«Ұлы Жібек Жолымен» халықаралық көрмесі

Ұлы Жібек Жолымен халықаралық көрмесі
20 қараша 2024 жыл Алматы қаласында «Ұлы Жібек Жолымен» атты XII
халықаралық кітап көрмесі Атакент орталығында өткізілген болатын.
Көрмеге әлемнің түкпір-түкпірінен баспалар, полиграфиялық
компаниялар, кітап дүкендері, авторлар мен әдеби агенттіктер қатысты.
Сонымен қатар, қазақ және әлем әдебиетінің майталмандары өз
кітаптарын таныстыру үшін келіп, оқырмандармен байланыс орнатты.
Көрмеге шет елдерден баспалар, арнайы мамандар мен өкілдер қатысты.
Аталмыш іс-шарада заман талабына сай жаңа оқулықтар, заманауи
инновациялық әдістемелер таныстырылды.

Іс-шараға Қазақстан, Германия, Ресей, Тәжікстан, Қырғызстан, Өзбекстан
елдерінен баспагерлер, полиграфиялық компаниялар мен кітапханалар,
сондай-ақ жазушылар қатысты.

Көрменің басты мақсаты – ұлттық және халықаралық деңгейде кітап
өнерін насихаттау, жаңа әдебиеттерді таныстыру, полиграфия саласындағы
жаңа технологияларды көрсету. Бұл іс-шара арқылы Қазақстан әлемге
өзінің әдебиетіне, мәдениетіне деген құрметін танытып, ұлттық кітап
шығару саласын дамытуға және халықаралық ынтымақтастықты
нығайтуға мүмкіндік алды. Сондай-ақ, көрме аясында әртүрлі
тақырыптағы кітаптардың таныстырылымдары, авторлармен кездесулер,
мастер-класстар мен кітап талқылаулары өткізілді.

«Ұлы Жібек Жолымен» көрмесі Қазақстанның кітап шығару және
полиграфия саласындағы жетістіктерін әлемге танытуға бағытталған
маңызды алаң болып табылады. Соңғы жылдары Қазақстанда кітап басып
шығару, полиграфия технологиялары мен дизайн саласында айтарлықтай
жетістіктерге қол жеткізді. Бұл көрмеде отандық баспалар өз өнімдерін
ұсынып, халықаралық нарыққа шығуға мүмкіндігін ала алады.

Көрмеге отандық «Атамұра», «Алматыкітап», «Мектеп», «Arman-PV»,
«Дарын», «Адал Кітап», «Smart University» «Alqa» секілді Қазақстанның

жетекші баспалары жаңадан шыққан кітаптарының тұсаукесерлерін
өткізіп таныстырды.