ҰОҚ, мүсіңдеу, тақырыбы "Сылдырмақ"

Әрекет

кезеңдері

Тәрбиешінің іс - әрекеті

Балалардың іс - әрекеті

Мотивациялық қозғаушы

Тәрбиеші балаларға сылдырмақ туралы өлең жолдарын таңдауды ұсынады.

Сылдырмақ

Сылдырмақ сылдырлап,

Бесікте тұрады.

Бөпешім былдырлап,

Сылдырмақ ұрады.

Бас салып, қолға алып,

Ауызға салады.

Сол кезде сылдырмақ

Сөйлемей қалады.

Ж. Смаков

(Сылдырмақты сылдырлатып көрсету).

Сөздік жұмыс.

Балалар өлең жолдарын тындайды, не туралы айтылғанын айтады.

Қайталайды.

Іздену -ұйымдастырушылық

Тәрбиеші:

- Бұл сылдырмақтың сыры неде? Бұл қалай дыбыс шығарады, зерттеп көрейік.

Пластмассадан жасалған ойыншықтың ішіне салынған моншақтарды ашып көрсету, қайта жауып, шайқап, сылдырлату. Осылай әртүрлі ұсақ заттар салу арқылы дыбыс шығарылатынын балаларға түсіндіру.

- Сылдырмақ не үшін керек?

- Кімнің үйінде сылдырмақ бар?

- Кімнің үйінде кішкентай іні-қарындастары бар?

Сол бөбектерге сылдырмақ жасап берсек қайтеді.

Тәрбиеші балаларға өзі дайындаған үлгіні көрсетеді.

Алдымен саусақ жаттығуларын жасап алайық.

Саусақ жаттығуы.

Қуырмаш (ойын - өлең)

Қуыр - қуыр, қуырмаш!

Тауықтарға бидай шаш!

Бас бармақ,

Балаң үйрек,

Ортан терек,

Шылдыр шүмек,

Кішкене бөбек.

Халық ауыз әдебиеті.

Жұмыстың орындалу тәсілін көрсетіп, түсіндіру:

- Ермексаздан қалаған түсті таңдап алып, жұмсартамыз, оны екі бөлікке бөліп, алақанға салып домалақтаймыз;

- Екінші бөлікті алақан арасына салып, ширатып пішін жасаймыз;

- Екі бөлікті біріктіріп, әшекейлейміз.

Балалардың өз бетінше жұмысы.

Қиналып отырған балаларға көмек көрсету.

Сергіту сәті. «Сылдырмақпен би»

Қолымызда сылдырмақ,

Сылдыр-сылдыр етеді.

Аяғымыз тыпылдап,

Өзі билеп кетеді.

Тып, тып, тып, тып,

Тыпылдатып биге шық.

А. Меңжанова

- Жасаған сылдырмақтың түсі қандай? Сабынды қандай түспен жасадың? Не үшін ол түсті таңдадың? Кімге арнап жасадың? – сұрақтарын қойып, жауап алу.

Балалар тәрбиешінің әңгімесін тыңдайды, сылдырмақтың сырымен танысады.

Үйлерінде сылдырмақтың кішкентай іні-қарындастарының барын айтып, сұрақтарға жауап береді. Оларды сылдырмақпен ойнататындарын айтады.

Саусақ жаттығуларын өлең жолдарын қайталай отырып орындайды.

Сылдырмақтың жасалу жолдарымен танысады.

Балалар тәрбиешімен бірге сылдырмақты мүсіндейді.

Қолдарына сылдырмақ алып, сылдырлатып, қимыл-қозғалыстар жасайды.

Балалар өздерінің жасаған сылдырмақтары туралы әңгімелейді.

Рефлексивті түзеуші

- Балалар, бұл жасаған сылдырмақтарынды ата-аналарыңа көрсетемін. Балалардың жұмысын талдау, мадақтау.

Балалар жасаған сылдырмақтарымен ойнайды. Өз текшелеріне қояды.