Ұлтты сүю-Ұлылық! тақырында мақала

Ұлтты сүю-ұлылық!

Ұлтты сүю –ұлылық деген екен қазағым. Ұлтымды неге сүймейін.....? Үлкенге құрмет көрсеткен , кішіге - ізет білдірген, Ұлыларын ұлықтаған, ата - бабасын ұмытпаған , шаңырағын шайқалтпаған, жетімін жылатпаған, салт –дәстүрін сақтаған, текті елім , айналайын қазағым. Басыңа не түспеді, нелер өтпеді?! Не көрсең де қайтпадың, ішіңдегіні ешкімге тіс жарып айтпадың, небір жаудан аман қалған, небір саясаттың тауқыметін көрген қазағым.... Сол үшін де Ұлысың! Ұлы халқым! Ата – бабамның аманаты.... Алтын қазынам-қазағым! Елім деп, жерім деп патриоттық сезіммен өмір сүріп, «Қазағыммен» мақтанып келемін. Тарихы тереңде жатқан еліммен шын сүйсінемін. Мықтылығына тәнтімін. Ата-бабаларымыздан қанымызға сіңген асыл қасиет –ау осы. Сол мықтылықты кейінгі ұрпақ та бойында ұстау керек. Ата – бабамның қалдырған мұрасын сақтауы міндетті. Баға жетпес байлығын бағалауы тиіс. Бұл байлықтың оңай келмегенін жастар білуі керек. Жадында ұстауы тиіс. Сол үшін де Қазағымды құрметтеп, сүюі керек! Елі үшін, жері үшін аянбай еңбек етіп, кейінгі ұрпаққа ата-баба аманатын тапсыру керек. Ол әрбір Қазақстандық азаматтың міндеті. Егер ұлтыңызды сүймесеңіз, сізде патриоттық сезім болмаса, тіліңізді білмей, әуелде менсінбесеңіз сіз шын мәңгүртке айналасыз. Еліңіз бен жеріңізді өзге ұлт талан-таражға салады. Өзгені де аямайды. Ал, ата-бабамның арманы бұл емес еді. Кейінгі ұрпағы үшін қасық қаны қалғанша күресіп едіғой. Ендігі кезек сізде. Ендеше, еліңіз бен жеріңізді қорғап, тіліңізді құрметтеп, көк туды желбіретіп, «Қазақстан» деген атын бүкіл әлем білетіндей, танитындай деңгейге жетердей еңбек етіп, жүрегіңмен сезініп, қадірлеп, қастерлеуге сіз бен біз міндеттіміз!

Қалияқын Г.Г.