Ұрпаққа тіл ұластыру: мемлекеттік тілдің қоғамдағы рөлі

Мемлекеттік тіл – елдігіміздің рухани тірегі, ұлттық болмысымыздың айнасы. Қазақ тілі арқылы ұрпақ тарихи жадын сақтап, салт-дәстүрін танып, ұлттық дүниетанымын қалыптастырады. Сондықтан тілді сақтау мен дамыту – бүгінгі қоғамның ортақ жауапкершілігі.

Қазіргі білім беру жүйесінде «Адал азамат» тұжырымдамасының орны айрықша. Адал азамат – өз елін сүйетін, ұлттық құндылықты құрметтейтін, ана тіліне жанашыр тұлға. Мемлекеттік тілді қадірлеу – адал азаматқа тән басты қасиеттердің бірі. Өйткені тілге құрмет – елге, жерге деген адалдықтың көрінісі.

Ұрпаққа тіл ұластыру отбасындағы тәрбиеден басталып, мектеп қабырғасында жүйелі түрде жалғасуы тиіс. Қазақ тілі сабағында ұлттық құндылықтарды – үлкенді сыйлау, сөзге тоқтау, уәдеге беріктік, елге қызмет ету сияқты асыл қасиеттерді тіл арқылы таныту маңызды. Тіл – тәрбиенің ең әсерлі құралы.

Қазақ тілі – адалдық пен әділдіктің, жауапкершілік пен парасаттың тілі. Ана тілінде еркін ойлап, сауатты сөйлей алатын жас ұрпақ қана қоғамға пайдалы, ел болашағына бейжай қарамайтын азамат болып қалыптасады. Сондықтан мемлекеттік тілдің қоғамдық өмірдегі қолданысын арттыру – адал азамат тәрбиелеудің нақты жолы.

Қорытындылай айтқанда, ұлттық құндылықты ұлықтаған, ана тілін ардақтаған ұрпақ – ел болашағының берік негізі. Ұрпаққа тіл ұластыру арқылы біз адал азамат қалыптастырамыз, ал адал азамат – қуатты мемлекеттің кепілі.

Қарағанды облысы, Балқаш қаласы

«Бауыржан Момышұлы атындағы

жалпы білім беретін мектебі»КММ

қазақ тілі мен әдебиеті пәні мұғалімі

Айтқұлова Гүлшара Серікқызы