Жаратылыстану-математикалық бағыт бойынша қазақ тілі пәні бойынша 11- сынып оқушысының өзіндік жұмысының жоспары

I тоқсан. 2020-2021 оқу жылы.

І тарау. Қазақстан бейнесі. Қазақстанның өткені мен келешегі. Шешендік сөздер. Орфография және пунктуация. Ғылыми стиль.

Сабақтың нөмірі: 1

Сабақтың тақырыбы: §1. Ұлт тарихындағы кеңістік пен уақыт. Ғылыми стиль.

Оқу мақсаты: 11.2.2.1 таза ғылыми стильді тілдік құралдар арқылы тану (терминдер, ұғымдар, шартты белгілер, синтаксистік құрылымы);

11.4.1.1 мәнмәтін бойынша тілдік бірліктерді орфографиялық нормаға сай жазу;

Ақпарат көзі: Қазақ тілі. Жалпы білім беретін мектептің жаратылыстану-математикалық бағыты 11-сынып оқулығы. Алматы. «Мектеп» баспасы. 2020 ж. Б.Қапалбек, Ш.Ерхожина, М.Жолшаева.

1-тапсырма. Мәтінді оқып, тірек сөздерді теріп жазыңдар. Тірек сөздерге сүйене отырып, мәтінді мазмұнына қарай екі бөлікке бөліңдер. Әр бөлікке ат қойыңдар. (5-бет).

А) Мәтіннен термин сөздерді теріп жазып, сөздіктің көмегімен мағынасын түсіндіріңдер.

Ә) Мәтінде не туралы айтылғанын аннотация түрінде жинақтап жазыңдар.

2-тапсырма. https://ppt-online.org/375617 сілтемесінде ұсынылған таныстырым негізінде стиль түрлерін қайталай отырып, ғылыми стиль туралы білімдеріңді толықтырыңдар.

3-тапсырма. Грамматикалық материалда берілген теориялық мәліметтерді кестедегі бос орындарды толтыру арқылы толықтырыңдар. (6-бет).

4-тапсырма . Ғылыми мәтіннің түрін анықтаңдар. (6-бет).

Дескриптор:

1.Мәтіннен тірек сөздерді теріп жазып, сөздіктің көмегімен мағынасын түсіндіреді.

2. Мәтінде не туралы айтылғанын аннотация түрінде жинақтап жазады.

3. Грамматикалық материалда берілген теориялық мәліметтерді кестедегі бос орындарды толтыру арқылы толықтырады.

4. Ғылыми мәтіннің түрін анықтайды.

2.Кері байланыс: орындалған тапсырманы оқушы электронды пошта немесе WhatsApp» мобильді қосымшасы арқылы жібереді.

Әзірлеуші: Зәкариянова Сандуғаш Зарыққанқызы. №74 ЖББМ қазақ тілі мен әдебиеті пәні мұғалімі. Алматы қаласы Білім Басқармасының ҚББЖТҒӘО қолдауымен ұсынылып отыр.