Ұрпақ тәрбиесі ұлт болашағы

Сабақтың тақырыбы: Ұрпақ тәрбиесі -ұлт болашағы

Сабақтың мақсаты: Қазақтың ұлттық тәрбиесін дәріптеу. Қазақы ырым тиымдардың мән-мағынасын түсіндіру.

Сабақтың барысы:

1. Ұйымдастыру кезеңі

Қазақ ырымшыл халық. Қазақта сандарды қасиетті санаған. Қасиетті саналатын сандар қатарына «үш» , «төрт», «жеті» , «қырық» сандары жататынын білеміз. Халық ұғымында дүниені құраушы төрт түрлі тек бар олар: жер, су, жел, от. Осы төрт затты малдың күйі деп түсінген. Мал күйлі болса, ырыс-береке болады деп түсінген. Ал жеті санына байланысты не білеміз, үш санына байланысты ше? Мына ұяшықтарды таңдай отырып, білімдеріңді тексеріп көрелік.

2. «Сандарға саяхат»

Бес қару

• Садақ

• Мылтық

• Найза

• Қылыш

• Айбалта

Жеті қазына

• Ер жігіт

• Сұлу әйел

• Жүйрік ат

• Қыран бүркіт

• Берен мылтық

• Құмай тазы

• Өткір кездік

Жеті ата

• Бала

• Әке

• Ата

• Арғы ата

• Тек ата

• Түп ата

• Баба

Үш арсыз

• Ұйқы

• Күлкі

• Тамақ

Бес өсиет

• Жаманмен дос болма

• Арыңды сатпа

• Намысыңды жіберме

• Арсыздан бата алма

• Жаман әдетке жолама

Үш даусыз

• Мінез

• Кәрілік

• Ажал

Келесі кезең «Ойлан -тап» деп аталады. Бұл кезеңде суреттерге қарап мақал- мәтелді табады.

Жігітке -жеті өнер де аз Бес саусақ бірдей емес

Асық ойнаған азар, Ұяда не көрсең, ұшқанда соны ілерсің

Доп ойнаған тозар,

Қой бағып, құйрық жеген- озар

Келесі кезең «Ой толғау» деп аталады. Берілген сұрақтарға оқушылар жауап береді

1. Сен үшін басты құндылық не?

2. Сен үшін отбасың несімен қымбат?

3. Анаңды не үшін жақсы көресің?

4. Сенің әкең қандай адам?

5. Жақындарың үшін не істей аласың?

6. Ұлтжанды дегенді қалай түсінесің?

Келесі кезең ата аналар үшін ой толғау. А. Байтұрсыновтың мынадай сөзі бар «Ұлыңды ұлша тәрбиелесең- ұл болмақшы, құлша тәрбиелесең –құл болмақшы» осы сөздің мағынасын қалай түсінер едіңіз?

Жалпы жақсы ұлт болу үшін біз ата- аналар балаға қалай тәрбие беруіміз керек? Ұлтжанды дегенді қалай түсінесіз Ата-аналармен пікір алмасу. Сөз соңы...