Таяуова Салтанат Жубаткановна

«№39 қазақ орта жалпы білім беру мектеп-лицейі»КММ

директордың тәрбие ісі жөніндегі орынбасары

«Ұлттық рух-тәуелсіздік тірегі»атты мерекелік кешінің сценарийі

Өткізілетін күні:15.12.23ж

Өткізілетін уақыты:12.00

Безендірілуі:Шарлар,банер, презентация

ФАНФАР

Жүргізуші №1:

Армысыздар, құрметті ұстаздар, оқушылар және қадірменді қонақтар!

Бүгінгі Тәуелсіздігіміздің 32 жылдығына арналған «Ұлттық рух-тәуелсіздік тірегі» атты мерекелік кешімізге қош келдіңіздер!
Шайқалмасын ешкімнің шаңырағы
Бақыт көрсін Отанның сан ұланы
Енді ағайын көгінде қалықтасын
Қазағымның қастерлі – Әнұраны!

(Қазақстан Республикасының Мемлекеттік Гимнін орындалады)

Жүргізуші №2: Егемен еліміздің ең ұлық, ең қастерлі мерекесі – Тәуелсіздік күні. Тәуелсіздіктің тал бесігінде тербелген ардақты ағайындар, мереке құтты болсын!
Тәуелсіздіктің түп – тамыры Желтоқсан оқиғасына тікелей байланысты екеніне ешкім дау айта қоймас. Десек те, 1986 жылдың қайғылы желтоқсаны бір күнгі немесе бір жылғы наразылықтың көрінісі болмаса керек. Бостандық деп аталатын асқақ арман жолында қаншама қан төгілді, қаншама батыр мерт болды Бұл арпалыс бір күн, бір жыл, бір мезет емес, талай ғасырларға созылған. Тәуелсіздік — ең басты құндылығымыз. 32 жыл ішінде тәуелсіз Қазақ елін қалыптастырып, нарықтың қиын өткелектерінен аман өткізіп келеміз.

(1 мин үнсіздік)

Жүргізуші №1: Армандарды жақындатып тым алыс,
Біздің жаққа жеткен екен жылы ағыс,
Егемендік-ел бақыты, ертеңі,
О, халайық, құтты болсын қуаныш.

Жас домбырашылар оркестрінің орындауында Малкеждар Әубәкіровтің күйі «Өрнек»

Жүргізуші №2: Азат өлкем күндей күлген шығыстан,
Асыл елім жан жүректі ұғысқан

Ата-бабам аңсап өткен бақытым,
Айналайын, Қазақстан-Гулстан!

Жас әншілер тобының орындауында «Қазақстан елім»әні

Қабыл алыңыздар!

Жүргізуші №1: Шаттық нұры шашылып зеңбірікте

Шуағын күн төгеді енді көктен
Шылбыр үзді даланың арғымағы
Тәуелсіздік жалауын желбіреткен

Халық күйі «Тепең көк»

Жүргізуші №2:Кең байтақ, көз жетпейтін жерім менің
Таулы орман, жасыл жайлау көлім менің
Бүгінде бар әлемге даңқың жетті
Тәуелсіз Қазақстан – елім менің

(Мәнерлеп оқу)

Жүргізуші №1: Ту тігілді халқымның бүгін бағына
Жас өрендер желбіретіп нық ұста
Ғасырларға жалғастырып елдікті
Дақ түсірме ата баба рухына
Үлгі бізге аталардың ерлігі
Ұлағаты өнегесі еңбегі
Тәуелсіздік туын ұстап жоғары

«Көк тудың желбірегені» орындайтын

3 «ә»сыныбының оқушысы Миров Тамерлан

Жүргізуші №2: Қазақ елім! Туды жастық дәуірің.
Алғандайсың жұлдызыңның жарығын.
Тәуелсіздік құтты болсын, қымбаттым,
Туған күнің құтты болсын, алыбым!

«Қазақтай ел қайда»»әні орындайтын Жас әншілер тобы

Жүргізуші№1: «Бүгінгі ұрпақ болар елдің ертеңі» дей келе бүгінгі Тәуелсіздігіміздің 32 жылдығына арналған «Ұлттық рух-Тәуелсіздік тірегі» атты мерекелік кешіміз өз мәресіне де келіп жетті.
Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын деп тілейік, ағайын.

БІРГЕ: Келесі кездескенше сау саламатта болыңыздар!