Ұстаз білім шырағы

Ұстаз – білім шырағы

Ұстаздық еткен жалықпас, үйретуден балаға.

Абай Құнанбайұлы

Ұстаз – болу үшін жүрек керек. Бұл сөздің астында талай ой саларлық дүние жатыр. Осы мамандықта білім алғанымен, адамдардың бәрі – бірдей ұстаз бола алмайды. Алдына балапан болып келген ақ үрпек бүлдіршіндерді қанаттандырып, үлкен өмір жолына салу мұғалімнің міндеті. Ұстаз – ақылдың тозбайтұғын асылы. Қасиетті мамандық иелерінің ішіндегі жауһары. 

Бала бойыңа бар жақсы дүниені сіңіру, қолыңа алғаш қалам ұстатып, әліпби үйретіп, өзінің ойын жетік жеткізе алатын, саналы азамат болып қалыптасуында, ұстаздың алатын орны орасан зор. Әр баланы жеке тұлға ретінде ашып, даралығымен көзге түскен балапандарға даңғыл жол сілтеуде осы ұстаздың парызы.

Өзімнің педагогикалық жұмыс тәжірбиемде алдымнан талай бүлдіршін өтіп, қаншама түлекті ұшырдым. Мен әр баламның жетістігіне қуанып, олардың өмір жолында адаспай, үлкен азамат болып өскендерін әрдайым мақтан тұтамын. Мен барлық біліктілігім мен білімімді, күш-жігерім мен энергиямды бала тәрбиесіне жұмсап, берген барлық өнеге, ақылымды осы кішкентай балғындарым бойына 100 пайыз сіңірсе екен деймін. Бала бойыңдағы бар қабілетті танып, олардың шам шырағы болғым келеді.

Ұстаздар жайында халқымыздың ұлы батыры Бауыржан Момышұлы былай деген: “Ұстаздық – ұлы құрмет. Себебі, ұрпақтарды ұстаз тәрбиелейді. Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді… Өмірге ұрпақ берген аналарды қандай ардақтасақ, сол ұрпақты тәрбиелейтін ұстаздарды да сондай ардақтауға міндеттіміз”.

Біз бүгінде ұстаз мәртебесін жоғалтпай, осындай киелі атақты жоғары ұстап, атына кір келтірмей, балаларға жақсы білім беру жолында аянып қалмауымыз керек. Ел болашағы болатын – өскелең ұрпақ өкілдеріне үлгі, білімнің шырағы бола білейік.