарлардың тығылған жерлерін, құйрығын табу ойынын ойнадық.

Педагог: Жарайсыңдар, балалар бүгінгі оқу қызметіне жақсы қатыстыңдар, сол үшін сендерге арналған сыйлығым бар.

Күтілетін нәтиже:

Біледі: Көктем мезгілі туралы

Игереді: Көктем мезгілінің ерекшеліктерін

Меңгереді: Әңгіме құрастыра білуді

№10 «Наурыз» бөбекжай - бақшасы

Ұйымдастырылған ашық оқу қызметі

Тақырыбы: «Ғажайып табиғат»

Логопед: Есимова Г.Р.