Жетісай ауданы Ш.Ділдабеков а/о және Қарақай а/о қарасты мектеп оқушылары арасында өтетін «Ұлттық қолөнер ұрпаққа аманат» атты қолөнер байқауы

Байқаудың өтетін орны: Н. Исмайлов атындағы ЖББМ

Байқаудың мерзімі: 19.02.2025ж

Байқаудың мақсаты: Халқымыздың қол өнерін насихаттау, балаларды шығармашылыққа тәрбиелеу. Ұлттық сәндік-қолданбалы өнер құндылығын ұғындыра отырып, өскелең ұрпақтың жеке шығармашылығын дамыту, қазақи нақышқа баулу, сүйіспеншілік пен патриоттық тәрбиелеуге жол ашу арқылы бабалар мұрасын насихаттау, іс-шараларға араластыру арқылы оларды қосымша білім берумен қамтуды кеңейтуге ықпал ету. Қолданбалы-сәндік қолөнермен айналысатын оқушыларға шабыт сыйлау.

Жүргізуші: Армысыздар құрметті ұстаздар мен оқушылар. Бүгінгі Балалар мен жасөспірімдер шығармашылық орталығының ұйымдастырылуымен өткізіліп отырған «Шебер қолдар қолөнер» байқауына қош келіпсіздер!

Жүргізуші: Байқаудың мақсаты, халқымыздың төл өнерін насихаттау балаларды, шығармашылыққа тәрбиелеу. Қолданбалы-сәндік қолөнермен айналысатын оқушыларға шабыт сыйлау.

Жүргізуші: Құрметті көрермендер, байқауымызды ашып, үміткерлерімізге -сәт сапар, ақ жол тілеу үшін сахна төріне тәрбие ісі жөніндегі Алипова Нағима апайды және .Балалар мен жасөспірімдер шығармашылық орталығының бөлім меңгерушісі Бегимкулов Айгүл апайды шақырамыз.

Енді құрметті көрермендер осы байқауға қазылық жасайтын қазылар алқасымен таныс болыңыздар.

1. Балалармен жасөспірімдер шығармашылық орталығының мпорт және өлкетану бөлімінің меңгерушісі Жарылқап Айберген ағай.

2. Шүкірбекова Жұлдыз апай

3. Айдарбекова Алмагүл апай_____________________________

Жүргізуші: Ал ендеше байқаудың шарттарымен таныс болыңыздар. Байқау төрт кезеңнен тұрады.

І кезең. «Таныстыру» - әрбір байқауға қатысушы амандасып, өзін таныстырып өтеді.

ІІ кезең. «Фетрден панно жасау - әр қатысушы фетрден қабырғаға ілуге арналған панноны жасап, дайындайды. Дайындауға 10 минут уақыт беріледі.

ІІІ кезең. «Ептілікте ерлік» - әр қатысушы тоқыма жіпті пайдаланып есу немесе өру арқылы бау жасайды. 5 минут уақыт беріледі.

IV «Кәдесыйлар мен сыйлықтар» - әр қатысушы үйден кесте, бисермен кестелеу, гобелен жұмыстарын дайындап келеді. Жұмыстың қандай материалдан жасалғанын, оның қолдану ерекшеліктерін түсіндіріп, қорғап шығады. . 5 минут уақыт беріледі.

Кәсіби әділқазылар алқасы байқау шарттарын бағалау өлшемдеріне сәйкес 5-10 балдық жүйемен бағалайды.

Жүргізуші: Көрермен жиналған бұл тамашаға,

Құр қарап жым отыру жарасама?

Туыс, дос, сыныптас пен танысқа емес

Соқ қолыңды өнерлі жас талапқа,- дей келе байқауымыздың бірінші кезеңін бастаймыз.

І кезең. «Таныстыру» - әрбір байқауға қатысушы амандасып, өзін таныстырып өтеді.

Жүргізуші: Білім деген байлық бар,

Еш байлық оған жетпейді.

Жасында оқып, жиып ал,

Тепкілесең кетпейді дей келе,

Келесі кезекті сайысымыздың екінші кезеңіне береміз.

ІІ кезең. «Фетрден панно жасау - әр қатысушы фетрден қабырғаға ілуге арналған панноны жасап, дайындайды. Дайындауға 10 минут уақыт беріледі.

Жүргізуші: Үміткерлеріміз өз жұмысын дайындағанша

Мын бұралып билеген

Аруды кім сүймеген

Күміс көмей аруларға

Кімдер басын имеген- дей отырып келесі кезекті «Шебер қолдар» қолөнер үйірме мүшелерінің орындауында Қара жорға биі.

Жүргізуші: Дайын болған үміткерлер өз жұмысын қазылар алқасына көрсетіп, жұмыстың жасалу жолы мен ерекшеліктерін түсіндіреді.

Жүргізуші: Ою-өрнек қарасаң

Өңкей мүйіз тізілген

Қайсысын бірін қаласаң,

Қиып ал сызған ізіңмен.

Қию оңай демеңдер,

Оған да өнер ой керек.

Бос мақтанып жүрмеңдер,

Оюға шебер жан керек.

Шеберлікте шек жоқ,

Жалқаулыққа жол жоқ.

Өнерлінің қолынан,

Тамып тұрған бал көп. – дегендей, келесі кезекте сайысымыздың

ІІІ кезеңі. «Ептілікте ерлік » - әр қатысушы ұйымдастырушының алдын ала дайындаған ою-өрнектерін қырқып шығады. 5 минут уақыт беріледі.Үміткерлер өз жұмысын қазылар алқасына көрсетеді.

Қолөнері халқымның өрістенсін,

Әрқашан Алла берсін берекесін.

Егіз ұғым өнер мен білім деген,

Сайыскерлер өнерін сынап көрсін.

Келесі сайысымыздың төртінші кезеңі:«Кәдесыйлар мен сыйлықтар» - әр қатысушы үйден . кесте, бисермен кестелеу, гобелен жұмыстарын дайындап келеді. Жұмыстың қандай материалдан жасалғанын, оның қолдану ерекшеліктерін түсіндіріп, қорғап шығады. . 5 минут уақыт беріледі. Қолөнерін тапсырады.

Жүргізуші: Міне байқауымыздың ең соңғы шарты бойынша қатысушыларымыз өз өнерлерін көрсетті. Осымен байқауымыз да өз мәресіне жеткелі тұр. Қазылар алқасына ақылдасып алу үшін, уақыт береміз.

Жүргізуші: Қазылар алқасы ақылдасып алғанша сахна төріне биші қыздарымызды шақырамыз.

Жүргізуші: Кімдер шешен, кім іскер білейікші,

Өнерлі жан екен деп жүрейікші.

Қазыларға тек қана әділдікті,

Ал сайыскерге тек сәттілік тілейікші.

Құрметті өнер сүйер қауым! Бүгінгі байқау жеңімпаздары анықталды. Жеңімпаздарды марапаттау үшін сахна төріне әділ-қазылар алқасын шақырамыз.

Жүргізуші: Сөз кезегі Әділ қазылар алқасының төрағасына беріледі.

Марапаттау:

І орын- №34 Ә.Молдағұлова атындағы ЖББМ мектебі

ІІ орын - №45 Н.Исмайлов атындағы ЖББМ мектебі

ІІІ орын - №32 Ш.Құдайбердиев атындағы ЖББМ мектебі

Жеңімпаздар Дипломдармен және Алғыс хаттармен марапатталды.

Жүргізуші: Демеңіз біз өнерді аяп қалды,

Уақыт та біраз жерге таяп қалды.

Көріскенше қош сау боп тұрыңыздар,

Қолөнер сайысымыз аяқталды.