Ұстаз -ұлылықтың, адалдықтың символы

Бекітемін

Мектеп директоры

Эссе

Ұстаз -ұлылықтың, адалдықтың символы

«Адамға ең бірінші тәрбие берілуі керек, тәрбиесіз берілген білім- адамзаттың қас жауы, ол келешекте оның барлық өміріне апат әкеледі»,- дейді әл-Фараби. Иә, осы білім мен тәрбие биікке шыңдайтын құстың қос қанатындай дүние екендігі баршаға аян. Ұрпақ бойына осы екі түсінікті мектеп қабырғасынан қалыптастыруда ұстаздар еңбектенеді, тер төгеді. Осы жолда бар өмірін сарп еткен ұстаздар жайлы қалайша тебіренбеске?!

Мұғалім оқушысына үлгі болуы үшін білім-ғылымға қанық, үнемі жаңашылдыққа жақын, ізденімпаз болуы аса қажет. Себебі, жаңа дәуір жастары ғылыммен, дәлелмен көз жеткізуді талап етеді. Кез келген оқушыға мұғалімнің әрбір сөзі мен ісі айна болады. Оларға үлгі бола отырып, дұрыс бағыт беру, еңбектенуге құлшынысын арттыру, талабын шыңдау – мұғалімнің шеберлігінің сырында болмақ. Ұстаз өз жұмысын сүйіп істесе, тұла бойы мейірімге толып, шәкірт жүрегінен орын таба білсе болғаны емес пе? Міне, сонда ғана әрбір жақсы ұстаз ұлылықтың , адалдықтың бастауы, қайнар көзі болып қалары анық. Педагогика ғылымының негізін қалаушы К.Д.Ушинский: «Егер мұғалім өз бойына іс пен шәкірттеріне деген сүйіспеншілікті біріктіретін болса, ол- кемел ұстаз» демеп пе еді?! Демек, оқушыға өнеге бола білу үшін де, білім жолында кемелдікке жету үшін де адамгершілік қасиетті жоғары ұстай білу де негізгі қадам болып саналады.

Тоқсан ауыз сөздің тобықтай түйіні, бүгінгі жас ұрпаққа жан-жақты білім беру, тәрбиелеу-әрбір ұстаздың басты міндеті. Білім негізі мектепте қаланатын болғандықтан, оқушыны дамыту, оның шығармашылық мүмкіндігінің дамуы басты рөл атқарады. Текті жұрт әрқашан мұғалімдерін қадірлеп, өзі білім алған мектебін қастерлеген. Біздің келешегіміздің кепілі- білімді ұрпақ тәрбиесінде! Ұрпағымыздың нағыз білімді, жан-жақты дамыған, өз елін сүйетін азамат болуы ұстазына байланысты. Бар әлем, барлық ғалам бас иіп сыйлайтын бұл тұлғаға жетер жан бар ма екен?! Жоқ, әрине... Ұстаз -ұлылықтың, адалдықтың символы. (266 сөз)

Нуржигитов Асхат Адилбекович дене шынықтыру пәні мұғалімі