Сабақтың тақырыбы: Ұстауға қатысты қимылдарды дамыту

Сабақтың мақсаты: ұсақ қол моторикасын, қағазды, қарындашты, қылқалам ұстауды, қиялды, бейнелі ойлауды дамыту

Сабақтың көрнекілігі: сабаққа қажет суреттер, геометриялық пішіндердің суреті салынған парақтар, қағаз парағын, бояулар, қылқалам

Сабақтың барысы

Психологиялық жайлы жағдай орнату.

Психолог: Амандасып, балалардың көңіл-күйін жайлап сабаққа аудару. Біз қазір суреттер көреміз.

• Сендер бұл суреттерден не көріп отырсың?

• Тәте табақшаны қалай (немен) жасап отыр?

• Балалар не ұстап отыр?

• Маймылдың балалары аналарын жақсы көретінін қалай білдіріуде?

Берілген суреттер бойынша баланың жауаптарын тыңдап болған соң, жаңа сабақтың тақырыбын айтып, ойын терапиясын қолдана отырып, оның ұстауға қатысты қол қимылдарын дамыту. Қол қимылдарын, нәзік моториканы дамыту баланың ойлау, есте сақтау, жазу қабілеттерін күшейтеді. Баланың жауаптарын тыңдап болған соң «Ерекше шимайлар» ойыны ойналады.

«Ерекше шимайлар» ойыны

Мақсаты: шығармашылық қиялды, бейнелі ойлауды, ұсақ қол моторикасын дамыту.

Барысы: Психолог бала үшін қағаз парағын, бояулар, қылқалам дайындайды. Содан кейін ерекше шимай дайындаумен айналысуды ұсынады. Психолог шимайды үстін былғап алмай, қалай салуды, сондай-ақ симметриялы шимайлау (парақ ортасына бір тамшы сия тамызып, парақты тура ортасынан бүктеп, содан кейін қайта жазу) тәсілін көрсетеді.

Дайындалған жұмыстар аяқталғаннан кейін психологайтады: «Қане, барлық шимайларға қарап, олар неге ұқсайтынын айтайық. Әрбір шимайдан заттар бейнесін көбірек көруге тырысайық».

«Суреттерді жандандыру» ойыны

Мақсаты: қиялды, шығармашылық ойлауды, қолдың ұсақ моторикасын дамыту.

Барысы: психолог балаларға геометриялық пішіндердің суреті салынған парақтарды таратады. Баланың міндеті бөлшектерден сурет құрастырып салу.

Түйін. Біз бұл ойынды жақсы ойнадық. Сен геометриялық пішіндер туралы көп біледі екенсің. Үстіңді былғап алмай, суретті қалай тамаша салдың. Сондай-ақ сен симметриялы шимайлардың неге ұқсайтынын жақсы келтірдің.