Қазақстан Республикасы Білім және Ғылым министрлігі

Х.Досмұхамедов атындағы Атырау мемлекеттік университеті

Тақырыбы: « Ұшақ» жасау

Орындаған: Айтқұлова А. О.

Дефектология-37 топ

Тексерген: Бекжанова Жанар

Атырау-2017 жыл

Тақырыбы: « Ұшақ» жасау

Мақсаты:

Білімділік: Ұшақпен таныстыру, қатпарлап бүктеп, шеткі сызықтары бойынша және симметриялы қию әдіс – тәсілдерін меңгерту. Қарапайым мазмұн бере жапсыру дағдыларын қалыптастыру.

Дамытушылық: Тақырыпқа сай заттармен өз жұмыстарын толықтыра білу іскерлігін бекіту.

Тәрбиелік: Ұшқыш туралы қиялын дамыту, ұқыптылыққа тәрбиелеу.

Керекті құралдар: Қайшы, қорапша, түрлі – түсті қағаздар, ұшақ, ғарыш әлемі салынған сурет

Сабақтың барысы:

І. Ұйымдастыру кезеңі

Балалар шаттық шеңберге тұрады. Алақанмен жылуды айналаға таратайық. Бір - бірімізге қарап күлкі сыйлайық,

Бақыт нұрын шашайық

Арайлап таң атты

Алтын шуақ таратты

Армысыңдар, достарым!

Сәлем, сәлем, сәлем!

ІІ. Үй тапсырмасын сұрау

ІІІ. Жаңа сабақ

Балалар бүгін біз әуеде ұшатын көлік түрі ұшақпен танысамыз

Ойыншық ұшақтарды тамашалау:

Балаларға ойыншық ұшақтарды көрсетіп, құрылысымен таныстыру.
- Ұшақтар не үшін қажет?

- Аспанға ұшу үшін

- Ұшақты кім жүргізеді?

- Ұшқыш

- Ұшақтың ішінде не бар?

- Адамдар бар

Ұшқыштар туралы әңгімелеу.

Ұшқыштар ұшақпен ұшады. Аспанды қорғайды. Ұшқыштар өте ақылды және мықты. Олар ұшақты басқару үшін білімді болуы керек, сол үшін олар көп оқиды.

Жұмыс барысы түсіндіріледі:

- Ұшақты қағаздан қиюдың бірнеше үлгілерін көрсетеді.

Ұшақ жасау жоспары:

1 тәсіл-қағаздың жоғарғы жағын үшбұрыштаймыз.

2 тәсіл- үшбұрышты төмен қарай бүктейміз.

3 тәсіл- бүктелген пішіннен қайтадан үшбұрыш жасаймыз.

4 тәсіл- жасалған үшбұрышты қайтадан бүктейміз

5 тәсіл- бүктелген үшбұрыштың екі жағын беттестіреміз.

6 тәсіл- дайын бұйым- ұшақ.(жоспарды тақтаға жазу,балаларға кезектестіріп жоспарды оқыту.)

- Ұшақты қағаздың ортасына орналастырып жапсыру (Балалар аяқталған жұмыстарынан көрме ұйымдастырады)

ІV. Сергіту сәті

«Жер, су, ауа» ойыны ойналады.

«Жер» дегенде балалар «Автобус» дейді

«Су» дегенде «Кеме» дейді,

«Ауа» дегенде «Ұшақ» болып ұшады.

V. Сабақты бекіту

«Кімнің ұшағы алысқа ұшады» ойыны. (Балалардың ойыны)
Қағаздан жасалған ұшақтарды балалар ұшырып ойнайды.

- Түрлі – түсті қағаздан ұшақ жасайтындарын түсіндіреді.

VІ. Сабақты қорытындылау

Ж. Нұрхановтың «Ұшақ» өлеңімен оқып қорытындылау

Көлдерді көктей өт

Тауларға жетпей өт

Бұлттарды жарып ұш

Бұлттан да әріге ұш

Тоқтаусыз төтеле

Жетейік көкеме..:

VІІ. Үйге тапсырма: ұшақтың суретін салу

VІІІ. Бағалау