| Сабақтың барысы: | Ресурстар (құралдар, мәліметтер) |
| Сабақтың мақсаты: оқушыларға ұлы адамдардың өмірі мен қызметінің мәнін дұрыс әрекет арқылы түсініктерін кеңейту.Міндеттері:-оқушылардың ұлы адамдардан өнеге-үлгі алуға,ұлағатын үйренуге баулу.-оқушылардың ұлы адамдардың жақсы істерін сезініп-көре білуге,оларды қадірлеп-бағалай алуға үйрету.-ақылдылыққа,өнегелілікке,сыйластыққа тәрбиелеу. | Ресурстар:(оқулық, жұмыс дәптері, аудиожазба, постер, даналық сөздер жазылған парақтар ) |
| 1.Ұйымдастыру кезеңi. « 5-Т» ережесін еске түсіру.Тыныштық сәтi. Су асты патшалығына ойша саяхат.Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз… бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз. | Баяу ән(3 мин)
|
| 2.Үй тапсырмасын тексеру.Үй тапсырмасы бойынша, Ахметованың Бауыржан Момышұлы туралы естелік мәтінін оқып келу.1. Бауыржан Момышұлының өмірі несімен ұлағатты деп ойлайсыңдар?2. Ұлы адамдардың істерін мәңгілік есте қалдырудың мәні неде?3. Бауыржан Момышұлының бойындағы қандай қасиеттер болашақ ұрпаққа үлгі-өнеге болады деп ойлайсыңдар?4. Ана тілі жайында не айтқан? | (5 мин) |
| 3.Дәйексөз.Жақсының жақсылығын айт, нұры тасысын Халық нақылыСұрақ. Дәйексөздің мағынасын қалай түсінеcіңдер? | Дәйек сөзді хормен қайталату, дәптерге жазу.(5 мин) |
| 4. Әңгімелеу (Сұхбат). «Бауыржан Момышұлы туралы естелік»Адам өмірі жақсылық нұрын сеуіп, ғибратты ғұмыр кешуге бағытталады. Әр адамның өмірлік мақсат - тілегі болады. Аңсаған арманына, көздеген мақсатына қол жеткізу жолында адамдар ізгілік пен адалдықты, ізденіс пен еңбекқорлықты арқау етеді.Б. Момышұлы 1910 жылы 24 желтоқсанда қазіргі Жамбыл облысы, Жуалы ауданы, Көлбастау мекенінде дүниеге келген. Жеті жылдық білім алып, біраз уақыт мұғалім болып қызмет істеді. 1932 жылы әскер қатарына шақырылды. 1936 жылдан бастап түрлі әскери бөлімдерде қызмет істеді. 1941 жылы Ұлы Отан соғысы басталысымен даңқты генерал - майор Панфиловтың басшылығымен жасақталған 316 атқыштар дивизиясының құрамында болып, командир қызметін атқарған. 1956 жылы отставкаға шыққаннан кейін Б. Момышұлы шығармашылықпен айналысты. Оның алғашқы кітаптары: «Бір түннің тарихы», «Біздің семья», «Артымызда Москва», «Майдандағы кездесулер».Халық батыры Бауыржан Ұлы Отан соғысында дарынды қолбасшы, ер жүрек, батыл, қаһарман, атақты жазушы.Соғыс кезінде батальон, полк, дивизия командирі болған, кейін әскери оқу орнында дәріс берген, соғыс ісінің тәжірибесін жетік, теориясын терең білетін Бауыржанға батыр атағы да, генерал шені де уақытында берілмеді. Бірақ, одан беделіне нұқсан келген жоқ. Халық оны шын мәнінде қаhарман батыр деп таныды, себебі ол биік тұлға еді. Еліміз егемендік алғаннан кейін елбасымыз Н. Ә. Назарбаев халықтың көп жылдар бойғы арманын жүзеге асырды. Бауыржан Момышұлына «Батыр» атағы берілді. Бұл шешім қазақ халқын шын қуантты. | (5 мин)
|
| 5. Шығармашылық жұмыс. Постермен жұмыс. Бауыржан Момышұлы кім? (мінездеме)Топтық жұмыс. Тапсырма. 1 - топ Бауыржан Момышұлының бойындағы қасиеттері туралы қысқа әңгіме құрастыру.2 - топ Бауыржан Момышұлының ерлігі туралы әңгіме құрастыру.3 - топ «Батыр болу үшін мен не істей аламын?» әңгіме құрастыру.Бауыржан Момышұлының айтқан даналы сөздерінің мағынасын ашу.1 – топ Именіп жүріп көрген игіліктенҚарсыласып жүріп көрген бейнет артық.2 – топ Өз ұлтын сыйламау, оны мақтаныш етпеу – сатқындықтың белгісі.3 – топ Әділдікті мойындау – адал кісінің ісі. Бауыржан Момышұлының өмірден түйген нақыл сөздерін кітаптан оқып, бір – екі нақыл сөздің мағынасын таратып айту. | (15 мин) |
6. Топпен ән айту
«Батыр Бауыржан» Сөзі А. Байғожаевтікі Әні Ә. БейсеуовтікіАқ боранда азынаған, қақағанЖаудың қолы Москваға тақаған.Тайсалмады жау сұсынан жас қазақ,Мирас еткен батырлықты атадан.Қайырмасы:Әрқашан аты ауызда,Ықпаған батыр дауылдан.Айналған аты аңызға,Момыштың ұлы Бауыржан!Жаудың оғын қағып құрыш боймен,Туған елі шыққан емес есінен.Қашты жаулар Москваның түбінен,Қашты жаулар Бауыржандар сесінен.Қайырмасы:Ерек сүйген өзі туған Отанын,Халық берген оған батыр атағын,Ауыр жылдың арқалаған азабын,Ерлігіңді әнмен жалаулатамын.Қайырмасы: | Әуен мәтіні(5 мин)
|
| 7. Үй тапсырмасы.Оқулықта берілген «Астана бастауларым», «Осылай болған», «Жаңа ғасырға жаңа Астанамен», «Болашақтың қаласының бүгіні» мәтінін оқып, мазмұндап келу. |
|
| 8. Соңғы тыныштық сәті.Денемізді тік ұстап,орындықта еркін отырамыз.Көзімізді жұмамыз.Жап-жасыл табиғат әлеміне еніп барамыз.Біреуіміз қып-қызыл гүл секілді жайнап тұрмыз.Біреуіміз тұп-тұнық мөлдір су секілді таза жанбыз. Енді біреуіміз көк аспанда еркін ұшып жүрген құстар сияқтымыз,ойымызды еркін айтып келеміз.Қыздар болса,көлдегі аққудай сызылып билеп барады.Ұлдар болса,қыран бүркіттей биіктерге самғап барады.Алдымыздан жарық нұрын шашқан күн сияқты аналарымыз бен әжелеріміз бізге мейірлене қарайды.Әкелеріміз бен аталарымыз асқақтаған асқар биік тау болып,ақ батасын беріп,бізге қол бұлғайды Біз өзіміздің табиғатпен үйлесіп тұрғанымызға айрықша қуанып тұрмыз.Табиғаттың түстері мен реңктері,әрекеттері мен құбылыстары,аңдары мен құстары «Бізбен бірге»екендігін сезініп келеміз.Осы сезімімізбен сыныбымызға оралайық.Көзімізді ептеп ашайық.Қорытындылау.Бүгінгі сабақтан не түйгендері туралы әрбір баладан өз ойларын сұрау. | Баяу ән(5 мин)
|
ҚР Білім және Ғылым министірлігінің стандартымен жасалған
21 Желтоқсан 2017
855
0 рет жүктелген
