№22 «Балдырған»МДҰ

Бекітемін:

№22 «Балдырған»МДҰ

меңгерушісі:

Жолшибаева Ж.С.

Ашық сабақ

Музыка әлеміне саяхат

Өткізген:Балмағанбет А.Т

2021 жыл

Білім беру саласы: Шығармашылық саласы;
Ұйымдастырылған оқу іс - әрекетінің түрі: Музыка
Тақырыбы: «Музыка әлеміне саяхат!»
Мақсаты: Балалардың ноталарды тануын, музыкалық аспаптарға деген қызығушылығын ояту, оларды дыбысынан ажырата білуге және музыкаларды тыңдау арқылы эстетикалық талғамдарын, музыканы қабылдау деңгейін дамытуға, мінезіне қарай ажырата білуге үйрету.
Көрнекіліктер: Музыкалық аспаптар, аспаптардың суреттері, ноталардың суреттері, музыка әлеміне саяхатқа баратын ноталардың суреттері салынған пойыз.

I.Ұйымдастыру кезеңі.

а)Амандасу

ә)Шаттық шеңбері

II.Іздену-ұйымдастырушы кезеңі.

III.Негізгі бөлім.

IV.Ойын

а) Педагог жетекшілігімен жүргізілетін ойын

ә) Құрылымдалған ойын

б) Еркін ойын (күннің екінші жартысында)

V.Аспаптар туралы жұмбақ

VI.Көңілді әуен ырғағымен

VII.Қорытынды.

І.Ұйымдастыру кезеңі
Балалар балалар бастарына ноталар салынған маскалар киіп,залға кіреді, ортаны айналып шығып шеңбер жасап тұрады, музыка жетекшісі балалармен амандасады.

Музыка Жетекші: Саламатсыздарма  балалар!

Балалар: Са-ла-мат-сыз-ба?

Музыка жетекшісі: Енді балалар бізге келген қонақтармен амандасып алайық!

«Шаттық» шеңбері:
Күннің көзі ашылып,
Көкке шуақ шашылып,
Құтты қонақ келіпті,
Төрімізге еніпті.
Амандасу үлкенге,
Тәрбиенің басы ғой.
Ал, қанекей, бәріміз,
Сәлем дейік үлкенге,
Сәлеметсіздер ме, апайлар!

Музыка жетекшісі: Балалар көңіл күйлерің қалай? (жақсы )
Музыка жетекшісі: - Балалар сендер қандай сабаққа келдіңдер?
Балалар: - Музыка сабағына.
Музыка жетекшісі: - Музыка сабағында біз не үйренеміз?
Балалар: - Ән айтуды, би билеуді үйренеміз.
Музыка жетекшісі: - Бүгінгі ұйымдастырылған оқу – қызметіне дайынсыңдар ма?Ендеше сабағымызды бастаймыз!

II.Іздену-ұйымдастырушы кезеңі.
Музыка жетекшісі:Балалар сабақ бастамас бұрын Қазақстан Республикасының Әнұранын айтайық! Балалар, айтыңдаршы музыка шығару үшін ең алдымен бізге не керек еді сендер онымен таныссыңдар?
Балалар: Ноталар керек.
Музыка жетекшісі: Ия, дұрыс айтасыңдар! Олай болса балалар ноталардың атын айтып көрейікші, Бәрі бірге: До-Ре-Ми-Фа-Соль-Ля-Си

Музыка жетекшісі:Енді балалар тақтада көрсетілген нота сызығында әр нотада әр түрлі суреттер берілген сол суреттер арқылы екінші суреттегі нота сызығына ноталарымызды орнымен қояйық!

(Балалар ноталарды жазылған нотаның үстіне апарып жабыстарды.)

Музыка жетекшісі: Дұрыс жарайсыңдар!Ноталарымыз дұрыс орналасты ма екен?Ендеше, балалар бәріміз бірге айтып қайталап көрейікші.Балалар енді өзіміз нота боламыз

Музыка жетекшісі: Ендеше, ноталардың алдында не тұруы керек балалар?
Балалар: Скрипка кілті тұруы керек.
Музыка жетекшісі: Жарайсыңдар, балалар, мінекей скрипка кілті де өз орнына келді.
Музыка жетекшісі: Жақсы балалар, ендеше ноталарымызды жабыстарған пойызға мініп саяхатқа шығайық. (әуенмен жүріп, залды бір айналады) **бірінші аялдамаға**келіп тоқтайды.

ІІІ. Негізгі бөлім.

Музыка жетекшісі:Міне балалар бірінші аялдамамызға да келген сияқтымыз.Орнымыздан тұрып,пойызымыздан түсіп,аялдамамызға барайық!Балалар Музыка әлемі Ханшайымы бізге қандай тапсырма берген екен,тыңдап көрейік! (Музыка Ханшайымының дауысы шығады)

Музыка Ханшайымы: Сәлеметсіңдер ме, балалар? Мен, музыка әлемінің Ханшайымымын. Менің әлеміме жету үшін сендерге аялдамада 3 түрлі тапсырмаларым бар. Менің осы тапсырмамды орындасаңдар менің музыка әлеміме жетесіңдер? Бірінші тапсырмам: мына әуенді тыңдап оның сөзімен қосып айтып беріңіздерші;- депті. (Балабақшада әні)
Музыка жетекшісі: Дұрыс айтасыңдар балалар!Олай болса балалар Музыка әлемі Ханшайымының бірінші тапсырмасын орындайық!Бәріміз әдемілеп Балабақша әнін айтып берейік!Жарайсыңдар, балалар дұрыс, жақсы айттыңдар.

а) Педагог жетекшілігімен жүргізілетін

Ойынның тақырыбы: «Балық пен балықшылар»

Ойынның мақсаты:Кеңістікті бағдарлай біледі,аңғарымпаздыққа,шапшаңдыққа үйренеді.Музыканың ырғағын сезіне алады.

Ойынның шарты:Екі бала балықшы болып,бір-бірінің қолынан ұстап ау құрып тұрады.Қалған балалар екі бала құрған аудың ортасынан өтіп,музыка әуенімен айналып жүреді.Әуен тоқтағанда ау құрған екі бала отырып қалады,ал ауға түскен балық балықшы қатарына қосылып ауды үлкейте береді.Осылай ойын жалғаса береді.Соңында жеңген бала мадақталады.

Музыка жетекшісі:Жарайсыңдар балалар!Ойын ұнады ма?Ендеше тағы да пойызға отырайық, (музыка ойнап тұрады.) **екінші аялдамаға** келеді. Бұл аялдамада қандай тапсырма бар екен тыңдап көрейік! (Музыка Ханшайымының дауысы шығады)Балалар, бұл аялдамада бір қорапша бар, қорапшаның ішінде аспаптар бар, сол аспаптарға байланысты жұмбақтар жасырулы.Соны шешіп жауабын табыңдар! Балалар бәріміз қорапшаны іздеп көрейік (іздейді).
Мінекей, таптым апай;- деп, бір бала тауып алып келеді.Қорапшада жұмбақ пен бірге осы аспаптардың суреті берілген екен!Енді балалар осындағы жұмбақтарды шешіп көрейік!

Жұмбақтар шешу:

Тоғыз белбеулі
Екі тербеулі
Қос құлақты
Үні ұнамды.

(домбыра)

Бас, құлақ, мойны бар
Үп үлкен шанағы бар
Ысқышпен ысқанда
Әндетіп шығар тағы әні бар

(қобыз)

Жеті ішектен жеті түрлі үн шығар
Әуенінен жеті тарау мұң шығар
Ойнап кетсең түрлі түрлі жыр шығар
Бұл қай аспап?

(жетіген)

Сызылған үні,сүйкімді тілі
Үрлесең ойнайтын, аспаптың түрі.

(сыбызғы)

Тілшікті аспап, қобыздай асқақ
Ерекше үні бар,бұл қай аспап?

(шаңқобыз)

Музыка жетекшісі:Жарайсыңдар балалар!Жұмбақтың жауабын дұрыс таптыңдар!Енді осы аспаптарға байланысты кім тақпақ айтып береді екен!

Домбыра

Бойымды қазақ қаны билеген,
Қос ішегі бір-біріне тимеген,
Қазағымның домбырасы күй тартса,
Тебіреніп, ерекше бір күйге енем.

Күй шертілсе, домбыраның ішегі,
Бойыма бір ерек күш енеді.
Рух сыйлаған жүрегіне қазақтың,
Тарихымды жалғастырған үн еді.

Жетіген

Асықтары шашылады бетінен
Түзетеміз асықтарды шетінен
Қазақтың ұлттық аспабы

Бұл әрине жетіген.

Қобыз

Жан дүниеңді тербетеді толқытып
Бұл аспаптың естігенде саз үнін
Қорқыт бабам тіл бітірген,бұл аспап?
Қасиетті қобызым

Шаңқобыз

Кіп-кішкентай шаңқобыз
Аспаптарға мән берер
Шертіп қалсам тілшігін
Оркестрге сән берер

(Слайдпен көрсетіп отыру аспаптың түрлерін)

Музыка жеткшісі:Рахмет!Жарайсыңдар!Енді балалар осы аспаптарға байланысты ойын ойнап жіберейік!Ойынның аты –Жоғалған аспап деп аталады.

ә) Құрылымдалған ойын

Ойын тақырыбы:Қай аспап жоқ

Ойынның мақсаты: Балалар жоқ аспапты байқай алады. Жоғалған аспаптың атын атай алады.Есте сақтау қабілетін дамытады.

Ойынның шарты: Музыка жетекшісі тақтаға аспаптардың суретін іледі, ал балалар көздерін жұмып отырады, сол сәтті пайдаланып музыка жетекшісі кез – келген аспаптың суретін жасырады,яғни алып тастайды. Балалар көздерін ашып, аспаптардың ішіндегі жоғалған аспапты табады.

Музыка жетекшісі:Жарайсыңдар балалар!Өте шапшаң екенсіңдер!Ал енді балалар келесі ойын «Сиқырлы аспаптар қиындылары» деп аталады.

б) Еркін ойын (күннің екінші жартысында)

Ойын тақырыбы:Сиқырлы аспаптар қиындылары

Ойынның мақсаты:Балалар ойын арқылы шапшаңдылқты үйренеді.Аспаптардың қиындыларын тез құрастыра алады.

Ойынның шарты:Үстел үстіне аспаптардың қиындыларының суреттері беріледі.Балалар сол қиындылардан жылдам аспаптарды құрастыру қажет.

Музыка жетекшісі:Рахмет балалар сендерге аспаптар туралы көптеген мағлұмат алдық!

Музыка жетекшісі:Енді балалар бәріміз орнымыздан тұрып бойымызды бір сергітіп алайық!

Сергіту сәті: «Көңіл күй»

Музыка жетекшісі:Жарайсыңдар!Балалар, енді осындай тамаша көңіл – күймен пойызымызға отырып, соңғы аялдамаға жетейік,Ханшайымның тапсырмасын шешейік.

(музыка ойнап тұрады, үшінші аялдамаға келіп жетеді)

Жүктеу

ЖИ арқылы жасау

ЖИ арқылы жасау

Бөлісу