"Ұстаз - ұлы ұғым"

Тақырыбы : Ұстаз-адалдықтың ұлылықтың символы

«Бала жүрегі- кішкентай күй сандық. Сол сандықтың кілтін тапсаң ғана ашылады. Педагогтің қолында әр кезде сол кілт тұру керек»

М.Шаханов

Әр баланың жүрегіне жол табу, бала бойындағы дарынды ашу мұғалімнің ең басты міндеті. Мен өз сөзімді ағылшын ағартушысы Уильям Уордтың қаннатты сөзімен ойымды жеткізгім келіп отыр:

Жай мұғалім хабарлайды,

Жақсы мұғалім түсіндіреді,

Керемет мұғалім көрсетеді.

Ұлы педагог шабыттандырады.

Міне қандай теңеулермен керемет айтылған десеңізші!? Әрине ұстаз адалдықтың символы деп айта аламыз, көзбен де көріп жүрміз екінші анасындай болған ұстаздардың қолында, болашақ жастардың өмірін гүлдендіруге байланысты. Еліміздің болашағы өз кәсібінің жілігін шағып, майын ішкен дамыған педагог қолында екенін тәрбиеші қауымы ұмытпаса екен. Көзге көрсете отырып, оқу әрекетінде баланың көңілінен шығатындай ұғындыру керек. Менің өз сабағыма адалдығым; мектепке қарай асыққан білім алушыға әсерлі үнмен, асықпай мәнерлеп сөйлеп, әрбір балаға  деген қамқорлықтың, аналық, әкелік сезімнің дана ойдың ыстық лебін бойына сыйлап, жасерекшелігіне қарай сомдаймын. Әр минутымды бағалаймын. Қоғам тұлғаны қаншалықты жетілдірсе, жетілген тұлға соншалықты дәрежеде дамытады. Сондықтан қоғам дамуында білім беру ең маңызды болып табылады. Әрбір тұлға өмірінде үлкен тәрбие мен таусылмас білім ошағын санасына ұялатқан ұстазын мәңгілік есінде сақтайды Міне, осы жолда ұстаздық қызметке бет бұрып, бала жанының бағбаны болуға бел будым. Соның ішінде қазақ тілі мен әдебиеті пәнінің мұғалімі болу – мен үшін мәңгілік мәртебе. Өйткені, көзінің тірісінде қасықтай қаны, шығардай жаны қалғанша қазаққа қызмет еткен Мағжан, Жүсіпбек, Міржақып, Ахметтей арыстарымыздың өмірі үзілгенмен, артында арманы болып қалған, үзілмеген үмітін жалғау маған жүктелген міндет деп білемін.. Нағыз ұстаз , міне осы. Өйткені әрбір шәкіртінің өсіп өркендеуінің, бәсекеге қабілетті болуының ең маңызды ошағы – ұстаз берген білімде. Ұлы ұстаз - жас ұрпақ тәрбиешісі, жол көрсетушісі. Қорыта келе, әр бала бойындағы кездесетін талантты, дарынды ашу біздей ұстаздардың ең басты атқаратын міндетін орындасақ Жаңа Қазақстанның болашағын гүлдендіре аламыз.