Ұлттық ойындардың пайдасы

Ұлттық ойындардың пайдасы.
Мақсаты: Оқушылардың өмірге деген құштарлығын арттырып, салаутты өмір салтын қалыптастыру, ұлтжандылыққа тәрбиелеу.
Міндеттері: 1) дене жаттығулары арқылы оқушы денсаулығын қалыптастыру;
2) Сабақтарда оқушы белсенділігін арттыру үшін ұлттық ойындардың түрлерін пайдалану;
3) Сабақ барысында ұлттық ойындарды пайдалана отырып оқушылардың ой – өрісін дамыту, ұлттық салт-дәстүр негізінде тәрбиелеу.
Елбасымыз Дене тәрбиесі, спорт түрлерін дамыту туралы заңға қол қойғанына бірнеше жыл болды. Бұл үкіметіміздің ұрпақ денсаулығын нығайтуға қатты көңіл бөліп отырғандығының белгісі. Денсаулық туралы өздерің айтқан мақал-мәтелдердің өзінен үлкен тәрбие алдыңдар.Нашақорлық пен темекі, әр түрлі жұқпалы аурулар, олардан сақтанудың жолдарын біледі екенсіңдер. Сондықтан болашақта сендерден дені сау, мықты да шымыр, қоғамымызға пайдалы, отбасына тірек болатын азамат, азаматша шығады деп сенемін.
Дене тәрбиесінің мақсаты денсаулығы, рухы сергек, Отанын қорғайтын және ұзақ шығармашылық еңбекке жарамды адамды қалыптастыру болып табылады. Халықтың ұлттық ойындары елдің өмірімен тығыз байланысты, оның шаруашылық, экономикалық, әлеуметтік тұрмысынан туған. Сондықтан тәрбиелік маңызы аса жоғары әрі құнды, ұлт ойындарын пайдамызға асыру – бүгінгі ұрпақ міндеті.

Денсаулық әліппесі

Табиғи күш Дене шынықтыру Тамақ Тазалық

(Денсаулық әліппесі тірексызбасымен жұмыс.)
Табиғи күш: күн, таза ауа, су.
Дене шынықтыру: спорттық және ұлттық ойындар.
Тамақ: сүт тағамдары, жеміс-жидектер, көкөністер, шипалы сулар.
Тазалық: жеке бас тазалығын еске түсіру.

Ұлттық ойындар ата-бабамыздан бізге келіп жеткен, өткен мен бүгінді байланыстыратын баға жетпес байлығымыз, асыл қазынамыз. Сондықтан оны үйренудің, күнделікті тұрмысқа пайдаланудың заманымызға сай ұрпақ тәрбиелеуде пайдасы орасан зор. Ойын баланың алдынан өмірдің есігін ашып, оның шығармашылық қабілетін оятып, бүкіл өміріне ұшқын береді. Сонымен қатар ойын тынысы кең, алысқа меңзейтін, ойдан ойға жетелейтін, адамға қиялымен қанат бітіретін ғажайып нәрсе, ақыл-ой жетекшісі, денсаулық кепілі, өмір тынысы демекпін.
Ұлттық ойындар түрлі себептерге байланысты пайда болып отырған. Мәселен, Аңшылар ойындарында аңды жан-жақты қоршап аулау, топталып іздеу, жасырыну, қуу, қалай қолға түсіру анық бой көрсетсе, Дауысынан біл, Шұқыма ойындарының далада із кесу, түрлі дыбысты ажырата білу мақсатында пайда болғандығы байқалады. Ойындардың енді бір тобы көшпелі тайпалардың өзара қақтығыстарын, жаугершілік дәуірінің бітімін, рулық қауымның жол-жоралғысын өзінше қайталайды. Олардың қатарына Теңге ілу, Қыз қуу, Ат үстіндегі тартыс, т.б. іс-әрекет ойындарын жатқызуға болады.Балаларды ептілікке, тапқырлыққа баулитын, отырып та, қозғалып та, жүріп те ойнайтын түрлері аса көп.