Бүгінгі қазақтың сайын даласынан әлемнің әр түкпіріне тараған түркітектес тайпалар мен халықтар басқа елдер мен өңірлердің тарихи үрдістеріне елеулі үлес қосты. («Ұлы даланың жеті қыры» мақаласынан) Осы мақала арқылы түп-тамырымызды тану, тарихымызды терең зерделеу, ұлы тұлғаларымызды ұлықтау бағытында үлкен мақсат-міндеттер қойылған. Әр адам өз өңіріндегі тұлғаларды, өлкесінің тарихын танып білуі тиіс. Осы орайда ел тану, даңқты батырларымызды, ойшылдарымыз бен ел билеушілерімізді тануға, Отанын сүюге үндеп, өз елінің патриоты болып қалыптасуына септігін тигізуде «Өлкетану» курстарының маңызы зор.