«БЕКІТЕМІН»

«Каспий» жоғары педагогика

және салалық технологиялар

колледжі директорының тәрбие

ісі жөніндегі орынбасары

__________Әмірбекова Г.С

«____»____________ 2024 ж.

КУРАТОРЛЫҚ САҒАТЫ

Тақырыбы: «Ұлттық ойын – ұлт қазынасы»

Өткізген: Амантұрлы Ж.О.

2ИББ-23 б/б тобы

2024-2025 оқу жылдары

Тақырыбы: «Ұлттық ойын – ұлт қазынасы»

Апта дәйексөзі: Жауапкершілік – адамгершілік қасиеттің көрінісі

Кураторлық сағаттың мақсаты: Студенттерге қазақтың ұлттық ойындарының тарихы мен мән-мағынасын түсіндіру. Ұлттық ойындар арқылы оқушыларды ептілікке, ұйымшылдыққа, шапшаңдыққа тәрбиелеу. Қазақ халқының мәдени мұрасына құрмет көрсетуге баулу.

Мұғалімнің кіріспе сөзі:

Ұлттық ойындардың қазақ халқының мәдениеті мен салт-дәстүріндегі маңызы.

«Ойын – тек көңіл көтеру емес, адамның физикалық және рухани дамуының маңызды құралы».

Қысқаша тарихи шолу:

Қазақтың ұлттық ойындары көшпелі өмір салтымен тығыз байланысты.

Ойындар ерте заманда жастарды батылдыққа, ептілікке тәрбиелеу құралы болған.

Қазақтың ұлттық ойындары халықтың тұрмыс-тіршілігімен, салт-дәстүрімен тығыз байланысты. Олар адамның денсаулығын нығайту, ақыл-ойын дамыту, ұйымшылдыққа баулу сияқты мақсаттарға қызмет еткен. Ұлттық ойындарды бірнеше топқа бөлуге болады:

1. Ой-өрісті дамытатын ойындар

Тоғызқұмалақ – логикалық ойлауды дамытатын интеллектуалды ойын.

Дойбы – есепке, шапшаң шешім қабылдауға үйрететін үстел ойыны.

Ақсүйек – түнгі мезгілде ойналып, байқампаздықты дамытады.

2. Күш пен ептілікті талап ететін ойындар

Көкпар – ат үстінде екі командада ойналады, күш пен жылдамдық маңызды.

Аударыспақ – ат үстінде қарсыласты күшпен жеңу ойыны.

Жамбы ату – садақпен дәлдеп ату шеберлігіне негізделген.

Арқан тарту – топтық ұйымшылдық пен күшті қажет ететін ойын.

Қыз қуу – атқа мінген ер мен қыз арасындағы шапшаңдық жарысы.

3. Балаларға арналған ойындар

Асық ойындары:

Алшы – асықтардың қалай түскеніне қарай ұпай жинау.

Ханталапай – жылдамдық пен ептілікті қажет ететін ойын.

Бес тас – саусақтың икемділігін дамытатын ескі ойын.

Сақина салу – байқампаздық пен зейінді арттыратын ойын.

Тақия тастамақ – шапшаңдық пен сезімталдыққа үйретеді.

4. Ұжымдық ойындар

Ақсүйек – командалық ынтымақтастық пен топтық ойынды дамытуға арналған.

Алтыбақан – жастардың көңіл көтеру және танысу ойыны.

Түйе-түйе – топтық зейін мен ұйымшылдықты арттыратын ойын.

5. Табиғатта ойналатын ойындар

Қуыр-қуыр қуырмаш – балаларды шапшаңдық пен тапқырлыққа баулиды.

Ақсерек-Көксерек – жылдамдық, топтық ұйымшылдықты дамытатын ойын.

Ұлттық ойындардың маңызы:

Денсаулықты нығайтады.

Ақыл-ойды дамытады.

Ұжымдық қасиеттерді қалыптастырады.

Дәстүр мен мәдениетті ұрпақтан-ұрпаққа жеткізеді.

Ұлттық ойындар – ұлттың тарихи мұрасы, мәдениеті мен болмысының көрінісі. Олар тек ойын ғана емес, үлкен тәрбиелік маңызға ие құндылықтар. Мұғалімнің қорытынды сөзі:

«Ұлттық ойын – халқымыздың тарихи мұрасы және ұрпаққа аманаты».

Ұлттық ойындардың адам өміріндегі маңызы мен тәрбиелік мәнін тағы бір мәрте атап өту.

Хаттама_____

Орны: «Каспий» жоғары педагогика және салалық технологиялар колледжі

Уақыты: 23.09.2024.

Отырыс: 507 каб.

Тобы: 2ИББ-23 б/б

Барлығы: 25 студент

Қатысқандар: 23 студент

Күн тәртібінде:

1. «Ұлттық ойын – ұлт қазынасы»

2. Әртүрлі мәселелер

Тыңдалды:

Күн тәртібіндегі бірінші мәселе бойынша топ кураторы сөз алып, «Ұлттық ойын – ұлт қазынасы» тақырыбында өткен кураторлық сағаты жақсы деңгейде өтті. Студенттер ой өрісті дамытатын, күш пен ептілікті талап ететін, балаларға арналған ойын түрлерімен танысты. Берілген ақпараттарды мұхият тыңдап, берілген сұрақтарға толық әрі нақты жауаптар беріп отырды. Студенттер табиғатта ойнайтын ойындармен бөлісіп, алдағы уақытта осындай шараларды бұданда жоғары деңгейде өткізу керек екендіктері айтылды.

Шешім:

1. «Ұлттық ойын – ұлт қазынасы» тақырыбында өткен кураторлық сағаты «жақсы» деп бағалансын.

2. 2-мәселе бойынша студенттерді іс – шараларға қатыстыра отырып, олардың шығармашылықтарын шыңдау,топтағы студенттердің сабаққа қатысын және форма сақтау керектігі айтылды.

3. Осы айтылған мәселелер орындалысы Ж.Амантұрлыға міндеттелсін, студенттердің сабаққа қатысы, кешікпеуі, колледждің формасы сақталуы топ старостасына жүктелсін.

Жиналыс төрайымы: Ж.Амантұрлы

Жиналыс хатшысы: М. Козденова