11-СЫНЫП ОҚУШЫЛАРЫНЫҢ ҰЙЫМДАСТЫРУМЕН

ҚОШ КЕЛДІҢ ЖАҢА ЖЫЛ КЕШІНІҢ СЦЕНАРИЙІ

1-жүргізуші: Амансың ба халайық?

Жаңа жылды тойлайық

Ән салайық, билейік

Көңілімізді көтерейік

2-жүргізуші: Кел, жаңа жыл,

Төрле, төрле жеріме,

Құт береке боп келгейсің еліме,

Үміт артып армандарға аяулы.

Шаттығына бөлегейсің бізді де.

Ал қанекей балалар бүгінгі кешіміздің кейіпкерлерін қарсы алайық!

Екі шеңбер болып, шыршаны айналып, көңілді әуенге билеу.

Хор: «ШЫРША ЖАНСЫН»

1-жүргізуші: Ортада таңдандырып талайды,

Шыршамыз жасанып, жайнайды.

Құбылып, құлпырып айнала

Сиқырлы сәулелер тарайды.

2-жүргізуші: Балалар, естідіңдер ме, біреу келе жатыр.

Көңілді әуенмен. Сиқыршы келеді.

1-Жүргізуші: Сәлеметсіз бе Сиқыршы! Біз сізді көргенімізге қуаныштымыз, төрлетіңіз. Біздің қонағымыз болыңыз!

Сиқыршы: Сәлеметсіздер ме балалар? Балалар қараңдаршы, қандай әдемі шырша, қаншама ойыншықтар. Ал неге, шыршада шамдар сөніп тұр? Балалар шыршамен ойнайықшы, өз шамдарын жақсын, сөндірсін.

Ойын: «Шырша» (Балалар шапалақтайды) шамдар жанады. Ал енді, шамдарды сөндірейік, қатты, қатты үрлейміз. (Балалар үрлейді, шамдар сөнеді) ойын 2-3 рет ойналады.

Сиқыршы: Қандай сиқыршымыз бәріміз. Бірақ шыршада шамдар жанып тұрсын, сонда ғана шырша әдемі.

Мыстан: Жоқ жоқ жоқ. Мен шықтымау ақыры, мына қараңғы жерден. Мені сиқыршы сиқырлап тастап еді. Шығарды-ау әйтеуір Мына шыршаның әдемісін ай. Үйіме алып кетсем бе екен?!

Сиқыршы: Ей мыстан, енді сені қазір тағы да сиқырлап тастаймын. Балалардың мерекесіне кедергі келтірме. Одан да бізбен бірге жаңа жылды қарсы, ал, балалардың өнерін тамашала.

Мыстан: Менің бір шартым бар, мен сендерге жұмбақ айтамын жауабын тапсаңдар мен де қаламын, ал егер таба алмасаңдар шырша менікі.

Қыста ғана болады, ұстасаң қолың тоңады. (қар)

Тісі жоқ тістеп алады, қолы жоқ сурет салады. (аяз)

Жұмбақ шешіледі. Мыстан кемпір қалады.

1-жүргізуші: Балалар, біздің мерекемізге Аяз ата мен Ақшақар неге кешігіп жатыр?

Сиқыршы: Мүмкін, адасып кеткен шығар. Біз Аяз атаны іздеп келейік.

2-жүргізуші: Мыстан Аязата мен Ақшақар келгенше Сізбен бірге балалар ойын ойнағысы келіп отыр. Қалай қарайсыз?

Ойын: балалар мыстанмен ойын ойнайды

Мыстан: Неткен күшті, ақылды балалар, сендер шаршамадыңдар ма? Мен шаршадым, қазір Аязата мен Ақшақарды іздеп қайтып ораламын. Менсіз ойын бастамаңдар!

1-жүргізуші:

Ақ көңілім айналды аппақ қарға,

Көңілдене қосыл сен ән мен жырға.

Қыс қызығы басылмай ұласады,

Қуаныш көп болсын жаңа жылда.

2-жүргізуші:

Тобымыздың бишілерін шақырайық,

Қошеметпен, құрметпен қарсы алайық.

Бишілерімізді ырғалтып би билетіп,

Қол соғып биік шыңға самғатайық.

Бишілерге кезек береміз (бір номер)

Сайқымазақ:

Уа,халайық,жарандар

Айналаға қараңдар.

Қызық көріп шат болсын,

Шалқып күліп тараңдар.

Уа,алайық,құрметті,

Көмейіме жыр кеп тұр.

Жаңа жылды қарсы алып,

Өткізейік дүрмекті.

1-жүргізуші: Армысыз, балаларға шаттық сыйлаушы күлкі патшасы. Жаңа мыстан келіп, көңілімізді түсіріп кетіп еді. Сіздің келгеніңіз қандай жақсы болды. Балалардың көңілін көтеріп тастайтын болдыңыз ғой.

Сайқымазақ: Олай болса не тұрыс, менің жақсы көретін ойынымды ойнайық. Кәне , бәріміз « буги буги» биін билейік. Менің биімді қайталап, көңілденіңдер.

(көнілді би)

2-жүргізуші: Балалар қалай көңілдерің көтерілді ме? Рахмет сайқымазақ! Біз одан әрі мерекемізді жалғастырайық. Балалар мен сендерге жұмбақ жасырғым кеп тұр.

Ақ таяғы қасында

Ойын күлкі жанында

Күтеді оны шартарап

Сый дорбасын арқалап

Жаңа жыл сайын келетін

Ол кім?

Балалар: Аязата-3 рет

Аяз Ата мен Ақшақар келеді: Сәлеметсіздер ме балалар?! Сәлеметсіздер ме қонақтар?! (Балалар амандасады) Орманда адасып жүр едік. Мына жұлдыздар мен айдың жарығының арқасында сендерге де жеттік ау.

Естіп жатырмын, естіп жатырмын,

Келе жатырмын, келе жатырмын

Жаңа жылдарыңмен,

Жаңа жылдарыңмен!

Балаларым, балғыным,

Өмір гүлім, шағыным.

Тілегенім жыл бойы,

Сендердің денсаулығың.

Амансың ба, ұлдарым,

Аппақ ару қыздарым?

Мен сендерге әкелген,

Құтты болсын жылдарың!

Ақшақар: Амансыздар ма, балалар, ұстаздар, ата-аналар! Өздеріңді сағынып келдік. Жаңа жылдарың құтты болсын. Ұлу жылы табыс жылы, береке, бірлік әкелсін.Тарихи жыл болсын.

2-жүргізуші: Төрлетіңдер, төрлетіңдер.

Шырша сәнін көріңдер.

Әсем әнмен би билеп,

Күй жырларды төгіңдер.

1-жүргізуші: Кел, жаңа жыл,

Төрле, төрле жеріме,

Құт береке боп келгейсің еліме,

Үміт артып армандарға аяулы.

Шаттығына бөлегейсің бізді де- деп балалардың ____________________________________________кезек берейік

Ақшақар: Қандай керемет, өнерлі балалар екенсіңдер

Аяз ата: Балалар, жаңа жыл болса кеп қалды, біздің қарсы алатын ұлу жылымыз қайда? Мыстан сиқырлап тастамадыма екен?! Балалар, ұлу қалай жүреді? Ұлу көрінбейме қараңдаршы!

2-жүргізуші:Қош келдіңіз бүгінгі кешімізге,

Жаңа табыс тілейік ісімізге.

Келе жатқан жаңа жыл құт әкелсін,

Мына отырған барша жан бәрімізге.

1-жүргізуші: Уа, халайық құрметті,

Көмейіме жыр кеп тұр

Жаңа жылды қарсы алып,

Өткізейік дүрмекті

Уа, халайық той бүгін

Бақыт, шаттық мол бүгін

Қарсы алайық Ұлу жылын

Ұзатып сап Қоянды

Жаңа жыл жарылқасын ескі жыл есіркесін –деп , өткен жыл мен келер жылымызды қошеметпен қарсы алайық!

Музыка ырғағымен ҚОЯН кіреді

ҚОЯН: Бір жыл бойы сендермен

Бірге жүрдім ойнадым

Енді міне балалар

Кезек келді қоштасар.

Қуанышты ортамыз сазға ұласқан

Тілегім болсын мәңгі ашық аспан

2024 жылға қадам басқан

Гүлденіп көркейе бер, Қазақстан!.

Қоян балалармен шыршы айналады

2-жүргізуші: Шынымен балалар, біз бір жасқа үлкейдік. Ескі жыл Жаңа жылға орнын сыйлағысы келіп тұр, олай болса, сау болыңыз, біз сізге ризамыз

Құрметті достар! Бізге жақсылықтарымен толы болған ҚОЯН жылын шығарып салайық. (ҚОЯН кетеді).

1-жүргізуші: Ендеше келесі кезекте жаңа жылымызды қарсы алайық

Ұлу келеді

ҰЛУ: Жаңа жыл – туындаған жаңа армандар,

Жаңа жыл – шуылдаған жаңа ормандар.

Ал мынау – мәңгі бақи жаңа дүние,

О, сәлем жаңа жылда жаңарғандар.

Мен Жаңа жылмын

Мен жаңа нұрмын

Нұрымды да себейін

Жырымды да себейін

• Мен сендерге «Бақыт» сыйлаймын татті шашу шашылады

1-жүргізуші:

Ей, жаңа жыл, жаңа бақыт ырысым.

Жақсылықтың жаршысы да нұрысың.

Адамдардың асқақтаған арманы,

Ақындардың таусылмайтын жырысың

Номер

Номер

Номер

Номер

2-жүргізуші:

Жаңа жыл, жаңа бақыт, жаңа жыр.

Ізгілік, бірлік дәнін ортаға ысыр.

Құт болып береке бер халқымызға

Мерейін мәртебесін биікке асыр.

Хор: «Жаңа жыл»

Аяз ата: Ой, бәрекелді, балаларым. Әсем ән шырқап, би билеп аталарыңды бір қуантып тастадыңдар. Мен сендерге сыйлықтар әкелдім! (таратып береді). Көп-көп рақмет, өркендерің өссін. Енді Ақшақар екеуміз, аттанайық. Баршаңызбен қоштасамыз, сау болыңдар!

Ақшақар: Сау болыңдар, балалар, келесі жаңа жылда кездескенше.

Барлығы: Сау болыңыз, Аяз ата, сау болыңыз, Ақшақар.

1-жүргізуші: Міне, құрметті қонақтар, балалар! «Құтты болсын, Жаңа жыл!» атты, кешіміз аяқталып қалды. Осындай, керемет мерекеге атсалысқандарыңызға рақмет айтамыз. Жаңа 2024 жылымыз құтты болсын! Отбасыларыңызға тек бақыт, қуаныш нұры жаусын!

2-жүргізуші: Жаңа жыл — әрбіріңіздің отбасыңызға жаңа нұр, жаңа шуақ, табыс пен береке, қуаныш пен мереке алып келсін. Жаңа жыл баршамызға берекелі, мерекелі жыл болсын.

Келесі жаңа жылда кездескенше, аман-сау болайық!