Ұлттық құндылықтар

Тарих біздің айнамыз «Ұлттық құндылықтар—ұлт қазынасы»

Қабиболла Сыдиықов атындағы Маңғыстау облыстық әмбебап кітапханасы

«Өткеніңді білмейінше, болашағыңды болжай алмайсың»- деп біздің қазақ халқымыз бекер айтпаған.Екі мың жиырма үшінші жылдың ,сегізінші қарашасында филология ғылымдарының докторы Жанбибі Дүйсенбаеваның жетекшілігімен «Ұлтыңды тәрбиелеймін десең, қызыңды тәрбиеле»,-деген ұлағатты сөздің мақсатында. Қабиболла Сыдиықов атындағы Маңғыстау облыстық әмбебап кітапханасы мен Әбіш Кекілбайұлы атындағы Маңғыстау обылыстық тарихи өлкетану музейіне барған болатынбыз. Жәдігерлер мекені, тұнып тұрған тарих. Ал тарих туған жерден басталады, сондықтан менің ойымша, әрбір азамат өзінің туған жерінің тарихын білуі тиіс. Еліміздің ертеңі өткен тарихпен тығыз байланыста екенін ұмытпауымыз керек.

Студенттер болып, ең алдымен Қабиболла Сыдиықов атындағы Маңғыстау облыстық әмбебап кітапханасы барған болатынбыз. Кітапхана қызметкерлері Шұғыла Далабаева, Тәттігүл Қуанбаева, Назым Акенеева,Аманжол Серіков. Туған өлкем Маңғаз-Маңғыстауымның өткен тарихы, аңыз, әңгімелерге толы киелі мекен екенін айтқан болатын.Оған қоса,Оралыхан Бөкей,Жалау Мыңбаев,Жетібай Жылқышыұлының шығармаларымен таным түсініктерім кеңейді. Соның ішінде Оралхан Бөкейдің “Жетім Бота “ шығармасы қатты ұнамды болған еді.Ол туралы Назым Акенеева қысқаша түсінік берген еді.Досан Тәжиев,Иса Тіленбаев,Қалнияз Шопықұлы секілді Маңғыстауымның батырлары жайлы бас маман Аманжол Серіков ағамыз тарихын баяндаған болатын.Біз білмеген тарихпен,мағұлматтармен бөлісті. Осындай дана кісілеріміздің арқасында ,кітапқа деген қызығушылықпен,тарихтың саңылауындағы ғасыр сырларымен тыныс

б
олдық.

«Кітапхананың ішкі көрінісі»

Ә
біш Кекілбайұлы атындағы Маңғыстау обылыстық тарихи өлкетану музейі

Кітапханадан шыға салып,студенттер болып Әбіш Кекілбайұлы атындағы Маңғыстау обылыстық тарихи өлкетану музейіне аяқ бастық.Музейдің іші тұнып тұрған тарих.Ұлттық құндылық,тарихи мұра, ежелгі қолданыстар айқын бейнеленген. Әбіш Кекілбайұлының өмірі мен шығармашылығы туралы танысып ,әлемді мойындатқан қыл қалам шебері екенін біліп бір марқайып қалдым.Ұлт қадірін,туған жерін мақтан тұтып, намыс пен нар тәуекелді жалау етіп, жап-жас шағының өзінде-ақ адамзаттық ақыл-ой алыптарының арғы-бергі білім қорын түбіне жете түгел игеруі еңбегі еленген атақты тұлғалармен Маңғыстаудай киелі мекенде,мекендес болғаныма мақтанамын.Мұндай құнды тарихты бізге бөліскен, Бибізада Жүсіпова, Зәуре Әбішова болатын. Әбіш Кекілбайұлының балалық шағын бастап, өткен өмірінің тарихын “Этнография”,”Тарих” залдарында таныстырған болатын.Жазушының жұмыс бөлмесі мен қонақ бөлмесі керемет жабдықталған.Ұлттық киімдері,қолданған дүние-мүлкі,алған алғыс хаттары барлығы сол күйінде сақталған

«Музейдің ішкі көрінісі»

С
онымен қатар “Көркем әдеби шығармаларды”, “Ұлттық құндылықтар” тақырыбында музей жәдігерлерімен Дәуірбек Іңірбай ,Ерлан Ырзаболов таныстырған болатын.Қазақтың осындай байлығы мен сән-салтанатының куәсі болған киіз үйін көрдік. Асыл аналарымыз бұйымдардын,қару-жарақтарды,көненің көзі болар буйымдарды,ұлттық аспабымыз домбыраның ескі нұсқасын көрдік.

«Музейдің ішкі көрінісі»

Осы бір көрген,білген әсерім өте керемет болды. Кеудеде намыс қайнап, отанға деген сүйіспеншілігім артты. Осындай керемет әсер сыйлаған Жетекшіміз Жанбибі Дүйсенбаеваға алғысым шексіз,осындай ұлы адамның шәкірті болу бір-бақыт.

О сындай ойларды қорытындылай келе, бүгінгі таңда ұлтымыздың рухани байлықтарын көзіміздің қарашығындай сақтап, келешекке жеткіземіз деген мақсатпен ел болып бірлесе жұмыстар жүргізу керек деп есептеймін. Тіліміз мен дінімізді кіршіксіз күйінде болашаққа мирас етіп қалдыру үшін әрқайсысымыз тамшыдай болса да үлес қосуымыз керек. Сонда ғана ұлы армандарымыз орындалады деп ойлаймын.

Ақтау қаласы Каспий Өңірі «Болашақ»колледжі

НОО 21 С/О тобының студенті Жаманқараева Назерке